TVB節目巡禮 | 黃翠如眼濕濕回憶好鄰居「Benz哥」未能同「蕭哈哈」合影留遺憾

娛圈事

TVB節目巡禮 | 黃翠如眼濕濕回憶好鄰居「Benz哥」未能同「蕭哈哈」合影留遺憾

2025年10月28日 21:20 最後更新：23:15

TVB節目巡禮2026於 10月28日下午在西九文化區戲曲中心舉行，蕭正楠和太太黃翠如夫妻檔盛裝出席。談及人稱「Benz哥」的資深藝人許紹雄於周二病逝，二人均難掩傷感，並於傳媒分享與Benz哥的多年情誼。

星期一黃翠如和蕭正楠趕得及到養和醫院，探望Benz哥最後一面，黃翠如指：「呢個行業所有人都好愛惜Benz哥，個個都係Benz哥朋友」，黃翠如認為同Benz哥能夠做鄰居是好好的緣分，「我哋私底下有好多好美好的回憶，留返係心入面。」

點擊看圖輯

星期一黃翠如和蕭正楠趕得及到養和醫院，探望Benz哥最後一面。巴士的報記者攝

黃翠如指同Benz哥的太太同囡囡關係都好好，「希望屋企人可以好好互相支持住」。巴士的報記者攝

更多相片

巴士的報記者攝

星期一黃翠如和蕭正楠趕得及到養和醫院，探望Benz哥最後一面。巴士的報記者攝

巴士的報記者攝

黃翠如指同Benz哥的太太同囡囡關係都好好，「希望屋企人可以好好互相支持住」。巴士的報記者攝

黃翠如指同Benz哥的太太同囡囡關係都好好，「希望屋企人可以好好互相支持住」，黃翠如又回憶當年，Benz哥總會擔心他們沒有飯食，「佢對我好好，每逢大時大節就會問我有無飯食，跟住就會買好多好靚的肉同海鮮，叫我哋去佢屋企打邊爐。」蕭正楠表示，Benz哥囡囡許惠菁(Charmaine)會整好多好好味的西餅，黃翠如指這個行業好多愛，大家都會給Benz哥的家庭好多愛，「希望佢哋可以好好哋係愛入面企返起身」

黃翠如又回憶兒子「蕭哈哈」剛出世時，Benz哥好體貼，特登沖完涼才到家中來俾利是給BB，「點知攞完利是BB就扭眼瞓，一直冇影到合照」，黃翠如指直到最近她同BB散步，去到Benz哥家門口，「本來想叫佢出嚟，佢覆我話身體唔係好舒服，最終大家都影唔到合照」，留下遺憾的黃翠如感歎，「希望大家要珍惜每段關係。」

往下看更多文章

走過歷史大地｜洪永城黃翠再合體句句窒到應勁爆笑首集兩個截然不同角度實地看胡夫金字塔

由「黃金拍檔」洪永城（Tony）和黃翠如（Priscilla）主持，香港電視史上首個融合真人+Ai的旅遊資訊綜藝節目《中國建設銀行(亞洲)呈獻：走過歷史大地》，將於明晚（6月15日）翡翠台正式首播，一連兩星期逢周一至周五晚九點半翡翠台播映。

「歷史，係一場現在與過去，永無止境嘅對話。」Tony及翠如相隔七年再度合體自然要搞搞新意思，今次2人不單締造歷史、藉AI ZERO打破時間界限、帶領觀眾回到過去見證歷史最震撼瞬間；還會突破傳統、捨棄企定定傳統介紹方法，改以「花式問答」、「九唔搭八」、「無厘頭四周走」、「互窒互藐」，甚至「小學雞式包剪揼」，實行以最創新及有趣的方式呈現走過的每一個歷史大地。

二人首站將穿越到「最古老文明發源地之一」的古埃及，先後見證金字塔大建築奇蹟的物理學真相、解開獅身人面像「冇咗個鼻」的千古謎思、揭開圖坦卡門法老詛咒背後的歷史真相，以及探討埃及妖后璀璨但悲哀的一生，而二人明晚（15日）第一集踏足的，是埃及開羅及古埃及的吉薩高原。

首集，「洪黃CP」除會橫跨古今、360度構世界七大奇蹟中唯一現存的「胡夫金字塔」、還會順應潮流來個古埃及工人村Room Tour；而整集最刺激的，是Tony與翠如以極小學雞的猜包剪揼方式決勝負，看看誰人能坐上動力滑翔傘、體驗在高空俯瞰胡夫金字塔頂站的震撼畫面，結果勝出的Tony相當興奮：「哈哈哈哈哈，我要飛上天上！」

動力滑翔傘 VS 烈日下徒步！黃翠如百無禁忌「咀咒」Tony？！

因為一舖包剪揼喜獲坐滑翔傘良機的Tony，未出發已興奮大叫：「好期待，從來未諗過呢個方法去睇金字塔架」、「我依家係飛過歷史大地呀。」而當滑翔傘飛過金字塔上空時，Tony亢奮度再升級：「原來金字塔係咁靚架，我見到好清楚呀，原來歷史係可以咁樣睇架！」完成體驗後，Tony更喜極而泣狂抹眼淚：「It’s Amazing，我上飛機時已經想喊喇，係咪真架」、「你真係要親身上到去先感受到嗰個震撼。」

至於輸家翠如，則頂著37度高溫及烈日行到死吓死吓，而她則不斷搞爛Gag兼搞笑自娛：「天地有正氣，行埃及行到我喘晒氣」、「個距離行極…個金字塔都冇近到嘅」，期間又百無禁忌向天高呼：「洪永城，上面過得好唔好呀？」認真奀皮。升呢媽咪後的翠如，在《歷史大地》中連番展現驚人轉數，當她與Tony神同步介紹金字塔四大方向時，說到「正南」時，翠如即醒神萬分：「正楠（蕭正楠）係正嘅！」成功令Tony一面難受，笑咗。

其實這對黃金拍檔，由節目開始到最後都是句句搵位窒對方，早在第一回合的「金字塔常識問答比賽」中，二人已笑料百出、默契十足，最搞笑是當Tony問完翠如「知唔知60噸等於1154個黃翠如」後，下一句即馬上吐槽：「我見到咁多石頭（230萬塊）都冇密集恐懼症，但當我見到咁多個黃翠如，我就覺得呢個世界已經冇得救。」就算在AI世界，2人都是對對方有殺錯冇放過，洪永城感嘆：「如果有一日我死咗，我都要葬喺將軍澳墳場，每日凝望住TVB？」翠如即毒舌「明撐暗Mean」：「你係辛苦命，點都會得永生唔會死架？！」而當Tony在建造金字塔現場遇險，翠如第一反應竟是割蓆，當Tony求金字塔工人不要殺他們時，翠如的反應竟是：「嗱，唔係『我哋』呀，係『你』咋！」更將Tony「賣豬仔」點去搬石，難怪Tony節目尾聲介紹用紙莎草造成的莎草紙、以及二人古埃及「聖書體」英文名字時忍不住感嘆：「我哋用歷史，瓜分咗我哋嘅恩怨。」