林芊妤懷孕38周驚遇靈異事件嚇到失眠 凌晨駕車突急剎

現年36歲的林芊妤（Coffee）2018年與圈外男友翟志榮結婚，婚後誕下囝囝翟德彥，轉眼間彥彥已經7歲大。Coffee曾於2021年不幸流產，經歷情緒低谷後，終於再迎來喜訊——現時已懷孕38周，預產期就在下個月，準備迎接第二個小生命。

Coffee預產期就在下個月

懷孕後期的Coffee狀態依然fit爆，日前（28日）佢於社交平台發文，分享一段驚險又靈異嘅駕車經歷，嚇到佢「失眠呀痴線」，仲話：「而家個心情都仲未平靜到！」

日前於社交平台發文，分享一段驚險又靈異嘅駕車經歷

Coffee話，當晚佢同朋友慶祝生日，夜晚11點45分於中環開車返屋企，「去到12點左右，駛到屋企個迴旋處準備落停車場，架車無啦啦自己好大力急剎，我仲chok到條頸，好彩冇chok到個肚！」畫面驚險，她事後仍心有餘悸。

不過更詭異的是——Coffee望住車上螢幕，竟見到有個人好近於車前面行緊，「仲轉身望一望我，然後繼續行！」但佢望出窗外，車前面居然空無一人！佢驚訝表示：「而且呢件事唔係第一次發生！上個月同一時間、同一個位置，架車又自己急剎，個screen又顯示有人行過，但前面乜都冇……當時彥彥仲問我：『媽咪，係咪有怪獸？』」Coffee忍不住大叫：「Oh my god！有冇人試過好似我咁呀？我而家仲驚緊！」

彥彥都遇過

事件曝光後，即刻引起網民熱議。有理科派網民理性分析，指可能係感應器出錯：「Sensor壞咗啦～尤其係同一地點，可能有紅外線、超聲波反射信號搞亂咗車嘅系統。」亦有人補充：「好多新車都有自動緊急剎車功能，Sensor成日scan錯嘢，特別係落完雨或者污糟咗，就容易誤判。」

雖然網民勸Coffee唔好自己嚇自己，但唔少人都留言話：「聽到都起雞皮！」、「真係寧可信其有！」、「孕婦千祈唔好再揸夜車啦～」

Coffee就表示，暫時會少啲夜晚出門，專心安胎：「最緊要人無事，平安最重要。」

最緊要人無事

現年36歲的林芊妤（Coffee）於2018年與圈外男友翟志榮結婚，翌年誕下囝囝翟德彥（伯伯），一家三口生活幸福。2021年她曾不幸流產，今年5月再度於IG報喜宣布懷有第二胎，不過當時檢查發現BB的第13條染色體出現異常，令她一度崩潰落淚。幸好最終一切安好。

今年5月再度於IG報喜宣布懷有第二胎

今日（7日），Coffee在社交平台宣布順利誕下第二胎女兒，並曬出一家四口的溫馨合照，笑容洋溢，幸福滿滿。

曬出一家四口的溫馨合照

可愛女兒平安出世

她在貼文中寫道：「報平安 同時都為大家送上剖腹完嘅第一張全家福。妹妹檢查完暫時健健康康一切安好呀 感恩 而我就到今日都仲係張床休息緊未落得床，真係過左一日先有力氣出Post同大家報平安，另一個重點係彥彥對妹妹真係好溫柔。」

分娩第一天攰到無晒力

哥哥對妹妹好溫柔

哥哥要錫錫妹妹

爸爸亦深情望著前世情人

Coffee亦特別感謝醫療團隊的悉心照顧，包括為她兩胎接生的婦產科醫生、手術時讓她感到安心的麻醉科醫生，以及負責照顧兩位BB的兒科醫生。她坦言身體仍在恢復中，但看到女兒平安出世已感到萬分幸福，更感謝網民一直的祝福與支持：「最後最後要同一班網絡契媽講一聲I love you，因為全靠你哋嘅祝福先令我有無限勇氣走過呢段孕期，亦都因為你哋真誠嘅祝福令BB健健康康咁出世。」