12月7號就是第八屆立法會選舉投票的大日子，全港總動員一齊投入選舉，共創未來！特區政府作為全為最大僱主，當然就帶頭鼓勵公務員投票，行政長官李家超（超哥）於10月28日更向全體公務員發信，呼籲及鼓勵他們以身作則，履行公民責任，踴躍投票，以體現《公務員守則》理念作實際行動。在超哥號召下，各部門也不怠慢，身體力行發動社會各界投票。
民政及青年事務局10月30日就舉行了一個2025年立法會換屆選舉的座談會，同各婦女團體同代表齊聚一堂，鼓勵大家12月7號一齊投票！
民青局局長麥美娟座談會上帶領呼籲各位發揮「巾幗力量」，12月7號齊投票。
婦女係推動社會進步嘅重要力量，民青局局長麥美娟（Alice）呼籲各位發揮「巾幗力量」，鼓勵身為選民嘅姊妹、親朋好友及同事，喺投票日行使公民權利同履行公民責任，積極投票，選出有擔當、有志向、有能力嘅新一屆立法會議員。
Alice座談會上呼籲各團體會員或員工，喺選舉日提供一切可行嘅投票便利，等大家可履行公民責任。
同時亦呼籲在場各位為屬下員工或會員，喺選舉日提供一切可行嘅投票便利，等大家可履行公民責任，投下神聖一票！
各婦女團體都各抒己見，提供鼓勵大家出來投票的好橋。
座談會上，各婦女團體都各抒己見，睇下有咩絕世好橋鼓勵大家出來投票。民青局平日經常接觸市民，一向夠貼地，所以做了不少功夫，除咗設計了「約定你到時見」的選舉宣傳海報，更做了一個窩心舉動。
「約定你到時見」的選舉宣傳海報。
話說12月7號係星期日，通常係外傭放假嘅日子，不少日間長者中心或幼兒暫託服務未必開門，但老幼或長期病患者仍需要照顧，若選民出外投票，家中或乏人照顧，民青局遂在宣傳單張中背面，提供了社會福利署各類照顧者及安老服務的資訊，好「照顧者支援專線」182 183、「照顧者資訊網」(carers.hk)、全港215間長者地區中心及長者鄰舍中等，更附有QR code，方便市民即時用手機上到相關網站取得更詳細資訊，真係貼心到令人感動。
海報提供了各類照顧者及安老服務的資訊，真係好窩心！
當然，喺有緊急需要時，仲可以第一時間搵各區「關愛隊」幫手啦，關愛隊出名有效率且及時，有佢哋喺咗近，大家出門投票時就一定好放心啦。
高人話，民青局確係好有心思，設計嘅投票宣傳海報既帶出鼓勵大家投票嘅訊息，也同時將服務訊息傳畀廣大市民，真係應該畀個Like !
Sebastian
** 博客文章文責自負,不代表本公司立場 **
