新聞女王2｜佘詩曼女強人造型強勢回歸 迎戰黃宗澤李施嬅高海寧陳曉華四面夾擊

由無綫與優酷聯合出品，鍾澍佳總監製，關文深監製，郭健樂編審的最後一炮台慶劇《康業信貸快遞呈獻：新聞女王2》，領銜主演：佘詩曼、黃宗澤、李施嬅、高海寧、王敏奕；特別主演：馬國明、夏文汐；主演：譚俊彥、陳曉華、鄧智堅、龔慈恩、蔣祖曼、何廣沛。

齋睇阿佘同黃宗澤嘅「眼神大戰」，都已經好正。

齋睇阿佘同黃宗澤嘅「眼神大戰」，都已經好正。

齋睇阿佘同黃宗澤嘅「眼神大戰」，都已經好正。

「The Queen is Back！」昨晚（10月30日）萬眾期待的台慶劇《新聞女王2》於翡翠台黃金時段播出首條官方宣傳片，女主角佘詩曼（阿佘）亦於IG上載了其中一條內地官方宣傳片。「擴大新聞戰線，權力遊戲，重新洗牌」，在第二季中離開SNK的文慧心Man姐（佘詩曼飾），將轉戰新舞台—新媒體公司「公開平台」；至於Man姐「宿敵」張家妍（李施嬅飾）亦會轉戰新成立的新聞機構，而留下來留守SNK的，則是空降的新任總監古肇華Kingston（黃宗澤飾）。

阿佘同李施嬅之間嘅「眼神大戰」同樣戲味十足。

阿佘同李施嬅之間嘅「眼神大戰」同樣戲味十足。

第二季又點少得經典新聞現場。

黃宗澤輕佻還拖與佘詩曼火花四濺
「有料邊度都係舞台」，在新舊對手夾擊下，Man姐繼續零怯場、戰意高昂！觀乎兩條宣傳片，Man今季戰力主要集中在新對手—Kingston身上，二人除了有連環「挑機眼神比併」，簡單幾句對白精華片段亦已火藥味十足！宣傳片中，面對空降來到SNK的Kingston，文慧心以極度挑機的眼神問道：「你？外人嚟㗎喎，你叫得郁新聞界邊個呀？」配以嘲諷式失笑，盡顯視后功架。而Kingston亦不是省油的燈，面對Man姐這個超強對手，不但氣定神閒零退縮，更以輕鬆態度還以顏色：「我真係未輸過。」、「就算嚟多十個文慧心，都唔係對我有威脅」二人張力十足的「開戰」場面期待值爆燈。除了張家妍及Kingston，觀乎預告片，Man姐新一季似乎還要面對許詩晴（高海寧飾）及唐芷瑤（陳曉華飾）夾擊。

火力全開面對四面夾擊的Man，第二季亦會繼續大晒以黑、白色為主的靚爆鏡女強人造型，及喪拋「Man姐式霸氣」bite：「想做王，就要守住自己嘅領土，寸土不讓」、「二流記者追流量，一流記者帶領社會」、「有新聞嘅地方就係戰場」、「想贏一定可以贏到，睇吓喺邊度贏啫」、「唔Think big 就唔係我啦。」除了說話霸氣，Man第二季的採訪手法同樣霸氣！上一季，Man於火災爆炸現場進行直播成為經典場口，根據預告片，Man姐今季將登上直昇機、於高空中親自揸機拍攝新聞場面，相當刺激。

第二季又點少得經典新聞現場。

預告片入面，阿佘造型嘅色Tone以黑白為主。

預告片入面，阿佘造型嘅色Tone以黑白為主。

夏文汐神秘登場演Pat姐
另外新加盟的夏文汐，亦有在多條宣傳中曝光；在《新聞2》中飾演Pat姐的夏文汐，不但造型貴氣又霸氣，而且眼神中更不時流露著一股帶著魅惑味道的神秘感，似乎會為新一季的劇情帶來驚喜。

高海寧飾許詩晴

馬國明飾梁景仁

龔慈恩飾方太

鄧智堅飾飛爺，見到珍珠奶茶，係咪回憶返晒嚟。

王敏奕飾劉艷

陳曉華飾唐芷瑤

夏文汐飾Pat姐

《新聞女王2》故事大綱：
文慧心（佘詩曼飾）離開SNK後，加入了劉艷（王敏奕飾）創辦的新媒體公司「公開平台」，並與空降SNK新聞台出任新總監的古肇華和電視部副總監張家妍（李施嬅飾）繼續在新聞報導領域上展開競爭。文慧心在新興的媒體領域中依然保持著不可撼動的新聞女王地位，令古肇華頗爲忌憚。

張家妍雖然順利升任副總監，但始終受到古肇華掣肘，難以完全實現自己對新聞事業的抱負和理想，最終毅然跳槽加入新成立的新聞機構，與SNK和公開平台形成三足鼎立局面。在政府新聞處擔任要職的許詩晴（高海寧飾），頓時成爲各方爭相拉攏的關鍵人物。

網民Feedback
‧「新聞女王這個劇我看了好幾遍了，百看不厭，每次看都有新的感覺，喜歡新聞女王中所有的演員，演技也很到位」
‧「是好看的，不是那種浮誇的，很有深度，反映時事，我覺得女主佘詩曼的台詞很有感情，很有說服力」
‧「Man姐好型」
‧「The QUEEN is back！！！」

由周家怡、海兒（Hedy）及李靖筠（Gladys）主持的汽車節目《恨駕女團》今集請來黃宗澤（Bosco）做嘉賓，這次除了是他首次拍攝駕車節目，他更首度借出自己私藏、1968 Ford Mustang Fastback讓節目拍攝，絕對是獨家曝光。

黃宗澤（Bosco）為周家怡、海兒（Hedy）及李靖筠主持的汽車節目《恨駕女團》擔任嘉賓。

Bosco首度借出私藏1968年Ford Mustang Fastback古董車，直言是兒時Dream Car。

Bosco透露，這輛車是兒時Dream Car，「細個睇戲都未知係乜嘢型號，點解呢架車咁靚呢？好似好多電影入面都會出現，跟住自己又做呢行，越嚟越留意呢架車，終於忍唔住買咗返嚟。」可見他對這車相當有感情。他指車款約七年前從澳洲購入，「大約六、七十萬，原本係黃色，加上油漆麻麻哋，結果索性全車拆晒重新整過，整好後冇再計總數幾多錢啦。」講到現時車庫收藏，Bosco坦言共有九架車，對車的熱愛可見一斑。不過話音未落，Hedy即謂：「我都想忍唔住買架Stingray。」Bosco聽完即刻接招，笑住話：「係咩？我下個禮拜去買。海兒老師你係咪鍾意嗰架？（Hedy：記住係1963年。）知道！我即刻去搵。64（年）、68（年）嘅我都唔買，我就係要63（年），哈哈。」Hedy笑到收唔到聲，氣氛即時升溫。家怡指本想邀請Bosco拍reels，但Bosco回應，「我係同海兒老師拍，唔係同你拍㗎喎。同埋我架車係借俾海兒老師揸㗎喎。」搞到Hedy又尷尬起來，「Anyways⋯⋯」十分搞笑。

他透露車庫共有九架車，即場答應為Hedy物色1963年車款，甜到漏。

隨後三人登上古董車，一邊遊車河一邊傾偈，講到感情及擇偶條件，Bosco大方分享自己對另一半的要求。家怡拋出男人及女人「不可能的鐵三角」時，Bosco坦言如果只能選兩樣，他會選好脾氣及能力，「靚女點定義先？我覺得順眼，呢個就係我個type，人哋可以覺得唔係㗎嘛。要相處，有能力同脾氣好，我得緊要過靚女，我自己唔鍾意好嗲，我唔得㗎，我會鍾意比較爽一啲。」說得十分直白，更笑指自己不為「嗲功」所動。

周家怡透露心態轉變，今年覺得可以拍拖。

至於為可至今仍未結婚，Bosco指跟自己單親家庭成長有關，出世不久父母便離婚，小時候完全沒有家庭畫面，所以對「完整」的理解跟一般人不同，反而覺得現在已經十分完整，不需要靠結婚圓滿，「我都係一個人長大，所有嘢都係自己搞掂。如果我生咗細路，我點樣教佢呀？」家怡和議：「係呀，你養隻貓，你教得佢唔好，佢都係打爛你屋企啲嘢，你自己受番；你教個小朋友教得唔好，佢出嚟社會就係為害人間㗎啦喎，或者我生咗個仔出嚟，大個好鍾意溝女，咁佢都令好多女人傷心，我唔知我使唔使有份受㗎嘛。」至於將來點樣用錢，Bosco就話：「臨死之前使晒啲錢佢！使唔晒就送晒俾人，無牽無掛走咁就得㗎啦，呢個世界都帶唔走一蚊。」講到單身生活，家怡指單身都有單身的自由及開心，又分享自己近年心態轉變，「之前係單身咗好耐，但今年開始唔知點解突然間覺得可以拍拖，我之前直程驚㗎，可能因為之前啲經歷都麻麻哋。不過可能同自己都有關係，我覺得我以前唔識拍拖。」

Bosco大爆老友林峯「偶包成噸重」。

畫風一轉，談到「偶包」話題，Hedy指家怡是她們三個（《恨駕女團》主持：周家怡、李靖筠及海兒）當中，完全沒有偶包的一個，Bosco亦指自己沒有，即被家怡調侃，「你本身靚仔，唔驚吖嘛。」Bosco即隨大爆好友林峯「料」，「冇關係㗎，你睇吓林峯！哈哈。個偶包成噸重，成個貨櫃咁大㗎佢！我同佢咁friend唔怕講㗎嘛，我都要爆吓阿峯啲嘢，我哋同埋卓羲做gym係同一個教練，我哋着背心、着條短褲加legging，搵個髮夾夾住頭髮就嚟㗎啦嘛，阿峯唔係，着晒套裝嚟，哈哈，又帽tracksuit咁樣，你睇吓佢幾重偶包！」

Bosco大方分享擇偶條件，笑言「好嗲我唔得，鍾意爽啲」，又坦言因單親家庭成長，自覺生活已完整，不一定要結婚。