《學界Create, Like and Share》第三季開播 瑪姬首試中學飛行模擬器 學駕C919大開眼界

瑪姬主持ViuTV《學界Create, Like and Share》第三季11月2日起播出，節目至今訪逾110校，揭校園特色。本季節目瑪姬首試飛行模擬器操控C919、氣步槍射擊，與學生踢毽打欖球。學界主動邀約，瑪姬笑稱「變朋友」。

瑪姬表示拍攝今季節目令她大開眼界，更嘗試了多個「第一次」，如第一次坐喺課室入面嘅飛行模擬器。

主持人瑪姬一向瓣數多多，近年更化身「校園導遊」，積極走進中小學拍攝 ViuTV 節目《學界Create, Like and Share》。自2023年起，至今已到訪超過110間學校，訪問校長、師生、校友，向觀眾展示每間學校的獨有特色、驕人成就，甚至鮮為人知的小秘密。

瑪姬在有蓋操場學習氣步槍射擊

節目廣受學界歡迎，並將於11月2日起再度添食，逢星期日早上十點播出第三季，瑪姬坦言感到喜出望外：「真係無諗過節目會有咁好反應，其實當初籌備呢個節目時都係諗住試吓水溫，睇吓有無學校肯畀我哋入去採訪，好開心慢慢建立咗口碑，喺學界口耳相傳，越嚟越多學校主動接觸我哋，有部分甚至第三次邀請我哋到訪，大家變咗朋友。」

瑪姬在節目中參與中小學的課外活動。

瑪姬在節目中參與中小學的課外活動。

瑪姬在節目中參與中小學的課外活動。

瑪姬表示拍攝今季節目令她大開眼界，更嘗試了多個「第一次」：「而家中學嘅課外活動真係精彩到你難以想像，我第一次坐喺課室入面嘅飛行模擬器，由同學仔教我操控國產飛機C919升降。我又喺有蓋操場學習氣步槍射擊，兩位讀緊中一嘅同學仔見我第一次玩，即刻提醒我要好專注先可以射準靶心。而小學生玩嘅運動項目亦都好多元化，同佢哋一齊踢毽、打欖球同籃球，真係少啲精力都唔得。」

瑪姬主持的ViuTV 節目《學界Create, Like and Share》第三季11月2日開播。

瑪姬主持的ViuTV 節目《學界Create, Like and Share》第三季11月2日開播。

瑪姬主持的ViuTV 節目《學界Create, Like and Share》第三季11月2日開播。

「學霸主持」瑪姬近年事業發展相當多元化，除了頻頻為各大品牌活動擔任司儀，她自2024年起主持的ViuTV校園節目《學界Create, Like and Share》亦大受學界歡迎，至今已深入走訪全港超過130間中小學，累積了豐富的校園人氣。

瑪姬與張國鈞副司長在研讀室進行活動前的細節溝通

擁有香港大學應用語言學碩士學位的瑪姬，近年積極回饋社會，除了恆常義教基層兒童司儀口才，其專業形象及談吐亦深得學界和商界青睞，不時獲校長及企業主管邀請，分享說話藝術與職場穿搭技巧，助受眾建立自信。

法治教育領袖培訓計劃活動現場，過百位法律及社福界領袖參與

瑪姬與張國鈞副司長於台上暢談溝通心得

瑪姬與張國鈞副司長在法治教育講座中與參與者互動

瑪姬於律政中心向法律專業人士分享「黃金7秒」等溝通技巧

「學霸主持」瑪姬分享專業溝通與說話藝術

瑪姬獲邀出席法治教育領袖培訓計劃，與張國鈞副司長同台交流

日前，瑪姬更獲律政司邀請出席《「傳承共建 法治社會」法治教育領袖培訓計劃》，與律政司副司長張國鈞於律政中心同台，聯手主持「法治的傳播：教學及溝通技巧和準則」環節，向在場120位法律界專業人士及社區領袖傳授溝通秘笈。

對於今次將主持專業帶進律政司，瑪姬直言經驗非常難忘：「好感謝律政司對我嘅信任同認同，今次計劃嘅參加者都係法律界同社福界嘅領袖，佢哋本身喺自己嘅專業領域已經獨當一面。我主要係透過衣著外表、咬字談吐、執生技巧，多角度咁啟發佢哋點樣將自己擁有嘅專業知識，用最有效、最接地氣嘅方法傳播畀社區唔同背景嘅人士，令市民大眾都願意聽、聽得明乜嘢係法治精神。」

瑪姬與律政司副司長張國鈞

談到首次與副司長張國鈞合作，瑪姬隨即大讚對方毫無架子、親民貼地、說話極具感染力。她更透露了一個後台小細節：「我哋出場前喺隔離嘅研讀室做briefing，當時見到副司長份筆記上面有唔少手寫重點，呢份對細節認真專注嘅態度，絕對值得我哋好好學習。」