社會事
秋意漸濃，氣溫降當然要食熱辣辣、香噴噴的煲仔飯暖胃。煲仔飯是本港的道地人氣美食，熱辣辣的米飯混合食材和調味得宜的醬油，滋味迷人！不過近日有網民分享自己投訴連鎖快餐店的煲仔飯溫度不足，更分享自己單手托起整個煲仔飯的爆笑照片，引來網民熱議。
煲仔飯。示意圖片
事主指自己點了一份煲仔飯，本來期待熱辣辣好滋味，但上菜發現煲仔飯根本「唔夠熱」，故向職員投訴，不過投訴似乎未見效，店員重新加熱後的煲仔飯依然嚴重唔夠熱，事主為向店員證明，直接徒手托起煲仔飯底部，「居然可以咁樣攞住」，與大家印象中傳統煲仔飯應有的滾燙狀態形成強烈對比。
網上圖片
示意圖片
圖文曝光掀起網民熱議，不少人笑稱事主練就「鐵沙掌」神功：「師兄係咪正在運功用火雲掌翻熱煲飯？勁！」、「煲仔飯大批做定啦，有柯打就微波爐叮熟」、「係咪未徹底解凍」、「好明顯你嗰個係蒸飯，唔係煲仔飯」。
不少人笑稱事主練就「鐵沙掌」神功
不少大人小朋友都喜歡夾公仔，但要夾到心儀的公仔絕非易事！日前有顧客向連鎖超市AEON（永旺百貨）投訴，指店內的夾公仔機「好似唔想比人夾到咁」，好難夾到公仔。店長於是親筆回覆，並提供「教學攻略」，傳授3大心得！
有顧客投訴AEON店內的夾公仔機「好似唔想比人夾到咁」。AEON FB圖片
顧客投訴：好似唔想比人夾到咁
有網友在社交平台分享日前在AEON店內留言版上影到的其中幾張「顧客心聲」及「店長的話」，並以「Aeon店長教你夾公仔」為題發文。只見其中一名顧客留言自稱一向都很支持AEON，唯覺得店內的夾公仔機「好似唔想比人夾到咁」並質問店家「有無需要set 到咁難」坦言「大家嚟玩都係想開心」。
threads 圖片
店長分享三大夾公仔心得
而店長在翌日隨即親筆回覆表示，現和顧客分享一些夾公仔的經驗，稱「希望可讓閣下輕鬆取得心儀公仔」。店長列出三大心得，首先指出要「觀察公仔擺放位」，盡量選擇近出口位置的公仔，若心儀公仔不近出口位置，可先投幣將公仔移至近出口位，同時亦可觀察公仔夾的力度。
店長在翌日隨即親筆回覆。threads 圖片
第二是「借力將目標推至出口」，若多次也夾不中，便要將夾夾向目標旁的公仔，令目標公仔更接近出口位。
最後店長指需「注意公仔重心點」，盡量避開頭，置中位置，因重心重，若公仔較大重心較重，夾子會不夠力，故要選四肢或非重心位置。
店長在翌日隨即親筆回覆。threads 圖片
網讚：好用心既回覆！
帖文一出即引來網民熱議，有人大讚「店長手字好靚」、「好用心既回覆！」、「好欣賞呢啲小事認真做嘅人」、「顧客同時仲得到想要嘅答案，簡單嘅回應睇到店長的文化修養」，有人就搞笑稱「店長：我盡左力啦，咁都夾唔到真係幫唔到你」。
