歌手謝安琪（Kay）與張繼聰（Louis）婚後育有一對寶貝仔女，一家四口生活幸福美滿！大仔張瞻（James）轉眼間已經18歲，下年將赴澳洲讀書，謝安琪因擔心兒子不能自理日常生活，所以特意聘請兒子當自己的小助手作訓練！
謝安琪與張繼聰一家四口。
張瞻已經18歲，下年將赴澳洲讀書。
謝安琪在IG晒出與兒子的自拍照，並留言：「同大家隆重介紹！我最近新聘請嘅小助手：張瞻！其實佢已經開咗工一段日子，唔知大家有冇喺我嘅工作場所見過佢呢？暫時嚟講，佢工作都表現都唔錯！可能係佢嘅頂頭上司Fafa對佢教導有方，又或者係另一位資深同事Vivi有幫手提點佢，最犀利係公司藝人部領導人阿姐Syllina都成日讚佢乖！」
謝安琪IG圖片
謝安琪IG圖片
謝安琪希望這份工可以讓兒子學習到積極嘅工作態度、待人接物的禮儀、團隊合作精神，明白盡力做好自己崗位的重要性，「亦希望呢一啲人生經驗，會成為將來佢獨自出國留學，同其他人相處嘅好基礎！」她又笑言對自己來說，只是想「可以日日黐住個仔」，「就係我哋兩母子之間，特別又溫馨嘅親子回憶！加油啊，瞻瞻！媽咪都覺得你越做越好（雖然有時我都係會忍唔住發火）。」
謝安琪IG圖片
最後，謝安琪希望如果大家見到張瞻陪她出席活動，能給予他一個微笑或鼓勵，「如果大家喺我出席嘅活動當中，見到擔任小助手嘅瞻瞻，希望你哋都可以送一個微笑俾佢，或者講一兩句說話鼓勵吓佢吖！」
謝安琪IG圖片
由古天樂出品、24/7 Fitness 冠名贊助、農作天下主辦、天下一幕協辦的首個大型綜藝舞台劇《人夫集團》頭場昨日（10月10日）假西九文化區戲曲中心隆重公演！老闆古天樂、親自為活動命名的黃子華、劉德華、張學友、陳潔靈、林峯、張敬軒、Twins、容祖兒、方力申、林盛斌、連詩雅及老公陳家樂、衛詩雅與醫生老公等一眾圈中好友送上花籃祝賀。場外亦設不同的打卡點，當中最特別的是一個放了張繼聰、鄭詩君（C君）與陸永權（6永）的頭盔架，更抵死貼上「必須戴頭盔」、「進入婚姻範圍」、「注意安全」的警告標語，另外有多部扭卡機及紀念品售賣區。
《人夫集團》頭場昨日（10月10日）假西九文化區戲曲中心隆重公演！
一眾圈中好友送上花籃祝賀。
場外亦設不同的打卡點。
場外亦設不同的打卡點。
場外亦設不同的打卡點。
三位人夫張繼聰、C君及6永在整個騷與觀眾有大量互動，甫開場已於劇院旁邊驚喜現身，有如婚禮進場一樣，還與觀眾握手及拍照，全場起哄！張繼聰上台急不及待大膽地說：「婚姻係一場冇終點嘅馬拉松，坐得喺呢度嘅都係英雄！」台下不少情侶、夫妻也拍手和應。
三位人夫在整個騷與觀眾有大量互動。
三位人夫在整個騷與觀眾有大量互動。
C君表示過去兩個月，人人都投訴「買唔到飛」，張繼聰笑指：「期待值高到咁？你哋坐得喺度，仲未明呀？人生係冇嘢值得期待㗎！」農夫即說：「嘩！原來你嘅婚姻咁悲慘㗎？」張繼聰立即戴頭盔說：「稿嚟啫。」農夫繼續笑言二人的太太「冇乜人識」，只有張繼聰的太太全香港人都識，於是率領全場大叫「振夫綱」，慫恿張繼聰繼續爆老婆秘聞。
6永、張繼聰、C君
張繼聰續說：「一個二個想我返唔到屋企？我老婆今日喺度喎，好！嚟呀！我老婆讀咁多書乜都唔識，唔識老㗎！廿年仲係咁Young，出街好似老夫少婦，你話佢係咪曳呀！」C君隨即接着說：「知你唔方便講，等我講！嗰個謝安琪，一日到黑喺屋企，唔出街，幾咁顧家。」三位人夫「戴完頭盔」即進入戲肉，歡迎一眾男士加入「人夫集團」，成立目的，讓三位人夫告訴大家：「你永遠會喺度搵到比你更加慘嘅人，就算結咗婚，你都唔係孤獨一個人！就算你畀人趕出廳，我哋都喺廳！跪玻璃，我哋一齊跪！」
6永、張繼聰、C君
張繼聰
三位人夫完騷後接受訪問時仍然「戴頭盔」自保，張繼聰先感激有兩位兄弟一起演出：「喺創作方面佢哋有較多創作部分，佢哋用晒啲腦汁，我只係負責演繹，好好彩，大家咁喜歡個表演全靠佢哋功勞。」C君笑言在最後謝幕寫着由張繼聰資料提供。雖然互相推卸，但6永表示內容，相信也是不少人夫的實際心聲寫照，會是大家的共同語言，在旁的謝安琪笑着和應：「佢哋講有啲嘢係真嘅。」6永笑言：「講到尾，我哋要多謝阿聰，佢先係總監。」
6永＼
C君
張繼聰
C君、張繼聰、6永
內容雖然有不少取笑太太們的行為，但三位人夫也不怕會惹怒自己的太太，大方讓太太知道，C君坦言把講稿在家隨處放任睇，6永太太把劇本從頭到尾看過一次，而謝安琪則陪伴在側用行動支持。與此同時，其實這個劇笑中有淚，與觀眾交流中也觸動三位人夫，觀眾很多反應令他們預計不到，C君透露優先場（10月9日）演出期間，有一對夫妻的故事很動人：「我哋即時畀人情一對夫婦，佢哋超開心，原來佢哋當年結婚冇擺酒，竟然而家收到人情，估唔到我哋幫佢哋完滿。」6永提到台下不少男士觀眾看演出後也感動：「我睇到唔少男觀眾睇到眼濕濕。」張繼聰補充謂收到不少正面評價，同時不少來自女觀眾認同的聲音：「唔好以為我哋會低俗，講到啲老婆好得人驚，其實唔係。」他強調歌頌之餘，相信大家會得到很多共鳴，有觀眾甚至提議人夫集團可以每年也有演出。
6永、張繼聰、C君
6永、張繼聰、C君
張繼聰與太太謝安琪
