關曜儁宣布再做爸爸 與太太願望達成三年抱三

「大隻仔」關曜儁（Leo）於2022年宣布向拍拖5年的女友楊韻璇（Twinkle）求婚成，同年年底宣布未婚妻懷孕，囡囡關凱妃（Lorraine）於2023年3月17日出世，同年10月27日，關曜儁與未婚妻正式完婚，並放翌年喜獲麟兒，成功湊成「好」字！想不到，今日（11月10）日，關曜儁與太太宣布即將迎來第三胎，三年抱三！

關曜儁與太太宣布即將迎來第三胎！

三年抱三！

關曜儁與太太晒出全家福，並表示：「我哋又做爹哋媽咪啦！由未結婚開始已經同韻璇夾好咗要生3個，而家願望達成！」關曜儁分享心聲：「『我係咪要去結紮？！』同咗身邊嘅朋友講呢個好消息之後，除咗收到好多祝福之外…..而其次聽得最多嘅就係呢句，生3個好貴呀，生完之後我係咪要去結紮？大家知道就好啦，快啲介紹多啲學生嚟我公司做運動，同埋搵我做多啲演出工作，至於紮唔紮嗰度，我保持神秘先。」

關曜儁一家四口

關曜儁與太太

Twinkle則表示：「一起並肩學習，很感恩！真的心想事成！接下來一家五口，繼續在充滿愛與歡笑的家庭裏互相陪伴，爸爸媽媽將與你們三個細蚊仔一起長大，一起並肩學習成為更好的人！」

關曜儁一對仔女即將榮升哥哥姐姐。

關曜儁一家四口

關曜儁一家四口

無綫處境劇《黃道益活絡油呈獻：愛·回家之三代同糖》（下文簡稱《三代同糖》），由羅永賢（Marco）監製，馬俊縈編審、謝浩洋、潘逸豪執行監製，逢周一至五晚八點翡翠台播映。

Leo醋意大發，向Gary挑機。

Leo晒肌同Gary喺Gym Room進行PK戰。

《三代同糖》今晚（9月24日）播出圍繞關曜儁（Leo）及吳若希（Jinny）的「非里莫屬」。劇情講述安多勳（關曜儁飾）對萬里（吳若希飾）與楊帆（趙浚承）曾成為舞伴一事耿耿於懷，認定楊帆有意追求萬里。醋意大發的安多勳，為了宣示主權，於是在健身室多番向楊帆發起挑戰，以證明自己更勝一籌，場面充滿火藥味，引爆連環笑料……

「跑步PK」Leo火力全開，表情多多+金句連發，勁爆笑。

Leo本身係健身教練，「平板推胸」絕對難唔到佢嘅。

今晚焦點，絕對是Leo及Gary的一場爆笑「爭女大戰」。雙方以三個回合決勝負，包括「Round 1 跑步」、「Round 2 平板推胸」、「Round 3 擲球」。Leo以「真男人」姿態出擊，全程火力全開，晒肌肉兼晒速度，「Man Power」魅力爆燈。其中跑步對決一幕最刺激，Leo出盡全力，雙腿似裝上了摩打，步伐快如閃電；相反Gary以「淡定」姿態迎戰，二人「PK戲碼」笑點滿滿。他在接受官方訪問，談到跑步對決，他坦言：「其實都有啲辛苦，因為真係要跑得好快，都跑咗好幾次，大約幾十秒，如果大家覺得正就當然好啦。」今集Leo可謂體能大爆發，但他透露自己擁有逾10年健身經驗並兼任健身教練，所以在體能上相對比較容易應付。

「擲球PK」同樣搞笑。

Leo為咗Jinny 霸氣全開，安多勳呢個角色「傻更更」觀眾都好鍾意。

另外，Leo亦化身「表情王」及「金句王」，今集嘴部表情多多，「得戚嘴」、「呆萌嘴」、「挑機嘴」輪流登場，五官由頭到尾冇停過，喜劇感爆燈。除了表情，Leo連把口都「冇抖過」，金句一浪接一浪，「你條電燈柱」、「畀你睇吓咩叫真男人」、「有啲慢喎，行都快過你」、「男人最緊要係快」等，句句有火。Leo受訪時坦言，今集其實加入了不少個人元素：「因為都拍咗一段時間，觀眾都好接受呢種程度嘅安多勳，當我去諗呢個角色嘅時候，其實佢可以做得誇張少少，所以我就諗唔同嘅表情擺落去。」今集兩位男士對決可謂火花四濺，爆笑十足，值得期待。