昔日《真情》唐立生內地開唱 網民認錯視帝譚俊彥

現年56歲的盧慶輝，當年憑TVB長壽劇《真情》入面「唐立生」一角走紅一時，可惜於2001年突然淡出幕前，之後北上發展，曾經轉戰金融、飲食、房地產等行業，近年再度回歸內地幕前拍劇。

「唐立生」一角令不少觀眾印象深刻

曾參演TVB劇《企業強人》

最近有網民於羅湖天河城偶遇盧慶輝開live唱歌，更拍片上載到小紅書。片中見佢邊唱邊與觀眾互動，氣氛雖然略顯冷清，但盧慶輝依然全情投入，落力演繹張國榮名曲《今生今世》，仲即場與觀眾合唱，相當親民。

網民於羅湖天河城偶遇盧慶輝開直播唱歌

盧慶輝依然全情投入

影片一出，不少網民大感驚訝，紛紛留言：「以為係譚俊彥！」、「狄龍個仔？」、「真係好似視帝！」不過亦有網民澄清：「呢位係盧慶輝，唔係狄龍個仔呀～」

事實上，盧慶輝早年傳出坐擁過億身家，近年更經常喺社交平台分享富貴生活。他曾透露現時主力做家電生意，會親自帶客戶參觀廠房及研發中心，亦開拓食品業務，推出「有機海參」產品線。

不時都會在深圳登台

不過，佢亦坦言事業並非一帆風順，回憶2005年剛到內地發展時曾被拍檔出賣：「嗰陣最信任嘅拍檔騙咗我8位數，嗰次真係跌得好深。不過都好好彩，遇到好多貴人扶我起返身。」

Gin Lee李幸倪推出全新派台作品《你快樂嗎》，新歌由徐浩一手包辦作曲、填詞同監製，黃兆銘聯合編曲。今次Gin不再唱慘情歌，反而跟大家一齊探討一個好直接、好赤裸的問題：「你快樂嗎？」

Gin Lee推出全新派台作品《你快樂嗎》。

Gin指這首歌的靈感來自日常生活中一個很容易被忽略的問題，「我哋好習慣問候人哋，但好少真係靜落嚟問自己：『我其實快樂嗎？』」她透露錄音期間投放了很多真實情感，「可以話⋯⋯係一隻一邊錄一邊療癒自己嘅歌。」Gin希望透過音樂去擁抱每一個生活當中感到迷惘或疲倦的人，包括自己，「希望大家聽完之後，都可以搵到一個同自己和解嘅空間。」

MV圖片

MV圖片

早前原來Gin靜悄悄飛到台灣放假，不過她並非純粹去玩，而是去上有關身心靈的課程，「嗰幾日我完全放低工作，甚至連手機都少睇咗，專心學習。每日早睡早起，落堂就去望吓海、睇吓星星、放空吓，幫自己好好叉吓電。」這趟旅程最大的得着是學識會「留白」二字。她解釋：「平時喺香港工作節奏好緊湊，大腦好難停落嚟。適當嘅休息先可以行更遠嘅路。」返港之後，Gin覺得整個人能量滿滿，靈感都多了不少，「依家好有動力投入接落嚟嘅工作，希望可以用最好嘅狀態見大家！」

觀看相關影片按連結：https://youtu.be/3c7nkOe8r4g

新歌歌名十分直白-《你快樂嗎》，問到Gin自己快樂嗎？她立即哈哈大笑謂：「終於出新歌梗係好快樂啦！哈哈！令歌迷久等啦！」隨後認真補充，現在的自己是快樂的，「但正如歌詞入面所講，呢種快樂唔係由頭到尾都順風順水，中間都經歷過『一個人撐』、甚至『跑跌過撞過』嘅迷惘時期。」她特別點出其中一句觸動到她的歌詞，「來承認你是你，讓你做你，誰亦都不要比」。她坦言現在學會接受自己的不完美，「當你真正放低包袱、學識好好同自己相處，嗰種踏實同自在，先係真正嘅快樂。」

MV圖片

MV圖片

MV圖片

MV圖片

MV圖片