霍汶希細談32年來經理人生涯 爆容祖兒入行最大樽頸位 公開英皇藝人不跳槽原因

英皇娛樂集團營運總裁霍汶希（Mani）作為金牌經理人，成功捧紅過不少歌手，而且與每位歌手感情都非常好！近日Mani接受周國豐YouTube節目「國豐百科」訪問，細談32年來的經理人生涯，除提到自己一手捧紅的天后容祖兒外，還大讚楊受成是一位好老闆，對旗下藝人不離不棄，更令「霍汶希曝英皇藝人不跳槽真實原因」登上微博熱搜，有逾千萬閱讀量！

霍汶希近日接受周國豐YouTube節目「國豐百科」訪問。

觀看相關影片按連結：https://youtu.be/FbYOorZHGJI

Mani與容祖兒合作多年，形容二人的感情如同家人，雖然祖兒現在已成熟不少，但內心依然童心未泯，還大爆對方不少烏龍事。不過，講到當初要簽祖兒做旗下藝人，可以說是乘風破浪、披荊斬棘，因祖兒當時的唱片公司撤離，但仍與卡啦OK老闆娘有經理人合約，Mani要想盡辦法將她羅致旗下：「你要有個信念佢一定紅！佢一定掂！」

影片截圖

影片截圖

影片截圖

問到為何會覺得祖兒會紅？Mani真言：「直覺！第一個性格非常好，同埋我一直覺得佢唱歌真係好好，佢一到唱live嘅爆發力，係我見過嘅新人裏面，冇乜幾個，同埋我好相信觀眾緣，我都同任何人講，佢初初入嚟真係唔係靚，我搵唔到邊度有個藝人擺喺度俾我睇，我搵唔到，但係佢嗰種感覺就係佢係一個鄰家小女孩，但係當佢日漸發展越來越好嘅時候，其實佢隻眼好有靈氣，好有光彩，慢慢自信心一變，啲星味就出晒嚟。」

霍汶希IG圖片

霍汶希IG圖片

霍汶希IG圖片

霍汶希IG圖片

Mani指她與祖兒一直互相信任，「好多時人與人之間嘅信任，你會減少咗好多溝通嘅成本，亦都係因為一個信任，令到大家有一個能量，同我哋自己講『一定得嘅！』」講到祖兒入行以來最大樽頸，Mani指必然是聲帶生繭，令祖兒非常絕望，「最慘最慘，我係要陪佢瞓，因為佢好慘，我希望喺佢屋企陪佢瞓同佢傾吓偈陪吓佢，佢情緒好低落。當一個人覺得人生裏面剩係得把聲，呢個係我嘅資本，亦都係我天生能力裏面唯一一個我最叻嘅嘢，我都冇埋啦，我都完結啦，嗰種絕望係明嘅。」幸好最在經過針灸、醫治，祖兒的聲帶慢慢好起來。Mani更指祖兒對自己的要求和努力，直至今天的成就，絕對是值得擁有。

影片截圖

影片截圖

英皇有很多藝人對公司都非常忠心，甚至加入後無轉過會，Mani認為原因就是老闆楊受成博士，大讚對方像個精神領袖、大家的家長一樣，「我哋就好似家人，我成日都講一樣嘢，我親身經歷咗好多唔同嘅轉變，佢話唔係靠藝人去搵錢，而係啲藝人有能力做一啲衍生品，或者生一啲project出嚟搵錢，唔係靠抽藝人嘅佣金。總之個藝人會覺得，公司唔係抽我好多佣金，但係全面嘅所有service又好、保障又好，好多嘢都係好到位，同埋藝人亦都會感受到公司係點樣用心去培養佢或者幫佢護航。」

Mani指老闆楊受成博士像個精神領袖、大家的家長一樣。

影片截圖

影片截圖

Mani又指就算藝人「出事」，楊老闆都一樣不離不棄去支持，「一樣諗方法點樣教佢，點樣解決事情！老實講娛樂圈係好現實嘅，你一沉就百踩，你一出事就劃清界線啦，同你冇朋友做啦，你估我見得少咩？我都見好多，但你諗吓如果藝人出事都要攬上身繼續同佢並肩作戰，呢間公司點會留唔到人？」

影片截圖

霍汶希IG圖片

而Mani自己都一樣，32年來任職同一間公司，她覺得自己心態就跟藝人們一樣，覺得公司不離不棄，更爆楊老闆會自動加人工，「當一個新人入去做一個行業，好需要有人去培養你，俾機會你，我覺得老闆真係花咗好多精力培育我之餘，仲介紹好多人脈俾我，我喺呢間公司亦都好開心，我好記得我有幾次嘅加薪，我冇要求過自己加薪，係佢自己加俾我，佢覺得你應該有咁嘅人工，我真係冇講過要加薪。」

影片截圖

影片截圖

關注一下過去24小時娛圈事Top 5熱話。

資深演員江圖今晨心臟病離世享年89歲 田啟文證實噩耗：佢真係走咗

資深演員江圖（原名蔡志祥）今日（4月15日）上午7時許因心臟病離世，享年89歲。消息由藝人田啟文（田雞）證實，他沉重表示：「（江圖）真係走咗，今朝7點幾，心臟病走。」

▼詳情點擊圖片查看或按連結

張德蘭為首個紅館騷綵排不慎差錯腳意外跌傷 左膊甩骹肩骨裂需進行復骹手術

實力派歌手張德蘭，為慶祝入行60周年，於2026年5月30日假紅磡香港體育館舉行《御品音響呈獻-相識是緣份張德蘭演唱會》，目前已進入如火如荼排揀階段，原打算今日（4月15日）到深圳試衫後繼續綵排，不過今早卻發生意外，在深圳試服裝時，未察覺尚有一級樓梯而差錯腳跌倒，左膊先撞落地下，即時感到非常痛楚，懷疑膊頭甩骹，幸丈夫楊偉誠（Frankie）在場照顧，並立即坐車回港就醫，德蘭強忍痛楚返港治療，經醫生診斷有骨裂及甩骹，所以需要入院進行復骹手術，總算不幸中之大幸。

▼詳情點擊圖片查看或按連結

TVB小花鍾晴34歲生日派福利 Deep V婚紗晒傲人身材

TVB小花鍾晴（Karlie）憑在情境劇《愛．回家之開心速遞》中飾演威龍百貨美女售貨員「Cammy」一角而為人所熟悉，她不但長相甜美，更擁有傲人的身材，不時在社交平台貼派福利，早前迎來34歲生日的她就晒出一輯靚靚生日寫真！

▼詳情點擊圖片查看或按連結

蕭正楠黃翠如拍廣告借機拍拖 榮升父母後更關注養生

蕭正楠（阿蕭）與黃翠如一向是圈中的恩愛夫妻，自從去年3月誕下兒子「蕭哈哈」後，常常在社交平台分享三口子家庭生活照，令人艷羨非常。不過自從兒子到來，兩夫妻的生活都起了翻天覆地的變化，除戒掉不少壞習慣外，也比之前更注重健康。日前阿蕭及翠如為健康食品品牌善存拍攝全新廣告，就分享了不少為人父母後的改變。

▼詳情點擊圖片查看或按連結

英皇娛樂【25+ Happy Birthday 慶典】進駐星光大道 霍汶希容祖兒關智斌向旅客大推紀念品

氣氛持續高企，踏入四月中，距離由英皇娛樂主辦、恒生保險冠名贊助，英皇鐘錶珠寶、英皇金融、Keeta 及國泰聯合呈獻的【恒生保險呈獻:25+ 英皇群星演唱會】尚餘半個月時間，多位藝人輪流出席密鑼 緊鼓的宣傳活動。早前透露將於4月中旬舉辦的「EEG25+ 限定展」重頭戲活動今日於香港標誌性景 點星光大道隆重開幕，霍汶希連同容祖兒及關智斌更被邀請作為啟動禮嘉賓出席揭幕儀式，現場除一 系列展品外更設置「EEG 25+ 期間限定店」，祖兒和 Kenny 充當限定星級導賞員，向在場的粉絲及旅 客推介必買的期間限定「香港手信」!

▼詳情點擊圖片查看或按連結