保安局在社交平台上傳一段短片，指今朝保安局常任秘書長李百全收到一份「重要急件」，一收到即刻火速分派給各位秘書長同禁毒專員。而大家見到收到後即刻行動！究竟份急件入面有什麼咁重要？全體公務員同事都需要知道？即刻去片!
短片開頭就話「呢個係非常重要的任務，常秘等緊！」而在金鐘政府總部保安局，常秘百全突然收到一個由保險箱裝住的重要文件，他表示「終於到了」即表情嚴肅睇完表示「緊急！盡快處理，快分發給每人一份」，隨後這份文件被發送往保安局各秘書長及禁毒專員手中。而大家見到之後不敢怠慢，紛紛表示「頭等大事，要立刻處理」、「ok，不等了，即刻行動」、「這個好重要！」。令全體員都好緊張的重要任務究竟是什麼？
原來呢份神秘的重要急件，就係立法會選舉的宣傳品，保安局發揮創意拍片，呼籲全體同事積極響應投票。
新一屆立法會選舉將於12月7日舉行，早前特首李家超亦向公務員同事發出公開信，強烈呼籲並期望大家以身作則，踴躍投票，履行公民責任、以實際行動，投票選出認為合適的立法會議員。
Sebastian
** 博客文章文責自負,不代表本公司立場 **
2025年立法會選舉12月7日是投票日，近日各界別包括地方直選、功能界別及選委會的161名候選人都積極拉票和出席選舉論壇，盡力爭取支持。而選民當然就要考慮好屆時如何珍惜手上的投票權，選出合心意的新一屆立法會議員。
民政及青年事務局局長麥美娟（Alice）近日都馬不停蹄呼籲各方投票，並為選民協調各種便利措施，讓大家屆時都可出來投神聖一票。
麥美娟近日相約校友兼「連青人網絡」幹事會副組長、2023年畢業嘅Charlotte回到中大校園。
Alice近日更相約校友兼「連青人網絡」幹事會副組長、2023年畢業嘅Charlotte回到中大校園，還一齊到范克廉Coffee Corner、游泳池一帶閒逛，回憶種種，並閒聊當年喺中大登記成為選民由此開啟從政之路嘅經歷。
麥美娟話，每逢選舉，都會諗起當年自己在中大校園登記做選民的經歷。
原來每逢選舉，Alice都會諗起母校中文大學，正因為當日她就係喺中大校園，大約1992、1993年在大學泳池附近接過同學遞上嘅選民登記表格，「佢話我哋現在可登記做選民啦，就攞咗疊form畀我填」，從此成為選民，有了選民資格，畢業後先合資格獲委任成為區議員，後來又成為立法會議員，到今日擔任局長之職，服務市民至今。
Charlotte話，自己年滿18歲就即刻登記做選民。
Charlotte話，自己年滿18歲就即刻登記做選民，之後每次選舉都會參與投票，「由細到大，一有投票機會，爸爸媽媽都會帶我去票站，那時我在票站外等候，那時雖然不太明白，但見候選人在附近派傳單拉票，知道區議員為市民發聲，組織一些活動惠利市民，所以自己一到18歲就去登記做選擇。」
麥美娟話，嚟緊立法會選舉其實係讓青年人發聲嘅最好機會，呼籲大家齊投票。
2021年立法會換屆後，她見到立法會議員認真落區，聆聽市民意見，無論在政策層面或小區議題，都參與幫忙協助，成功將市民同政府距離拉近，為市民發聲，所以佢覺得立法會選舉對每一位市民都非常重要。
Alice都話，完善選舉制度後，政府和立法會議員可以有更理性和建設性的討論。佢仲話，好多青年工作者都話，社會需要聆聽青年人嘅聲音，嚟緊嘅立法會選舉其實就係讓青年人發聲嘅最好機會，所以各位青年朋友同「首投族」，12月7日要用好手上嘅選票，投選自己心儀嘅議員！
麥美娟在母校閒逛參觀學生的擺檔。
