「太極女神」爆紅！ 英皇藝人梁壁熒奪全運會銅牌 仙氣與勁道並存

第15屆全運會正進行得如火如荼，運動氣氛席捲全國。近日有網民發現英皇娛樂旗下藝人梁壁熒以「運動員」身分參加武術套路比賽，更成功奪得女子太極拳、太極劍全能銅牌，令她瞬間被封為「太極女神」。

梁壁熒以「運動員」身分參加武術套路比賽，更成功奪得全能銅牌

現年27歲的梁壁熒自小因看《大話西遊》深受紫霞仙子吸引，因而報讀基礎武術班。她曾分享，直至13、14歲才真正理解太極不僅動作優雅，當中更包含深厚拳理、武德與文化底蘊。

因看《大話西遊》深受紫霞仙子吸引，因而報讀基礎武術班

2011年，她加入廣東省武術隊，經多年刻苦訓練後在武術界嶄露頭角，並於2013年及2016年世界青少年武術錦標賽中奪得獎項。其後更在2019年世界武術錦標賽女子太極拳項目中摘下冠軍。翌年退役，至2022年正式加入英皇娛樂成為藝人，其間兩度登上央視春晚及參與《行雲流水》等節目而提升知名度。

曾於2013年及2016年世界青少年武術錦標賽中奪得獎項

退役5年後再度披甲上陣，梁壁熒今次代表參賽，於第15屆全運會拿下女子太極拳太極劍全能銅牌，身手與狀態依然亮眼。她甜美的外貌亦令不少網民驚艷，紛紛留言支持：「真是又美又強啊，想看她演武打和武俠」、「英皇娛樂的藝人這麼牛！」、「羨慕姐妹的才華」、「英皇的藝人還蠻全能的」、「好漂亮 還有才華」、「太厲害了！」、「又靚又有才」。

退役5年後再度披甲上陣

於第15屆全運會拿下女子太極拳太極劍全能銅牌

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。