韓國K-POP女團EVERGLOW來港見面會前 點名與香港新晉女團Honey Punch合體跳新歌

今年韓國K-POP女團EVERGLOW與新經紀公司CHXXTA合作，成員E:U、SIHYEON、ONDA和AISHA以全新陣容迎接新篇章，粉絲們十分期待這個新組合，她們的勁歌熱舞同極具舞台能量的爆發力，深受觀眾喜愛！

韓國K-POP女團EVERGLOW

EVERGLOW來港舉行粉絲見面會
EVERGLOW這次來港舉行粉絲見面會，來港首日即與Honey Punch六位成員合體跳Honey Punch的新歌《滑到入心》（Slide）並拍攝Reels大派粉絲福利。今次EVERGLOW特別親自到訪伯樂音樂學院，同Honey Punch進行史無前例的交流，六位新生代少女突顯香港女團的實力之餘，亦對此開心不已！

問EVERGLOW點解會參與認識Honey Punch，EVERGLOW成員表示，平時都有留意世界各地既女團，好開心見到香港都有一隊咁有實力既女團，而另一位成員則表示拍完呢條短片後，覺得Honey Punch每位隊員都好犀利，好投入，又有熱誠，尤其佢地年紀全部都係好細個，所以專登黎同佢哋加油打氣，希望不久將來有機會喺韓國同佢地一齊表演！

香港新晉女團Honey Punch

問到EVERGLOW成員如果未來有機會同Honey Punch合作，最想合作什麼？EVERGLOW成員Sihyeon (施賢)表示好想同佢地一齊試吓啲未試過嘅音樂，例如一啲節日限定嘅歌，又或者rock style嘅歌，因為我覺得我地同Honey Punch都可以嘗試唔同風格，帶比粉絲驚喜。

拍攝之前一班Honey Punch一眾女生搶住請教EVERGLOW，隊長Casey代表問EVERGLOW成員 Onda會訓練多少時間，Onda答通常每當有新歌要推出前，我們會每天至少訓練4-5個小時唱歌和跳舞。

香港新晉女團Honey Punch

Honey Punch表示會好好學習。而當日EVERGLOW仲玩咗一個估年齡嘅小遊戲，結果EVERGLOW成員E:U一估就估中咗Alma係年紀最細，但係估最大竟然係Keira！實際隊長Casey先啱。引得在場咁多位Honey Punch 成員哈哈大笑。

而Honey Punch六位成員都話好期待未來有機會同EVERGLOW有更多精彩的合作！將我地既音樂同舞蹈帶去更多唔同既地方。而Baron Music負責人亦承諾會盡力撮合兩隊新生代女團既合作。

韓國K-POP女團EVERGLOW與香港新晉女團Honey Punch合體跳新歌。

新晉女團Honey Punch三位成員楊芷喬（Casey）、黃靖瑜（Colour）及胡采倩（Chelsa），日前接受新城廣播羅沛琪（Pinky）主持的《寵愛您》訪問，Casey更帶同邊境牧羊愛犬亮相，與Pinky大談與愛犬相處的溫馨與「驚嚇」故事；其餘兩位成員談起家中毛孩和魚兒時更是眉飛色舞，盡顯對小動物的愛護。

Honey Punch

Honey Punch

Casey的愛犬是一隻七個月大的邊境牧羊犬，擁有罕見的雲石色毛髮，活潑好動，但原來牠的出現完全是個意外。Casey透露：「我由細到大都有濕疹，對貓毛敏感，一掂到貓毛嘅嘢就會起風瘌，所以從來冇諗過養寵物。」然而，爸爸一次偶遇改變了一切：「爸爸見到佢覺得好似隻狼，因為呢種顏色好少見，多數邊境牧羊係黑白色或者啡色，見到雲石色覺得好特別，就想養佢。」Casey回憶第一次看到愛犬時奇蹟地沒有過敏反應，加上小狗實在太有趣，於是決定帶牠回家。
如今愛犬已重達14公斤，不過重量級的身軀背後，是令Casey驚心動魄的回憶。她憶述愛犬初到家中時的一場虛驚：「佢初初嚟我屋企嗰陣，我睇唔到佢隻腳夾咗喺廁所門度，佢就不停咁掩住自己個嘴，因為好痛。我喊得仲犀利過佢，媽咪問我咩事，我話『我夾親佢隻手』！」後來她發現愛犬腳上有一塊黑色東西，擔心是骨折或骨裂，最後發現那是愛犬出生時已有的胎記。

Honey Punch

Colour則分享了她曾養過一條金魚「米奇」，是一種尾部有米奇老鼠圖案的魚，她更親眼見證魚媽媽生寶寶的過程：「啲BB好細粒，好似白飯魚咁，好得意。」為了防止大魚吃掉魚BB，她特意將小魚分隔到魚缸的另一個格子裡，「點知第二日，魚媽媽跳咗入去嗰格，啲BB就冇晒喇！」主持羅沛琪驚訝問：「啲魚可以跳咁高？」Colour肯定地說：「就係咁跳！」這段經歷讓她深深體會到養魚並非想像中簡單，「換水要過濾，要同爸爸一齊洗魚缸，都幾困難，但最好玩係去魚舖買啲小屋返嚟佈置。」

Chelsa自小夢想養狗，卻養了一隻布偶貓，她說：「佢好高傲，唔黐我，只係黐爸爸同哥哥。」被問到原因，她笑說不知道，但推測「可能因為佢係女仔」。不過，愛貓有一項像狗的特技令Chelsa驚喜：「佢好鍾意玩Fetch（接球遊戲），細個好想養狗就係想同佢哋掉嘢、玩，點知我隻貓都鍾意。每次我做完工課，就揸啲紙波同佢玩。」

Honey Punch

Honey Punch

重溫節目，請於6月21日下午一時登入知訊台《寵愛您》：https://www.metroradio.com.hk/MetroInfo/