「金牌經理人」黃柏高Paco親自監督樂隊ZolarWind 2.0 推新歌為大埔火災居民打氣

由金牌經理人黃柏高（Paco）親自重塑的樂隊ZolarWind 2.0，近日推出全新作品《雲橋之下》，特別為上月尾大埔宏福苑五級火災中受影響的居民及全港市民送上打氣與擁抱，以音樂療癒人心。

樂隊ZolarWind 2.0推出全新作品《雲橋之下》。

觀看相關影片按連結：https://youtu.be/_OXXSQRUYGs?list=RD_OXXSQRUYGs

ZolarWind 2.0由四位資深音樂人組成，包括主音阿冠（林冠廷）、結他手Tommy Chan、鍵琴手藝深及鼓手波子。新歌製作班底可謂星級陣容，作曲由前RubberBand成員、曾為容祖兒、謝霆鋒、張敬軒、楊千嬅等作品編曲的藝深操刀；詞則由擅長刻劃情感的張楚翹執筆，過往的作品曾出現在黎明、張敬軒、Twins等歌手的歌單中。

ZolarWind 2.0

提到歌曲誕生，藝深謂火災發生後，全港瀰漫沉重氣氛，「我感受到成個香港好似愁雲慘霧，極度傷痛。有一晚忽發奇想：我哋作為一隊香港樂隊、土生土長嘅創作人，可以做啲咩？好想將呢份感覺表達出嚟。」於是他立即跟隊友商量，眾人一拍即合，「不如用最簡單嘅方法，用音樂創作一首歌俾香港聽眾。」

ZolarWind 2.0

藝深指歌曲想表達兩種核心情緒：「第一係極度悲傷同憤怒。點解人嘅貪婪自私可以造成咁可怕嘅災難？另一樣我好想頌讚香港人萬眾一心、團結行善嘅心。」他強調，最想在困難時刻給予聽眾力量，「能夠企起身，慢慢釋懷呢件事。」

ZolarWind 2.0

團隊隨後向經理人Paco提出想法，Paco認為極具意義，並全程支援，「佢喺製作、混音、填詞要注意嘅重點、點樣表達等方面，都俾咗好多意見同Support，成個過程睇住我哋去做。」填詞人張楚翹的投入更令團隊動容。藝深跟她開會講述概念後，「佢即晚凌晨5點就send咗份歌詞俾我，我一睇已經好感動，眼都濕晒。」

ZolarWind 2.0與Paco

歌詞中的「雲橋」概念，正正來自張楚翹的構思，「佢話好多人都喺事件中見到條彩虹橋，呢條雲橋就好似天上面一條橋，領亡者去安息之地，同時引領我哋行返上正常生活嘅道路。」團隊認為這個意象非常貼切，決定以此為歌名及核心概念，藝深補充：「首歌最後，我哋特別想強調一件事：一定要對將來抱有希望，繼續向前行。」《雲橋之下》不單是一首歌，更是一份陪伴，「唔使急住堅強，讓我哋一齊，好好行落去。」

ZolarWind 2.0與Paco

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》昨晚（12月16日）主題為「電台靈異經歷」請來資深廣播人周國豐擔任嘉賓，大談電台的靈異事件。

嘉賓周國豐大爆電台靈異故事。

周國豐透露入行經過，原來跟講鬼故有關，他笑說︰「其實係同一年參加唱歌同DJ比賽入行， DJ比賽贏咗。DJ除咗考即時反應，有一個天才表演環節，10個參賽者9個揀唱歌，我梗係唔咁傻，所以揀講鬼故。」周國豐講鬼故技巧，跟年幼時爸爸離世的經歷有關，他說︰「我8歲時爸爸就離開咗，係腦癌所以病情好急轉直下，幾個月就走咗。佢彌留當晚，接到醫院電話通知，叫屋企人儘快嚟。」

嘉賓周國豐大爆電台靈異故事。

當家人鎖好門準備離開時，屋內電話再響起，接過電話電話卻沒有回音。經過一輪擾攘後，一行人由家住的九龍城徒步數分鐘往父親入住的醫院，當行到一條必經的十字路口時，他們被眼前景像嚇呆，周國豐補充說︰「嘩！發生咗交通意外，如果無聽個電話，發生意外就係我哋。」各人深信是周爸爸保佑。

嘉賓周國豐大爆電台靈異故事。

從事廣播業多年的周國豐，耳聞不少電台靈異傳聞，他說︰「某電台三樓有好多傳聞，你知做通宵節目凌晨兩點做到6點，公司文職人員都已經走晒，每次做節目都要上三樓攞唱碟。有一次有位同事拎唱片時竟然聽到打字機聲、又試過見到有人坐喺office，轉頭就唔見咗。」他透露每間直播室都有本記事簿，記錄做節目時發生的特別事項，不時就會有人寫「直播室有鬼」。周國豐分享DJ行內的禁歌，除眾所周知的《夜夜痴纏》，還有光良、品冠的作品《掌心》。原因是《掌》的MV有靈異事件，所以被禁。

DJ行內有幾首禁歌不能播。

另一首是日文歌《風之谷》，試過有DJ凌晨播這首歌時，在走廊見到有小朋友行過，之後電台不成文規定不准再播此歌。講到最恐怖的一首，要數到匈牙利歌曲《Gloomy Sunday》，他說︰「傳聞聽完之後會自殺，所以到而家都唔敢聽。」此外，節目中思浩提到草蜢主唱的《寶貝對不起》原來有鎮魂的作用，他說︰「上海有一間百貨公司意外死咗好多人，公司老闆為咗鎮住啲怨靈，所以由朝到晚都播呢首歌，播足十年。呢首就係草蜢嘅《寶貝對不起》。」思浩表示下次出埠入住酒店，為求心安不妨播這首歌。

DJ行內有幾首禁歌不能播。

DJ行內有幾首禁歌不能播。