李佳芯童年照曝光 母校出手拉票衝金像獎

李佳芯一直以仙氣外表加自然演技圈粉無數，近年更踩入電影圈，首次拍戲就接拍《金童》，雖然戲份不多，但憑住情緒爆發位展現強勁喊功，成功令觀眾睇到揪心，印象極深。結果佢亦憑呢套作品，入圍今屆香港電影金像獎「最佳新演員」，唔少粉絲都睇好佢有機會「爆冷」。

Ali 一直以仙氣見稱

李佳芯憑《金童》入圍今屆香港電影金像獎「最佳新演員」

隨住頒獎禮就快到，佳芯嘅母校都出手應援！日前學校喺社交平台晒出佢嘅童年校服照幫手拉票。相中嘅佢樣子清純，帶住幾分稚氣，但五官已經好標緻，完全係由細靚到大，難怪網民都話「一眼認得」。

日前Ali母校晒出女神童年校服照幫手拉票

五官標緻

樣子清純

校方仲特別留言支持，話對於有校友入圍金像獎感到非常興奮，仲話雖然之前「前哨戰」未有斬獲，但今次依然有機會，勝負五五波。連當年同學都話會守住電視為佢打氣，可見人緣同人氣都keep得好好。

Ali 極好人緣

期待金像獎結果

視后李佳芯（Ali）離開無綫後工作接不停，現時正與MIRROR成員Edan合作拍攝ViuTV新劇港版《悠長假期》。雖然離巢後曾有不少公司向她招手，但已成立自家工作室的Ali接Job相當順利，早前更坦言歡迎不同形式的合作。

成立自家工作室的Ali接Job相當順利

除了幕前劇集，Ali亦正式向舞台劇進發。她早前出席活動時透露，未來計劃參與舞台劇演出，平日亦會睇舞台劇，向一眾前輩偷師。

Ali正式向舞台劇進發

據知，Ali已落實於今年12月首度參演舞台劇《見面即地獄》，並會夥拍演員陳湛文及ERROR成員阿Dee演出。對於首次挑戰舞台劇，Ali自然要打醒十二分精神。

Ali已落實於今年12月首度參演舞台劇《見面即地獄》

會夥拍ERROR成員阿Dee演出

完成《悠長假期》拍攝後，Ali便會隨即投入舞台劇排練，正式進入「閉關」模式，為首次登台做好準備。