范振鋒夫婦檔北上搵食撐好友餐廳 李思欣甜笑收「買袋」承諾

在香港備受名人追捧的「香港財記辣蟹私房菜」日前於深圳羅湖區開設首間分店，並舉行開幕儀式。為祝賀好友生意擴展，多位城中名人及演藝界好友均親臨現場支持，包括AirYacht優遊海洋有限公司創辦人、西安市政協委員施欣銘（Michael Sze）、飲食天王梁震宇、范振鋒（阿范）與太太李思欣、羅天池、EO2成員Eddie（彭迪安）、顧紹芬（Boe媽）及黃建東等，場面星光熠熠。

范振鋒與李思欣夫妻檔恩愛現身，為好友餐廳深圳首店站台，星光熠熠。

一眾剪綵嘉賓於「香港財記辣蟹私房菜」深圳店前合照留念，預祝生意興隆，客似雲來。

黃建東與羅天池兩位「功夫之人」難得碰頭，台下雞啄唔斷，傾得相當投契。

長駐內地的Eddie大讚新店味道正宗，笑言下次一定要帶太太前來「朝聖」。

「金牌媒人」Boe媽亦是座上客，與一眾好友暢談甚歡。

近年經常夫妻檔上陣的范振鋒與李思欣，此次專程北上為好友餐廳站台。阿范表示自己是該餐廳的忠實粉絲：「過去因為工作關係，做過好多飲食節目，但在香港我經常來辣蟹私房菜食海鮮。今日特意來祝賀，終於可以在內地食到正宗避風塘炒辣蟹，而且交通非常方便。」當被問到夫妻檔密密搵真銀，會否獎勵太太時，阿范即笑言所有收入都全數上繳。身旁的李思欣聞言即甜笑撒嬌說：「好呀，我想買個袋。」場面溫馨又搞笑。

范振鋒與李思欣對好友新店開張十分重視，一早到場打氣支持。

被問到夫妻檔密密搵銀會否獎勵太太，阿范笑言收入全上繳，李思欣即撒嬌要求買手袋，場面溫馨又搞笑。

同場的AirYacht創辦人施欣銘（Michael Sze）亦是座上客，他表示：「很高興看到香港品牌在內地發光發亮。」羅天池則透露，最近剛完成一部遊戲電影的拍攝，並在其中兼任動作導演。他表示自己也是餐廳的常客，現在深圳開店，以後北上工作又多一個美食據點。同樣是熟客的EO2成員Eddie亦大讚新店選址方便：「真係一出地鐵就係，價錢仲比香港實惠，但味道完全不變。內地的食家真係有口福，我下次一定要帶太太來品嚐。」

AirYacht創辦人施欣銘（Michael）與黃建東都是「財記」的忠實常客，今日特意到場支持。

嘉賓們一同進行切燒豬儀式，祈求新店開張大吉，客源滾滾

前港姐陸詩韻（Sharon）日前到新城廣播接受由范振鋒（阿范）及婥絲（香港）美容儀器有限公司香港研發儀器創辦人Nicole Lam「高力豆沙」主持的《「鋒」繼續吹》環節「靚靚陪審團」訪問，一同探討美容行業的點滴。Sharon在節目中分享自己創立護膚品牌的過程，坦言當初選擇從護膚品入手，同時覺得美容院業務牽涉層面太廣，需要管理大量人手及醫生團隊，對當時的她而言門檻過高。

陸詩韻（Sharon）接受新城廣播《靚靚陪審團》訪問。

Sharon回憶道：「我比較穩陣，覺得不如搵一啲容易入手，就用護膚品開始。」但她直言入門並不如想像中簡單，當年親赴日本尋找廠商時，因訂單量不足，即使頂着「港姐」名銜，也未必獲得廠商青睞。「要去到日本工業區搵廠，佢都未必歡迎你，因為我哋咁細，又要話畀佢聽我係港姐。」

作為品牌創辦人，Sharon對產品成分的把關極為嚴謹。由於自己擁有港姐的知名度，產品一旦出現問題，輿論反應將會被放大十倍。「有權利必有義務，如果你有啲成分或者各樣嘢，有少少差池，你可能會得到嘅反應會更大。」因此她對產品成分的監管非常嚴格，避免任何錯失。

左起：范振鋒、陸詩韻、婥絲（香港）美容儀器有限公司香港研發儀器創辦人的Nicole Lam「高力豆沙」

Sharon分享創業路與美容血淚史。

Sharon分享了一次眼皮敏感的難忘經歷：「我曾經試過眼皮敏感，一邊紅咗一邊冇，好彩冇腫得好厲害，兩邊都搽上粉紅色眼影遮擋，整勻佢，出嚟喺鼻影打勁啲，睇落就冇咁覺眼。」

談及美容市道，Sharon指疫情期間雖然美容院無法營業，但家用護膚品需求反而大增，生意表現理想。「美容院開唔到，每個人都去唔到美容院，兩個星期唔去美容院，個樣係完全唔同晒嘅。」她透露當時每日收到大量查詢，訂單多至倉庫缺貨。

赴日洽談生意遭嫌棄訂單少。

Sharon又自爆年輕時曾因「進取型」心態，在使用高能量美容儀器時要求美容師將度數調至8（最高為10），結果導致面部出現「貓鬚」般的紅印及腫脹。「我打完之後係有『貓鬚』，一行一行，好似刮痧咁。第二日又要工作，遮都遮唔到。」她坦言自此之後不敢再過度進取，並提醒消費者應按自身皮膚狀況選擇合適療程。

提到業界常有微整形失敗個案，Sharon分享曾聽聞有人進行雙眼皮手術後效果不自然，眼皮吊得太高，導致眼睛看起來大了三分之一，乾眼症等問題隨之而來。她又笑言，若見到朋友整容效果過於突兀，會尷尬得不懂如何回應，通常只能以「近來精神咗」輕輕帶過。阿范亦分享自身經驗，指曾因朋友整容後容貌變化太大，一時未能認出，場面尷尬。

Sharon自爆做機太進取出事。

詳細節目內容，請重溫：
３月26日，晚上11:00 – 00:00，新城知訊台《「鋒」繼續吹》節目，網址：https://www.metroradio.com.hk/MetroInfo/

３月27日，晚上８:00 – 9:00，新城MBO TV《「鋒」繼續吹》節目，網址：https://mbo.metro.hk/