有娛樂圈「大哥」之稱的吳雨（原名吳瑞雲），日前應邀到新城廣播接受由李有毅（Ben）與兒子李國煒（Benson）主持的《Ben同Benson『Chur』到行》錄音訪問。吳雨從一手創造「華星三寶」神話，到執掌英皇娛樂集團十五年拓展藝人管理王國，再到遲婚並為兒子移民，他都娓娓道來。
吳雨接受李有毅、李國煒主持《Ben同Benson chur到行》節目訪問。
吳雨在訪問中憶述接手華星唱片時的挑戰，當時正值華星歌手大量離巢，僅餘少數藝人。面對困境，他首要任務是穩住當時的台柱許志安，公司同時擁有梁漢文及兩位新人陳奕迅（Eason）和楊千嬅，惟新人外出宣傳時卻沒人認識，他稱：「『梁炳』（梁漢文）同Eason、千嬅出去宣傳時，啲人淨係識得『梁炳』，另外兩個新人講唔出個名。」
後來吳雨從灣仔街市小吃「煎釀三寶」獲得啟發，他透露：「我喺街市見到『煎釀三寶』，靈機一觸，不如就叫『華星三寶』！」此巧妙包裝立即奏效，他說：「返到電台電視台，『三寶嚟喇』，個個都記得。」讓陳奕迅和楊千嬅迅速打開知名度，與梁漢文共同迎來事業高峰；吳雨強調：「包裝真係好重要，就係靠咁樣，幫佢哋打出名堂。」
左趗：李有毅、吳雨、李國煒
將在華星的成功經驗帶到英皇娛樂，吳雨坦言：「我夠膽講，喺英皇期間，藝人管理業務佔公司收入四至五成。」他解釋當時的市場變化：「唱片已經難賺錢，反而藝人管理嘅演唱會、拍戲、廣告，先係真正嘅利潤中心。」吳雨認為這是香港唱片業的轉型：「以前外資公司覺得藝人管理麻煩，但我睇到呢個先係未來。我哋唔係淨係出唱片，係要建立全方位嘅明星事業。」
談到家庭生活，吳雨笑言：「我係遲婚，44、45歲先結婚，玩夠嘛！」婚後隨即移民加拿大溫哥華，他表示：「當時個仔喺聖保羅書院讀緊中三，我見佢太黐身、唔夠獨立。」
面對是否讓兒子放棄香港名校學位的掙扎，吳雨與太太討論：「我太太問我點睇，我話：『冇所謂，最緊要係佢學識獨立。』」他感慨道：「父母嘅決定真係要好小心，因為影響仔女成世。我唔係為自己方便，係為佢將來諗。」
吳雨
詳細節目內容，請留意1月3日，晚上11時–凌晨1時，新城知訊台《Ben同Benson「Chur」到行》，網址：
https://www.metroradio.com.hk/MetroInfo/
前港姐陸詩韻（Sharon）日前到新城廣播接受由范振鋒（阿范）及婥絲（香港）美容儀器有限公司香港研發儀器創辦人Nicole Lam「高力豆沙」主持的《「鋒」繼續吹》環節「靚靚陪審團」訪問，一同探討美容行業的點滴。Sharon在節目中分享自己創立護膚品牌的過程，坦言當初選擇從護膚品入手，同時覺得美容院業務牽涉層面太廣，需要管理大量人手及醫生團隊，對當時的她而言門檻過高。
陸詩韻（Sharon）接受新城廣播《靚靚陪審團》訪問。
Sharon回憶道：「我比較穩陣，覺得不如搵一啲容易入手，就用護膚品開始。」但她直言入門並不如想像中簡單，當年親赴日本尋找廠商時，因訂單量不足，即使頂着「港姐」名銜，也未必獲得廠商青睞。「要去到日本工業區搵廠，佢都未必歡迎你，因為我哋咁細，又要話畀佢聽我係港姐。」
作為品牌創辦人，Sharon對產品成分的把關極為嚴謹。由於自己擁有港姐的知名度，產品一旦出現問題，輿論反應將會被放大十倍。「有權利必有義務，如果你有啲成分或者各樣嘢，有少少差池，你可能會得到嘅反應會更大。」因此她對產品成分的監管非常嚴格，避免任何錯失。
左起：范振鋒、陸詩韻、婥絲（香港）美容儀器有限公司香港研發儀器創辦人的Nicole Lam「高力豆沙」
Sharon分享創業路與美容血淚史。
Sharon分享了一次眼皮敏感的難忘經歷：「我曾經試過眼皮敏感，一邊紅咗一邊冇，好彩冇腫得好厲害，兩邊都搽上粉紅色眼影遮擋，整勻佢，出嚟喺鼻影打勁啲，睇落就冇咁覺眼。」
談及美容市道，Sharon指疫情期間雖然美容院無法營業，但家用護膚品需求反而大增，生意表現理想。「美容院開唔到，每個人都去唔到美容院，兩個星期唔去美容院，個樣係完全唔同晒嘅。」她透露當時每日收到大量查詢，訂單多至倉庫缺貨。
赴日洽談生意遭嫌棄訂單少。
Sharon又自爆年輕時曾因「進取型」心態，在使用高能量美容儀器時要求美容師將度數調至8（最高為10），結果導致面部出現「貓鬚」般的紅印及腫脹。「我打完之後係有『貓鬚』，一行一行，好似刮痧咁。第二日又要工作，遮都遮唔到。」她坦言自此之後不敢再過度進取，並提醒消費者應按自身皮膚狀況選擇合適療程。
提到業界常有微整形失敗個案，Sharon分享曾聽聞有人進行雙眼皮手術後效果不自然，眼皮吊得太高，導致眼睛看起來大了三分之一，乾眼症等問題隨之而來。她又笑言，若見到朋友整容效果過於突兀，會尷尬得不懂如何回應，通常只能以「近來精神咗」輕輕帶過。阿范亦分享自身經驗，指曾因朋友整容後容貌變化太大，一時未能認出，場面尷尬。
Sharon自爆做機太進取出事。
詳細節目內容，請重溫：
３月26日，晚上11:00 – 00:00，新城知訊台《「鋒」繼續吹》節目，網址：https://www.metroradio.com.hk/MetroInfo/
３月27日，晚上８:00 – 9:00，新城MBO TV《「鋒」繼續吹》節目，網址：https://mbo.metro.hk/
