【2026.1.13娛圈熱點】「新聞女神」林婷婷封盤網民嘆失戀 佘詩曼與契女們相聚食飯傾計唱K

關注一下過去24小時娛圈事Top 5熱話。

「新聞女神」林婷婷封盤網民嘆失戀 老公視角睡相掀熱議

有「新一代新聞女神」之稱的林婷婷（Jacky）低調完婚，下嫁同台新聞主播李天耀。婚訊公布後，不少網民高呼「失戀」，仍紛紛送上祝福。林婷婷於社交平台分享於土耳其卡帕多奇亞的求婚照，展示大鑽戒，甜蜜非常。

▼詳情點擊圖片查看或按連結

佘詩曼與契女們相聚食飯傾計唱K 感歎：原來快樂真係咁簡單！

50歲視后佘詩曼出名喜愛小朋友，曾自爆有十多名契仔契女，其中一位在外國留學的靚靚契女每次放假返港，她都會抽空陪契女食飯！近日，佘詩曼就因為突然好掛住一班契女，於是馬上約她們食飯！

▼詳情點擊圖片查看或按連結

張繼聰46歲生日願望每日都係「Happy仔」 老婆謝安琪甜蜜送「Happy」祝福

藝人張繼聰（Louis）於昨日（1月11日）迎來46歲生日，他在社交平台晒出陽光下的自拍照，並分享自己的生日願望，「會繼續努力做最好嘅自己！我愛同愛我嘅人，全部身體健康，每日都係Happy仔！今年仲有一個願望，希望成真，多謝你哋嘅支持同愛！」字句行間流露積極樂觀的態度，展現出「Happy仔」一面，而老婆謝安琪亦留言為老公送上生日祝福，「Happy Birthday my Baby. You happy I happy!」並連續寫下多次「Happy」，相信張繼聰一定會「好Happy」！

▼詳情點擊圖片查看或按連結

許倚榕孖男友張明偉為媽媽慶生 李麗珍素顏迎60大壽美貌依然

藝人李麗珍當年憑三級片《蜜桃成熟時》一脫成名，成為一代性感女神，雖然早年曾因暴肥而令絕世美貌一度崩壞，但近年積極修身，成功回春！近日（1月8日），李麗珍迎來60歲生日，28歲的女兒許倚榕（Annise）就與男友張明偉一同為她慶生。

▼詳情點擊圖片查看或按連結

TVB「新聞女神」林婷婷嫁主播同事李天耀 草坪婚宴政界猛人到賀

有「新一代新聞女神」之稱的林婷婷（Jacky），日前正式公布婚訊，與同任無綫新聞主播的男友李天耀共諧連理。二人於戶外草坪舉行婚禮，以白、粉色鮮花布置，場面溫馨浪漫。新娘林婷婷身穿低胸緞面婚紗，雖天氣微寒，仍與新郎甜蜜牽手，笑容滿面。

▼詳情點擊圖片查看或按連結

宣萱（Jessica）再度現身香港迪士尼樂園，時隔多年後不單止成為「神盾局科技館總工程師」，更以香港基建大型宣傳企劃「基建世一」《基建遊一萱》主持身份，在新一集《基建鬥一萱》與嘉賓主持「解密小王子」張繼聰（阿聰）勇闖奇妙夢想城堡，解構奇妙夢想城堡三個月誕生之謎（「組裝合成MiC」）！今集二人更接連挑戰不同任務，一邊過關斬將，一邊深入淺出介紹多項本港達世界級水平的建築技術，包括遙控天秤系統、焊接機械人及VR虛擬實境焊接模擬訓練，娛樂與資訊兼備，睇得刺激又長知識。

新一集《基建鬥一萱》，宣萱與嘉賓主持「解密小王子」張繼聰勇闖奇妙夢想城堡，解構奇妙夢想城堡三個月誕生之謎。

觀看相關影片按連結：https://youtu.be/0IaTyFIwolg

三個月安裝好城堡唔係靠魔法而係靠MiC？

於《基建遊一萱》短片系列首兩集表現出穩重又佻皮的Jessica以及「解密小王子」阿聰聯手炮製爆笑攻防，並揭開樂園城堡極速建成之謎—答案正是香港基建所運用的「世一」技術 MiC（Modular Integrated Construction，組裝合成建築法）！不少人或會以為MiC技術只能應付一式一樣的建築，但事實上，MiC的最強之處在於在較短施工時間內打破外型設計、內部空間、間隔改動的局限。

Jessica：「奇妙夢想城堡嘅浮雕同埋複雜內部結構，都係用MiC技術組裝而成。城堡當年係喺工廠預製好15件組件，地基與組件同步預備後，就即刻開始全力興建，前後只用咗三個月就喺樂園完成組裝。不但夠快，夠環保、夠安全，對樂園遊客嘅影響減到最低，原來MiC先至係建造界嘅真『魔法』。」

宣萱

阿聰：「我全家都成日嚟呢度玩，囡囡搞百日宴都係喺度。我好鍾意新城堡，尤其係佢夜晚嘅燈光投射煙花Show。今日先知原來成個城堡只係用咗三個月就組裝好，MiC真係好Amazing！頭先Jessica話依家已經有超過150個政府同私人發展項目都係用MiC技術，真係大勢所趨！」

張繼聰

阿聰開「打機Mode」遙控十層樓高天秤完成吊運任務

離開香港迪士尼樂園之後，兩人轉戰遙控天秤鬥一番。阿聰：「頭先Jessica叫我試揸天秤，我心諗好高喎，閒閒哋都五、六十米，真係諗緊點推咗佢唔上去，但原來依家可以遙控！對於打開機嘅我嚟講當然無問題。講真操作傳統天秤最花時間就係每次上落郁啲都起碼要十幾分鐘，上上落落辛苦之餘，落雨仲會全身濕晒。依家可以遙距操控，師傅去廁所、食飯同起身鬆鬆就方便好多。我都係職安真漢子，改善到工友工作環境就係Good !」

「遙控天秤系統」令工作環境變得更安全舒適。

Jessica大讚阿聰身手靈活，輕鬆完成用吊臂吊運物件到指定地點的挑戰：「阿聰打開機真係唔同啲，我望住遙控天秤時嗰幾個Mon真係搞唔掂，唯有佢出手、我出口，合作完成任務。不過都要歸功於『遙控天秤系統』，配備咗多角度、高清鏡頭功能，視線更加清晰，操控時就更有信心，減少傳統天秤駕駛艙嘅盲點，我知道依家政府工程都已經開始要求採用『遙控天秤系統』喇。」

「遙控天秤系統」控制室可設於地面，操作員透過多角度高清影像所提供的即時畫面，遙距操控天秤進行吊運工序。

實試VR虛擬實境焊接模擬訓練 見證「焊接派變形金剛」完成建造業危險任務

阿聰繼續接受挑戰，再試玩「虛擬實境焊接模擬器」，於VR環境當中挑戰不同難度焊接技巧，根據姿勢以及焊槍與焊接離等真實情況評分。阿聰：「好似卡啦OK唱歌咁，可以鬥高分。」Jessica：「不過你唱歌應該高分啲，依家得30分，好似有啲差喎！」Jessica隨後向機械迷阿聰介紹焊接機械人，笑言是「焊接派變型金剛」，能夠根據不同任務目標換上不同配置機械臂。

阿聰試玩「虛擬實境焊接模擬器」，於VR環境當中挑戰不同難度焊接技巧。

機械人同工人應該怎樣分工？Jessica：「有啲情況真係要靠機械人出馬，好似密封或者唔透氣嘅地方，因為焊接有時會令空間入面嘅氧氣跌到得返正常情況下嘅20%，唔適合人工作。另外一啲非常窄的空間，都要靠佢哋入去。」阿聰恍然大悟，更希望自己可以入手這部「焊接派變型金剛」作為家中機械人收藏之一。

現時建造業已開始應用焊接機械人，於空氣流通較差或空間受限的環境中進行焊接工序，減少工友在高溫或較複雜環境下工作的需要。