不少香港人都喜歡食腸仔包當早餐，內麪包裹的腸仔就好似麪包的靈魂一樣，不可或缺！不過日前就有女網民在社交平台發帖投訴，指日前買了一個腸仔包，竟然發現包中只有一條迷你芝士腸，失望到「喊出嚟」。
餅家回應道歉承諾盡快改善
點擊看圖輯
更多相片
由女網友在平台分享的相片所見，一個比手掌還小的腸仔包，打開內裏竟發現一條長度只有面包一半的腸仔，大細如迷你芝士腸一樣。網友直言當時失望到「喊出嚟」。怎料帖文竟引到涉事餅家回應，表示令到對方有不愉快的體驗，感到非常抱歉。並表示「我已經將依個情況send咗比daddy睇」並承諾會盡快改善，希望網友可以原諒。
三日後再買腸仔搞笑「走了位」
但在樓主發文的三日後，她再次幫襯該餅家發現，雖然由外觀看來腸仔似乎變返正常大小，但當她打開麵包時，搞笑地發現腸仔的大小無變，只是位置變了，店主似乎故意突出了腸仔其中一端，令客人錯覺以為條腸長咗。
網斥：咁樣做生意，執X左去啦
帖文引來一眾網民熱議。有網民撐發文者觀點，直言「乞衣到你，第一次見腸仔包唔係成條腸上」、「咁樣做生意，執X左去啦」、「如果係因為平價唔應該小我都覺得合理，但店家回覆話改善但又無改嗰下搞笑」、「 你可以一開始就話平價就係咁嘛，睇返個宣傳對比實物又確係搞笑」。
知情者指此本為迷你包售價「3個$10」
但有知情人士表示這店家的迷你麵包的售價為「3個$10」，認為「咁又正常喎」、「我係旺角買一個迷你腸仔包都$5」，更建議店家快快幫個包改返個正確的名「係個名出事 ，包店快啲加返『迷你』落去」。
