麥明詩再著三年前吊帶晚裝 索爆力證產後身材冇走樣

「十優港姐」麥明詩（Louisa）前年嫁給機師盛勁為（Keith），去年3月升呢做新手媽媽，成為了「星級媽媽」的她獲不少人讚靚過之前，不過由細靚到大的她同樣有煩惱，去年10月麥明詩曾坦言產後有身材焦慮，擔心「返唔到去以前嘅狀態」。

麥明詩ig圖片

近日麥明詩就在個人IG放出震撼對比圖，她竟然著得返3年前的同一件淺藍色吊帶晚裝，修身成果驚為天人，相片曝光引來網民熱議。

麥明詩ig圖片

麥明詩ig圖片

麥明詩分享兩張相片，一張拍攝於2023年，另一張則是她近日出席好友婚禮時留影。相隔3年再著同一件戰衣，相中可見麥明詩身形fit到漏，吊帶晚裝完美修凸顯其凹凸有致的玲瓏身材，長裙開叉至大腿，超長白滑美腿展露無遺，讓一眾網友驚呼：「完全唔似生過BB，仲要係產後唔夠一年㖭」

麥明詩ig圖片

不過其實去年10月麥明詩曾剖白產後心聲：「我都知我個人比較心急，而且工作關係令到我對自己身形有啲期望，所以我俾咗唔少壓力自己，特別係產後三、四個月左右，好似冇乜進展，都不禁諗係咪以後都返唔到去以前嘅狀態。」如今不到一年時間，她已經極速修身成功，甚至fit過以前，難怪網民都激讚：「真係媽媽界天花板」

「十優港姐」麥明詩（Louisa）前年3月與機師老公盛勁為（Keith）拉埋天窗，同年11月宣布升級做媽咪，囝囝「盛B」於去年3月出世，一家三口生活幸福美滿。近日，麥明詩與老公暫時放下囝囝，飛到意大利參加朋友的婚禮，享受久違的二人世界。

麥明詩在IG晒出與老公參加婚禮的合照，可見她穿著金色拼墨綠的入膊晚裝，大方展露白滑香肩及S形曼妙身段；盛勁為則以黑色西裝配煲呔上陣，俊男美女襯到絕，加上意大利如畫的美景，可謂靚到似寫真！

麥明詩IG圖片

麥明詩IG圖片

麥明詩分享旅程感受：「久違嘅二人世界，短短5日嘅旅程，見證咗好友嘅婚禮，亦都令我哋難得可以放慢腳步，享受只屬於彼此嘅節奏。」雖然可以同老公獨自旅行過二人世界，但麥明詩都坦言掛住家中的「小老闆」，並笑言：「急住返去報到」，滿載對囝囝的掛念。

麥明詩與盛勁為一家三口

麥明詩與囝囝