非常檢控觀｜ 林景程「癲」峯演技晒極端差距情緒演技再獲好評！暴走猙獰奸笑畫面晒最強「戲」場

由林志華監製、黎倩儀編審的全新劇集《非常檢控觀》，逢周一至五晚八點半翡翠台播映。劇集主要演員有馬德鐘、吳偉豪、賴慰玲、陳煒、陳曉華、游嘉欣、蔣家旻、張馳豪、李成昌、程可為等。

係咪齋睇相都好緊張呢？

呢個惶恐樣好正。

呢張嘅詭異感真係爆晒燈。

昨晚（1月29日）「血古董」單元幾經「錯摸」終揭出真兇，在包專員（馬德鐘飾）及公孫珀（賴慰玲飾）設局下，殺死饒英拔（鄭子誠飾）真兇古董店老闆葉志健（林景程飾）終露出狐狸尾巴，並企圖殺死英拔女兒饒馨儀（羅毓儀飾）…另邊廂，何遠程（梁証嘉飾）與太太顏映朱（陳庭欣飾）發現被禁錮的英拔離奇死亡，為免惹禍上身竟萌生燒屍念頭，並於真相未白之前企圖將殺人罪嫁禍給龐喆（李成昌飾）…

羅毓儀黑色粗框眼鏡之謎解開咗喇！


近年角色漸趨多元、憑《反黑英雄》勇奪最佳男配的林景程，在《非常》中飾演曾患精神病的古董店老闆葉志健。由於與編審商討劇本時，編審指出角色的背景屢被歧視又特別孤獨，為配合角色因缺乏關愛逐步走向極端的心理狀態，林景程昨晚及今晚兩集將施展「癲」峯演技，以極端的憤怒、惶恐、奸險、兇殘樣追殺羅毓儀（Yuki）兼與對方對質，心寒感十足，網民亦因而再度認證了景程出色的演技：「他做戲一向出色，很多角色都Handle到」、「景程做戲好好睇」、「地產佬、不孝子，全部掌握超好」、「非常用心的演員，值得讚賞」。林景程受訪時坦言為配合角色、經過多次思考後、是次演繹確實有刻意dramatic及極端化。而今晚一集，林景程將「極端差距情緒」Level up，根據官方發布的預告劇照，林景程不但眼神極盡瘋癲／暴走，笑容亦是極盡猙獰詭異，齋睇劇照都感受到有幾好戲。

超有壓迫感。

據知，葉志健原本係想救出英拔，到底最後點解會演變成殺人事件呢？

一個單元角色，都可以演得咁有層次同多元，足證係用心演員。

林景程仲有大讚Yuki嘅喊功添。

高舉鐵鏟跑落山追殺羅毓儀畫面勁有Feel
昨晚林景程除了演技、其中一幕拿著鐵鏟極速跑落山欲殺死Yuki場口，不但別具張力，配以現場的燈光及詭異氛圍，相當Impressive兼有Feel，堪稱經典場口。對此景程受訪時笑言拍攝這場其實難度極高，「嗰場我要舉起個鏟，由山頂跑落去Yuki度，因為個鏟都好重吓，又因為我現場唔可以太光（為配合詭異感），我action時要望住Yuki又唔可以望地下，都有啲驚險架。」

昨晚另一焦點角色，是陳庭欣Toby飾演的顏映朱。為了掩護老公何遠程，映朱不惜講大話落假口供！而在複述燒屍過程時，Toby演繹相當到位，由於過程頗為殘忍，她憶述時不但表情驚慌、聲音亦時不時帶著哽咽，絕對落足心機！今晚一集將播出Toby與証嘉分屍劇情，談到相關場口，Toby受訪時坦承現場拍攝時一度作嘔反胃：「拍嗰時成枱都係血，嗰排又咁啱發生咗單好轟動嘅肢體案，當時個腦入面好多相關新聞嘅畫面，加上仲要喺荒山野嶺度拍，同埋道具嘅同事又整得所有嘢太逼真，我哋望住嗰幾個人，都有反胃同作嘔嘅感覺。」

Toby呢場戲雖然只係「齋talking」，但佢都好用心加咗好多細節位，包括微表情同聲線變化。

即使係短短嘅拍賣戲場口，Toby都係做足功課。

陳庭欣笑言自己係林志華御用「荒山野嶺專業戶」。

為演好「美女拍賣官」做足功課
感激監製林志華阿Lam給予不少演出機會的Toby，笑言每次與阿Lam合作，都逃不掉要走進「荒山野嶺」，其中《致命復活》的被棄屍荒山野嶺畫面，更為當年的經典情節：「阿Lam次次都叫我去荒山野嶺拍，呢個真係好好嘅體驗同回憶，甘得嚟又有得發揮！」在劇中在「最美拍賣官」之稱的Toby，其中一場戲需要以極專業姿態主持慈善拍賣會，而Toby亦稱職地將嗌價部分演得似模似樣，原來除因Toby累積了不少慈善拍賣主持經驗外、還與她事前做足功課有關：「我都有上網觀望吓真正嘅拍賣過程係點，希望做出嚟真實啲。」

由林志華監製、黎倩儀編審的全新劇集《非常檢控觀》，逢周一至五晚八點半翡翠台播映。劇集主要演員有馬德鐘、吳偉豪、賴慰玲、陳煒、陳曉華、游嘉欣、蔣家旻、張馳豪、李成昌、程可為等。

李成昌呢場戲話咗畀我哋聽，力偶爾用一吓就夠架喇。

笑笑吓突然得你一句，自然顯得寧舍兇狠。

笑言問人點解打搞自己，你話幾心寒吖。

呢個眼神同狀態，絕對只有四個字-深藏不露。

齊集新人及實力演員的《非常檢控觀》，在這兩集亦為金牌綠葉李成昌設計了一場為時約3分鐘的演技晒冷場口，並與馬德鐘單靠眼神及笑容「隔空開火」、張力十足。劇情講述明知馬神來者不善的李成昌，在暴風雨前夕先故作悠閒泡茶，抓緊機會拋出一句「我覺得你需要飲番杯」作下馬威之餘，還不忘寸爆鮮有在親友前露面的馬神：「我幾驚你唔記得我呢個世伯。」當馬神表示不好意思打擾時，李成昌再吼準時機作出攻擊：「咁今次你又打搞我？」

眼神交峰兩位都交足戲。

眼神交峰兩位都交足戲。

一秒變兇狠。

再一秒又變番笑面虎。

馬神眼神都好有戲架。

呢個挑機眼神，一絕。

面對李成昌一副「皮笑肉不笑」的暗藏殺機狀態，馬神決定速戰速決單刀直入講赤盆，李成昌全程雖展現智者般的祥和笑容，但眼神卻夾雜陰險與深藏不露，感覺相當複雜。經過二人多番銳利眼神交鋒後，李成昌四両撥千斤扯開話題，但仍不忘句句有骨、笑住寸爆馬德鐘：「你知唔知點解我揀茶館呢度？你就最怕你望住我（惡）」、「搞到我周身唔聚財，唔飲番杯茶定吓驚都唔得。」面對李成昌這隻「笑面虎」，馬神亦沒有虛發子彈、吼準時機打擊對方：「你啲情緒有啲咩唔見得光，咁怕被我感受到嘅？」二人連珠炮發式的高智商唇槍舌劍，再配以李成昌挑機式「先兇後笑」的心寒式收尾，連場口更見精彩。