梁諾妍38歲生日跑足38K 洪永城送蛋糕甜蜜告白：期待白住頭髮同你跑100K

壽星女梁諾妍（Inez）生日唔係食大餐，而係跑足38公里！

IG圖片

洪永城IG圖片

身為兩孩之媽的洪永城太太梁諾妍迎來38歲生日，身形fit爆的她向來熱愛長跑，而生日正日就約埋一班跑友，用腳跑出自己的歲數。老公洪永城則甜蜜拍低片段放閃，並送上生日蛋糕兼發表甜愛的宣言，認真甜到漏！

IG圖片

IG圖片

IG圖片

IG圖片

洪永城在IG分享跑步同慶祝片段，甜蜜寫道：「跑步嘅人對時間同數字都特別著緊，尤其係生日，原來係要跑返佢嘅歲數Number，當我以為係咁易循例18k嘅時候，原來係38k，不過好彩你有班肯陪你嗆跑友。生日快樂Inez，祝我們百年好合、白頭偕老，期待白住頭髮同你跑100K！」告白入面仲預約埋將來一齊白頭 跑100公里，浪漫到爆！

IG圖片

而太太梁諾妍即刻冧爆回應：「多謝你Tony」仲補充一句：「120歲呀。」，暗示要同老公一齊長命百歲，繼續跑落去。連好友黃翠如都忍唔住留言大讚：「This is so sweeeeeet wor 生日快樂Inez。」

現年42歲的洪永城（Tony）與38歲梁諾妍（Inez）結婚5年，育有大女「Sir Face」洪靖嵐及細女「Sir Nose」洪靖愉（Beryl），一家四口幸福滿瀉。近日梁諾妍分享細女上體操班的影片，年僅兩歲半的「佛妹」竟然大晒驚人柔軟度，輕鬆劈出「一字馬」，可愛又有料，瞬間俘虜網民！

洪永城與Inez有兩個女

片中，紮起孖辮、身穿粉紅色運動服的Beryl跟隨外籍教練熱身，拉筋時雙腿一開便坐出標準「一字馬」，更將上半身向前壓，腹部幾乎貼地，軟骨功令人嘖嘖稱奇，連教練都拍手讚好。

細女佛妹上體操班

拉筋時雙腿一開便坐出標準「一字馬」

腹部幾乎貼地，輕鬆！

她在單槓練習時亦毫不怯場，先用圓碌碌的小肚腩頂住單槓，再借力翻身，動作相當有趣；之後又跟隨音樂練習彈跳和平衡，全程笑容滿面，玩得不亦樂乎。

圓碌碌的小肚腩頂住單槓

借力翻身

身為健身教練的媽媽梁諾妍見狀亦忍唔住大讚，發文寫道：「徇眾要求！體操妹太可愛，出個Post俾佛妹粉治癒下。佛妹用個肚腩仔頂住支Bar真係好醒目，小朋友做體操實在太可愛！」

影片曝光後，不少網民大讚Beryl遺傳媽媽的運動基因，小小年紀已展現出色柔韌度，萌樣與身手兼備，認真吸睛！