梁諾妍38歲生日跑足38K 洪永城送蛋糕甜蜜告白：期待白住頭髮同你跑100K

娛圈事

梁諾妍38歲生日跑足38K 洪永城送蛋糕甜蜜告白：期待白住頭髮同你跑100K

2026年02月04日 21:00 最後更新：22:56

壽星女梁諾妍（Inez）生日唔係食大餐，而係跑足38公里！

身為兩孩之媽的洪永城太太梁諾妍迎來38歲生日，身形fit爆的她向來熱愛長跑，而生日正日就約埋一班跑友，用腳跑出自己的歲數。老公洪永城則甜蜜拍低片段放閃，並送上生日蛋糕兼發表甜愛的宣言，認真甜到漏！

點擊看圖輯

IG圖片

洪永城IG圖片

IG圖片

更多相片

IG圖片

洪永城IG圖片

IG圖片

洪永城在IG分享跑步同慶祝片段，甜蜜寫道：「跑步嘅人對時間同數字都特別著緊，尤其係生日，原來係要跑返佢嘅歲數Number，當我以為係咁易循例18k嘅時候，原來係38k，不過好彩你有班肯陪你嗆跑友。生日快樂Inez，祝我們百年好合、白頭偕老，期待白住頭髮同你跑100K！」告白入面仲預約埋將來一齊白頭跑100公里，浪漫到爆！

而太太梁諾妍即刻冧爆回應：「多謝你Tony」仲補充一句：「120歲呀。」，暗示要同老公一齊長命百歲，繼續跑落去。連好友黃翠如都忍唔住留言大讚：「This is so sweeeeeet wor 生日快樂Inez。」

往下看更多文章

洪永城周日湊女「放電」慘被圍攻趴地任由囡囡大玩「層層疊」

藝人洪永城與太太梁諾妍（Inez）育有一對可愛女兒，分別是4歲的大女「Sir Face」Amber及2歲的細女「Sir Nose」Beryl，一家四口生活幸福美滿。兩公婆不嘖在社交平台分享一家人的生活點滴，近日洪永城就晒出湊女「放電」的搞笑日常。

從洪永城分享的影片可見，他與兩個囡囡在體育館內上演「追逐戰」，兩姊妹活力完全爆燈，聯手向爸爸展開「攻擊」，洪永城完全招架不住，體力火速透支，最後更累到直接趴在地上，乖乖舉手「投降」。就算趴在地下，兩個囡囡都沒打算放過爸爸，直接爬到洪永城背上大玩「層層疊」，畫面混亂又可愛。洪永城亦哭笑不得分享湊女感受：「問阿妹想做啲咩？佢話淨系想跑。為何生女，都要咁多體力嘅？你哋啲女，有冇都係過分活力充沛？」