阮浩棕倪嘉雯同框拍攝無綫情人節特備宣傳片顏值＋超甜互動勁吸睛

娛圈事

阮浩棕倪嘉雯同框拍攝無綫情人節特備宣傳片顏值＋超甜互動勁吸睛

2026年02月07日 14:30 最後更新：15:43

TVB陪伴觀眾渡過每個佳節，為迎接下周六（14日）情人節，無綫昨晚（2月6日）播出由無綫企業傳訊部品牌傳播科（CID）製作的情人節宣傳短片—「愛讓每步變成情話」，並請來TVB潛力小生阮浩棕及小花倪嘉雯首度合演情侶，為觀眾帶來一幕又一幕甜爆畫面。

在短短一分鐘的宣傳片中，阮浩棕及倪嘉雯先後大玩壁咚、錫面珠、咀嘴、愛的抱抱、煙靭鼻貼鼻、甜蜜煮飯仔、孖公仔唱情歌、街頭甜蜜狂奔／熱舞等；配以二人超強顏值，以及倪嘉雯超Gfable氣質＋迷人笑容，和阮浩棕情深眼神＋公子氣質，甜度爆錶。

點擊看圖輯

焦點圖片

倪嘉雯

阮浩棕

TVB截圖

阮浩棕讚倪嘉雯為效果豁出去勁專業：佢主動話攬一吓

值得留意的是，阮浩棕（阿Nic）及倪嘉雯（Carmen）其實都是兒童節目主持出身的藝人，前者是《Think Big天地》元老、後者是《Hands Up》元祖，難怪二人都如此有親和力。由於是次是倪嘉雯首次獻上甜蜜滿瀉的螢幕之吻、以及與男拍檔有如此多親密情侶互動，為了令Carmen拍攝時更舒服安心，阿Nic事前與女方做足溝通，盡顯Gentleman一面。

Nic受訪時大讚Carmen專業：「始終呢條片係喺冇任何鋪墊嘅情況下就要好甜蜜，所以我都有問佢能夠接受到幾多肢體接觸，佢都好爽快地話ok，仲好主動話攬一吓，咁先做到導演想要嘅效果。所以我好欣賞佢，好專業。」、「希望觀眾睇咗條片都會感受到甜蜜嘅氣氛，同埋渡過開心幸福嘅情人節。」

Carmen搞笑嗌怕醜

Carmen受訪時亦讚阿Nic很好、很照顧她：「佢會同我事先溝通點樣互動我會舒服啲，因為導演想我哋好Sweet，為咗拍出嚟真係好睇，我都豁出去。」、「不過真係好怕醜架，我都係第一次喺鏡頭面前做咁多咁親暱嘅舉動，之前最多都係拖吓手、搭吓膊頭。」、「我記得有時我哋企好咗，但未嗌action，但因為企得都好近，我都會有少少唔好意思，但一話action我哋就都豁出去。」

另外，明珠台下周亦推出「愛的季節」系列電影迎接情人節，分別是《非洲之旅》、《時光倒流七十年》、《星夢情深》、《星聲夢裡人》、《摘星奇緣》及《幸福入場券》。

往下看更多文章

香港探秘地圖｜「呆萌問題少女」倪嘉雯VS「精明忟薑」龔嘉欣爆笑捉姦晒超強喜感＋默契

靈異輕喜劇《鼎植口腔呈獻：香港探秘地圖》昨晚（5月27日）一集最大爆點，是「戀愛腦」秀儀（倪嘉雯Carmen飾）意外發現深愛的國豪（阮政鋒飾）竟已另有BB（莫韻諰飾），傷心欲絕的秀儀遂失神地四處遊蕩，遊吓遊吓竟遊至墳場…意外得悉秀儀出事的畢鳴（孔德賢飾）即時趕往開解…

傻更更Carmen VS精明龔嘉欣勁有Chemistry

昨晚的「搞笑擔當」，繼續落在Carmen身上，不過多了視后龔嘉欣「神同步」。為了「打倒小三」，秀儀與畢萍（龔嘉欣Katy飾）Part住上緊貼跟蹤淑貞（莊思明飾）丈夫張志強（莫家淦飾），二人期間多次出現「神同步」，包括步伐、表情及驚訝位；不過由於二人的「疑心度」及「醒目度」有差距，故夾得來又有不少矛盾衝突位，例如商量實質捉姦大計時，秀儀因欠缺經驗驚變問題少女，令畢萍不勝其煩，更搞笑的是，由於秀儀實在太長氣，最終二人還未商量好對策，志強已以行動證明不是去曳曳。而當發現搞錯後，嘉欣的精明不忿樣、配以Carmen的疑惑呆萌樣相當有喜感。

龔：「你話喇，日光日白一個男人上嚟呢啲地方做咩？

倪：「唔會啩？日光日白喎！

龔：「呢啲嘢邊有分日頭夜晚㗎！

倪：「正渣男嚟㗎！好彩我國豪正人君子咋，萍姐你話係唔係呀？

龔（即扯開話題）：「我唔知！我哋依家要上去捉姦！

倪：「但係呢，我未試過捉姦㗎喎，要點做呀？

龔：「一陣間上到去，我踢開度門，揭開張被，佢哋應該反應唔切，然後你攞部手機影低佢。

倪：「影個樣？男定女呀？

龔：「梗係兩個啦！」因為「零捉姦」經驗，驚驚青青的Carmen全程下刪三千字狂問嘉欣各式各樣問題，期間不斷「等陣先，萍姐」、「等陣先，萍姐」，被叫到不耐煩的龔嘉欣，最後忍不住：「又點呀？」豈料原來在二人「爭拗期間」，目標人物已經離開，相當之Gag。

其實昨晚嘉欣與Carmen的「一唱一和」場口俯拾皆是，而且全程極有默契及喜劇節奏，有網民直指同樣作短打打扮的二人，齊齊大晒長腿畫面勁有青春活力，加上二人不少角度都勁似樣，難怪獲封「探秘短打Twins」！

倪嘉雯冒雨喪跳「狐仙舞」獲網民大讚專業

另外，談到墳場場口，Carmen接受tvb.com獨家訪問時透露，倪媽媽事前有專誠為她求平安符保平安，她亦揚言起初收到劇本時「有啲怯」，但到正式拍攝時卻「怯意全消」：「其實都係自己嚇自己多，因為現場打晒燈，又好多工作人員同埋大部分係男性，陽氣好重，所以一啲都唔驚。」至於孔德賢Danny，談到拍攝誤踢骨灰罈場口時，亦有啲怯怯地：「我係第一次去墳場拍嘢，現場好黑同好靜，乜都睇唔到，所以都驚驚地。拍攝前拜神有做足，同埋我拍嗰陣都有不斷講唔好意思、唔好意思。」