由南豐紗廠與全新創作團隊「一齊玩」聯乘舉辦的「南豐紗廠Ｘ一齊玩：新春開局」第一屆【全港千人包剪揼大賽】，在過去的週末（2月7、8日）於南豐紗廠圓滿舉行，吸引近千名市民現場參與。大會特設的「藝人表演賽」亦成功掀起高潮，雲集16位人氣藝人化身猜拳選手，現場歡呼聲與笑聲不絕。
「南豐紗廠Ｘ一齊玩：新春開局」- 2月8日「全港千人包剪揼大賽」藝人表演賽
友誼賽 - Chloe So 蘇皓兒 VS Stone 林子峰
冠軍戰 - Chloe So 蘇皓兒 VS Sica 何洛瑤
比賽邀得多位人氣藝人參戰，除了香港包剪揼協會會長林子峰（Stone），更有包括Arvin曾傲棐、Feanna黃淑蔓、George歐鎮灝@P1X3L成員、German張文傑、Jessica陳苡臻、Rex曹星如、sica 何洛瑤、卡姐@FHProduction、床@JFFT、米爺@JFFT、夢@ Nodesk、程人富@小薯茄、林千渟、lagchun力臻、Larine鄧月平、Chloe So 蘇皓兒，眾星輪番上陣，以意想不到的策略和即場反應上演連場激戰。
點擊看圖輯
「南豐紗廠Ｘ一齊玩：新春開局」- 2月8日「全港千人包剪揼大賽」藝人表演賽
友誼賽 - Chloe So 蘇皓兒 VS Stone 林子峰
冠軍戰 - Chloe So 蘇皓兒 VS Sica 何洛瑤
全港007入子彈大賽
經過多輪淘汰賽後，冠軍賽Chloe同sica旗鼓相當，鬥得難分難解，玩到五比五，最終由Chloe奪得「藝人包剪揼王」冠軍，並於壓軸環節挑戰「包剪揼大王」Stone，掀起全場氣氛！Chloe以女人直覺出戰，最後不敵Stone，Stone六比三勝出，繼續蟬聯包剪揼冠軍寶座！
全港007入子彈大賽
「全港千人包剪揼大賽」同場亦舉行公開組對戰環節，公眾反應熱烈，大人小朋友齊齊參與，預熱農曆新年假日氣氛，享受集體遊戲的樂趣。「一齊玩」表示，希望透過輕鬆有趣的實體遊戲活動，於新春期間與眾同樂，為社區注入活力與正能量。
下個情人節週末（2月14日至15日），南豐紗廠與「一齊玩」將延續熱潮，舉行「全港007入子彈大賽」，另集一眾參賽者大玩經典兒時遊戲，考驗參加者反應、記憶及心理戰術。勝出者將與遊戲大王洪天明及一眾藝人同場競技，一決高下，爭奪成為「全港007神槍手」，更會獲得由加太賀提供的花之戀壽司！萬勿錯過！
24/7 FITNESS 榮幸宣布其屯門第五分店──大興花園店於今天（2月1日）正式開幕。作為全港最大的24小時健身室，佔地35,000呎，提供世界級健身設施與體驗。開幕典禮誠邀洪天明擔任主禮嘉賓，森美擔任大會司儀，其他嘉賓包括鄧智堅、潘紹聰、曾錦燊及香港首個體操亞運金牌得主石偉雄等，典禮更有舞龍舞獅助興，由24/7 Fitness 集團董事兼行政總裁 Ingrid Wong及集團股東 Ella Yeung 主持點睛儀式，寓意新店生意興隆、鴻圖大展！
有舞龍舞獅助興
24/7 FITNESS 宣布屯門第五分店開幕
24/7 Fitness 集團董事兼行政總裁 Ingrid Wong及集團股東 Ella Yeung 主持點睛儀式
24/7 Fitness 集團董事兼行政總裁 Ingrid Wong及集團股東 Ella Yeung 主持點睛儀式
鄧智堅擔任嘉賓
潘紹聰都有到
洪天明表示，從小到大都熱愛運動，一直有健身以確保健康，同時他亦以身作則，督促兩名兒子勤做運動，天明說：「13歲大仔（洪大仁）鍾意運動，最愛踢足球；10歲半細仔（洪竟稀）比較文靜，我都有鼓勵佢盡量揀自己鍾意嘅運動，佢話鍾意體操，當然冇問題，總之有運動就得！」雖然細仔個性偏靜，但反而喜歡唱歌，更渴望出鏡，對幕前興趣極濃，天明笑言：「有時叫細仔幫我拍啲短視頻，佢問我有冇對白，上年我喺橫店拍戲，佢都有客串一個角色，我覺得無所謂，譬如學校有表演，對佢以後可能做經理、CEO，開會都有幫助，正如我想做演員，老竇都支持唔干預，未來條路自己揀，最緊要有一定學業基礎，長大後想做咩都可以。」
洪天明表示，從小到大都熱愛運動
細仔喜歡唱歌，渴望出鏡
表示支持仔仔發展、唔干預
最近洪天明舉家移居深圳，一家四口適應情況十分理想，天明表示：「香港同內地生活各有好處，小朋友都適應咗，以前佢哋讀國際學校，而家想喺深圳讀中文好難追，本地學校入唔到，但好在搵到間內地國際學校，中文程度俾佢哋慢慢追上，我覺得中文係世界語言，市場愈來愈大，好多地方用得到！」談到與太太周家蔚的感情，天明坦言：「之前我喺內地工作多，成日唔喺香港，點解搬去內地？就係想我哋多啲喺埋一齊，但好奇怪，搬返內地，我嘅香港工作又多返，舊年先有《墨魚遊戲2》（被封為『遊戲大王』），跟住又有電影《尋秦記》，之後又有抽閃卡（『抽天明最高』）等好多話題，以前做好多野冇乜noise，所以做藝人都要睇天時地利人和。」
最近洪天明舉家移居深圳，一家四口適應情況十分理想
同樣熱愛運動的森美，去年偕三位朋友一同參加《HYROX香港賽2025》，今年計劃捲土重來，與中學同學參加二人賽，森美直言：「比賽完停咗操練，今年再參加，仲有幾個月可以練吓，以前靠自己試過拉胸拉傷條頸，而且未必搵到一間gym有咁齊全設施，呢度又有專業教練幫手，好適合！」森美並沒有特別期待獲獎，主要想挑戰自己：「以前俾兩個月乜都做到，年紀大咗就唔能夠太心急，好在我做好多保健代言人，朝早做facial，下午去痛症中心，第二日再健身，如果做埋健身中心代言人就慳唔少！」森美承認，健身室「誘惑」多多：「我好唔專心，叫住自己唔好掛住望，但我睇男仔唔睇女仔，每一舊肌肉都尊重，全部用時間心機去練，我嘅膊頭肌肉好細，好羨慕啲大隻佬，女仔就唔好意思喇！」
森美今年計劃捲土重來，參加HYROX二人賽
今年一定帶仔女去𢭃小儀利是
自小儀告別商台，森美轉與阿正、Elsie主持《Bad Girl大過佬》，他說已習慣與新拍檔合作：「年青人好叻，我喺佢哋身上有返動力，我做咗電台三十年，唔係有咁多魄力，好攰想退休，佢哋好似啦啦隊，不斷同我講『大哥加油』，否則我冇咁多動力，堅持每日做節目。」小儀剛宣布參演舞台劇，問到「森美小儀歌劇團」會否重現，森美透露：「睇我動力夠唔夠，小儀一直有演出，佢鍾意演戲，我就鍾意做搞手、導演、監製，一於我做幕後，佢做主角！」農曆新年將至，小儀剛榮陞人妻，森美會不會帶仔女向她𢭃利是？「係喎，冇諗過，你提醒咗我！咁多年小儀都問我攞利是，我都冇俾過，我鄉下規矩，唔派俾年紀大過我嘅人，但阮太（小儀媽咪）一直有俾利是我，今年起碼帶一對仔女去𢭃小儀利是！」
