社會事
日常生活中不乏生活智慧王，近日就有網友捕捉到一位巴士阿伯的「生活智慧」，一位巴士阿伯在搭巴士期間睇電話，但又並非睇電話咁簡單！
threads影片截圖
據該網友分享的相片可見，老伯用一條平平無奇的橡筋，將自己的手機牢牢綁定在巴士扶手與電線之間，成功為自己打造出一個「私人影院」，老伯可以解放雙手 ，悠然自得的在搭巴士途中欣賞影片，相片曝光，掀起網民熱議。
threads影片截圖
threads影片截圖
不少網民大讚伯伯「識諗」，而自製巴士頭等艙的老伯最令人欣賞的地方是，搭車途中他全程戴住耳機，完全未將聲浪外洩影響其他乘客。這個小小的舉動贏得一片掌聲，大家留言紛紛：「欣賞帶耳機，優質公民！」 、「值得尊敬，最鍾意呢啲老人家，戴耳機」、「肯用耳機打敗90%老人」、「阿伯識用橡筋，又唔嘈住人，俾個叻佢！」
如果一份工要日挨夜挨但人工得雞碎咁多，又無升職加薪的希望，此時難免會萌生「唔想返工」的念頭。日前有日連登仔發文表示「準備遞信嘅人」通常會出現3大徵兆，唔知你和身邊的同事有冇被講中呢？
「朝早返工慢慢行，趕都懶得趕」。AI生成圖片
1.遲到一於好少理
當一個打工仔已下定決心準備辭職，一朝早返工時難免拖慢腳步，施施然行返去。「朝早返工慢慢行，趕都懶得趕」、「綠燈眨緊由得佢，送車尾由得佢，電梯企右邊唔行」。
「所有task都死拖爛拖」。AI生成圖片
2.Deadline當睇唔到
有心機係公司做，就會想博表現，樣樣嘢都力求盡善盡美，老闆要求到的都盡量滿足。但當一有異心，即刻hea 做「所有task都死拖爛拖，拖到真係冇得唔做嘅時候先開始做」、「其他人追就心諗『關我X事』」。
「一收到上司message問任何問題都會即刻躁底」AI生成圖片
3.對公司要求都躁底回應
以前覺得老闆有要求，做下屬的有責任完成，現在去向已決，甚麼問題都覺得是無理要求「一收到上司message問任何問題都會即刻躁底」，更會心諗「X你用下個腦啦，問埋晒啲on X嘢」。
有網友表示「原來間公司有99%人想遞信」。AI生成圖片
帖文一出即引起一眾網民共鳴，除了以上特徵，還提供了不少其他徵兆，如「會議上唔會再同人爭拗」、「唔join公司啲大型活動」、「同同事團隊劃清界線」「日日遲到早退」等。不過有網民笑稱即時無諗走，但係已經係返到好似已「遞信嘅人」，「由第一日返工已經係咁」、「我未遞信都做緊」，有人更揚言「原來間公司有99%人想遞信」。
