打工仔「唔想撈」有3大徵兆？網友極有共鳴：我未遞信都做緊！

如果一份工要日挨夜挨但人工得雞碎咁多，又無升職加薪的希望，此時難免會萌生「唔想返工」的念頭。日前有日連登仔發文表示「準備遞信嘅人」通常會出現3大徵兆，唔知你和身邊的同事有冇被講中呢？

「朝早返工慢慢行，趕都懶得趕」。AI生成圖片

1.遲到一於好少理

當一個打工仔已下定決心準備辭職，一朝早返工時難免拖慢腳步，施施然行返去。「朝早返工慢慢行，趕都懶得趕」、「綠燈眨緊由得佢，送車尾由得佢，電梯企右邊唔行」。

「所有task都死拖爛拖」。AI生成圖片

2.Deadline當睇唔到

有心機係公司做，就會想博表現，樣樣嘢都力求盡善盡美，老闆要求到的都盡量滿足。但當一有異心，即刻hea 做「所有task都死拖爛拖，拖到真係冇得唔做嘅時候先開始做」、「其他人追就心諗『關我X事』」。

「一收到上司message問任何問題都會即刻躁底」AI生成圖片

3.對公司要求都躁底回應

以前覺得老闆有要求，做下屬的有責任完成，現在去向已決，甚麼問題都覺得是無理要求「一收到上司message問任何問題都會即刻躁底」，更會心諗「X你用下個腦啦，問埋晒啲on X嘢」。

有網友表示「原來間公司有99%人想遞信」。AI生成圖片

帖文一出即引起一眾網民共鳴，除了以上特徵，還提供了不少其他徵兆，如「會議上唔會再同人爭拗」、「唔join公司啲大型活動」、「同同事團隊劃清界線」「日日遲到早退」等。不過有網民笑稱即時無諗走，但係已經係返到好似已「遞信嘅人」，「由第一日返工已經係咁」、「我未遞信都做緊」，有人更揚言「原來間公司有99%人想遞信」。

2月14日為情人節，許多人期待浪漫脫單，但現實往往出人意料。有港男於社交平台Threads發文，分享公司內「最靚女同事」近日主動詢問他情人節當天是否有空。他興奮以為終於等到心儀對象的邀約，立即爽快回覆有空。豈料後續發展令他從雲端墜落谷底，場面極度尷尬。

樓主以為脫單機會降臨

樓主在Threads帖文表示，「最靚女同事」突然問道：「你情人節嗰日得閒嗎？」他滿心期待，毫不猶豫答：「當然得閒啦」。不料女同事接著說明原意，竟是希望與他「調更」，讓他瞬間尷尬到無地自容。

樓主以為脫單機會降臨。資料圖片

帖文引網民熱議

帖文曝光後，迅速引發網民熱烈討論，有人直呼「好灰」、「笑出聲」、「情，總是表錯的多」。不少人分享類似心酸經驗，認為這類誤會在情人節期間屢見不鮮，成為年度經典烏龍。

帖文引網民熱議。資料圖片

網民教路避免重蹈覆轍

有網民獻計如何巧妙回應，「你應該要先問佢咩事？」、「得閒唔等於要同佢調更，兩樣嘢嚟」、「叫佢請你食飯，食得開心咪調更。雖然大部份結果是她會搵第二個調！」、「調更就唔好啦！其他就可以」、「得閒唔代表冇其他嘢做。我得閒但係最近返工整個人burn out 想休息一下」。這些建議旨在讓人先探明對方意圖，避免一廂情願。

網民教路避免重蹈覆轍。資料圖片

網民分享類似經歷

亦有網民回憶自身遭遇，「我都試過1次去問個男同事，一陣食飯食幾點，佢好開心含羞答答咁應我：食12點。然後我：我想同你調食飯時間……我都有啲唔好意思，然後以後問人：我想同你調時間，你食幾點。」

網民分享類似經歷。資料圖片

另一網民分享：「諗起同朋友去睇電影，因為太多人買唔到一齊坐，分開上下兩個位，我隔籬坐一位男士，想佢同我朋友調位，我問：你係咪1個人睇電影啊，呢位男士好開心答我係，之後我問佢可唔可以同我朋友調位，呢位男士聽完面都黑晒，完全唔理我。」