紅館倒數！陳凱詠被指賣唔晒飛 高EQ回應獲網民激讚

出道8年的陳凱詠（Jace）即將於下星期年初二（18日）及年初三（19日），首次踏上紅館舞台，舉行首個《JACE WORLD》演唱會，演出正式進入最後倒數。然而，近日網上卻傳出門票銷情未如理想，甚至出現「滯銷」情況。

Jace即將於下星期年初二（18日）及年初三（19日）首次踏上紅館舞台

今次演唱會舞台設計相當破格，採用四面台形式，更成功爭取在紅館首設企位，務求拉近與歌迷距離。門票分為$1480 VIP、$1080、$880 及 $580 四個票價級別，誠意十足。不過，面對網民對銷情的質疑，Jace並未選擇逃避，而是在社交平台親自回應，態度真誠坦率。

Jace在社交平台親自回應，態度真誠坦率

她直言：「好多人話我滯銷，我理解。票房係現實，我唔會扮睇唔到，但我從來唔會只用數字定義成功同音樂。」她更強調，既然有幸踏上紅館這個殿堂級舞台，就一定會將所有資源放在最好嘅音樂、排舞、舞台效果同現場演出之上，用最高規格回饋觀眾。

Jace亦向粉絲真摯喊話：「如果你唔鍾意我，唔緊要；但如果你入場，我希望你會感受到我對呢個舞台嘅尊重同誠意。」短短一段說話，不少網民大讚她高EQ、夠真，認為她沒有粉飾太平，而是勇敢面對現實，同時堅持初心。

Jace話會面對現實，同時堅持初心

距離開騷只剩不足一星期，Jace仍全力投入綵排，力求為人生首個紅館舞台交出一場無愧於心的演出。票房如何，或許未必能定義成敗，但她選擇用實力與誠意，寫下屬於自己的紅館第一章。

Jace 摘下2025年叱咤樂壇女歌手銅獎

陳凱詠JACE首個個人紅館演唱會《JACE WORLD》將於2月18及19日（大年初二、初三）假紅磡香港體育館隆重舉行。為兌現與歌迷的約定，JACE全程親力親為參與製作，更成功爭取紅館史上首次開放企位區域，打破傳統座位界限，務求與觀眾零距離互動，一同投入最熾熱的音樂派對。

陳凱詠JACE

陳凱詠JACE

距離演唱會倒數一週，JACE正進入最後綵排衝刺階段。團隊不惜工本租借場地進行差不多一比一排練，務求反覆打磨演出做到最好。JACE直言為演出調整狀態多月，說：「我用咗好長時間調自己嘅狀態，希望可以盡量平靜、專注。呢幾個月好努力，越近演出越緊張，但係越緊張就越想練多啲。我覺得只要準備充足，到時就可以俾大家睇到一個好好睇嘅表演。」

陳凱詠JACE

陳凱詠JACE

為克服記歌詞的挑戰，JACE更自創跑步背詞法，事關她之前一直擔心記歌詞，這幾個月跑步就一邊跑一邊背住歌詞唱歌，並有信心無提詞機都唱到，說：「雖然提詞機喺邊我都未知，但我有信心，就算有提詞機都係俾大家一齊跟住唱嘅方法，我好歡迎觀眾同我一齊大合唱！」

談及嘉賓人選，JACE難掩興奮：「第一晚請到嘅嘉賓，係我估唔到自己會請到嘅——陳慧琳！細個聽佢嘅歌大，佢嘅舞台魅力可以帶動全場開party，我好期待同佢一齊喺台上跳舞！」而第二晚嘉賓網傳是她曾合作的林家謙，JACE說：「雖然大家可能估到，但我夠膽講，一定有驚喜！佢嘅演出部分好有誠意，程度係我都覺得『使唔使咁勁』？」

陳凱詠JACE

陳凱詠JACE

JACE透露演唱會歌單橫跨不同時期，包括舊公司作品及近年親自創作，期望透過音樂訴說自己的故事，以打造一個有唱跳、有深情慢歌，風格同以往紅館演唱會不一樣的演唱會。而適逢農曆新年期間開騷，JACE預告將與全場觀眾拜年，說：「年初二、初三同大家一齊開工，利是當然準備好！多謝台前幕後所有單位，呢個演唱會係好多人心血結晶。」她亦呼籲樂迷提早練習合唱，亦知道fans已經準備好螢光棒同應援物，好感謝fans陪她瘋狂，承諾會用最穩陣、最完美的演出報答大家，JACE約家大家紅館見！