孫慧雪晒靚相向大家拜年 粉色旗袍展凹凸有致好身材

43歲的「宅男女神」孫慧雪與「富二代」羅天彥（Edwin Lo）婚後先後誕下兩子，近年淡出電視圈轉型做KOL，同時親力親為湊仔，家庭工作兩不誤！雪雪雖然已為人妻人母，但保養得宜，樣貌與身材依然Keep得非常好，而且充滿少女味，今日（2月17日）大年初一，她就在社交平台分享一輯靚相向大家拜年！

孫慧雪一家四口。

孫慧雪在IG晒出一輯充滿節目氣氛的靚相，可見她穿上應節的粉紅色的旗袍，旗袍貼身的穿裁將其凹凸有致的好身材展露無遺，非常養眼！雪雪手上拿着揮春，並留言向大家拜年，「大除夕同大家拜個早年！新一年順風順水！馬到功成！馬年行好運！馬上發大達！」

孫慧雪IG圖片

孫慧雪IG圖片

孫慧雪IG圖片

孫慧雪IG圖片

孫慧雪IG圖片

孫慧雪IG圖片

近日人人都在回顧10年前的自己，孫慧雪亦不例外，出道10年的她分享她在事業、健康、家庭上的轉變，並期待下個10年。

她於IG寫道：「喺個個都回顧10年前之際，睇返10年前啲相，原來10年前，就係我出道10年，當年仲一年內拍咗10套劇。當中包括：幕後玩家、流氓皇帝、純熟意外、超能老豆、三個女人一個因等等等等！ 拍咗兩套電影，失戀日同我要發達！仲拍埋微電影，拍咗好多廣告，接咗好多Event，仲要自己做手作賺錢，發展埋我嘅KOL事業，仲出埋我人生第一本亦都係唯一一本嘅寫真《Once》！ 究竟我當時啲時間係點樣唧出嚟？好感謝當年一直好努力嘅自己！當年就係因為太努力，後來發現自己患咗腺肌症！同年，我先生求婚，跟住結婚，點知奇跡咁懷上咗Riley,而家仲有埋細佬Rian,所以我真係好感恩好感恩，亦好感恩呢10年嚟，身邊有好多好多疼錫我嘅人！到而家都一直喺我身邊！ 當年為咗自己好努力，10年後嘅我，仍然都好努力，不過呢份努力，係用嚟照顧自己嘅小朋友， 一樣係咁開心！仲有好大嘅滿足感同成就感。 期待下個10年！」