孫慧雪為大仔Riley慶祝9歲生日包場齊玩VR遊戲慶祝

娛圈事

孫慧雪為大仔Riley慶祝9歲生日包場齊玩VR遊戲慶祝

2026年06月08日 20:00 最後更新：21:48

43歲的孫慧雪（雪雪）於2016年與「富二代」羅天彥（Edwin Lo）結婚，婚後先後誕下兩子，一家四口生活幸福美滿！雪雪平日雖然工作忘碌，但身為「廿四孝媽媽」的她一有時間都會陪囝囝四圍去，對囝囝的生日亦非常上心，繼去年為大仔Riley大搞「魷魚遊戲」主題派對，今年她就包場大玩新潮VR遊戲慶祝！

雪雪在IG晒出為Riley慶祝9歲生日的照片，並透露雖然囝囝生日是在7月，但每年都會提早一個月慶祝的原因，「啱啱完成咗Riley哥哥，9歲嘅生日party，其實佢7月先9歲，不過我哋每年都會同佢提早一個月，同佢搞個同同學仔慶祝嘅生日party！因為佢哋6月中就放暑假啦～所以7月份會再約佢校外嘅朋友仔！」

點擊看圖輯

孫慧雪去年為大仔Riley大搞「魷魚遊戲」主題生日派對。

全家都玩得好開心。

可惜細仔2歲生日撞正10號風球，只好在家簡單慶祝。

孫慧雪IG圖片

更多相片

孫慧雪去年為大仔Riley大搞「魷魚遊戲」主題生日派對。

全家都玩得好開心。

可惜細仔2歲生日撞正10號風球，只好在家簡單慶祝。

孫慧雪IG圖片

View this post on Instagram

A post shared by Riley Lo (@little_riley_lo)

雪雪坦言去年籌備「魷魚遊戲」主題派對非常辛苦，所以今年就選擇搞VR派對，但同擔心小朋友年紀還小，會被VR超真實的畫面嚇哭，「好彩大家都好大膽，我哋嗰隊仲要玩埋stranger things（《怪奇物語》），阿媽我真係好攰，一如既往，啲嘢都係我媽媽呢邊book晒，爸爸係嚟出席。」

除了有好玩的活動，派對的食物和蛋糕都極具心思，雪雪精心準備了高質素的韓式到會，大人小朋友都食得津津有味，而生日蛋糕更投囝囝所好，準備了以人氣手機遊戲《Brawl Stars》（荒野亂鬥）為主題的生日蛋糕，成品非常精緻！

最後，雪雪多謝各位同學仔及爸爸媽媽參與，亦多謝大家的禮物，壽星仔Riley在派對後更甜絲絲地向她致謝，令她非常欣慰：「Riley夜晚同我講：『媽媽，今日好開心呀！Thank you媽媽！』佢真係大個仔啦！所以下年自己約人啦。」

往下看更多文章

孫慧雪生日蠟燭由30變44嚇到花容失色樂觀面對：人生有唔同階段

藝人孫慧雪（雪雪）昨日（7月11日）迎來44歲生日，她與老公、一對寶貝仔，以及工人姐姐一同去了酒店Staycation慶祝，雖然簡單，但雪雪都過了一個完美的生日！雪雪又在社交平台分享搞笑慶生影片，笑言：「44歲，嚇到我鼻孔擴張！」

影片中，雪雪面前擺着一個插着「30」字樣蠟燭的蛋糕，當她滿心歡喜準備許願時，身旁的友人突然取走「0」字，令蠟燭變成「34」，雖然霎時間年長了4歲令她非常震驚，但她還是收貨，然而友人之後更無情地將「3」字換上「4」字，變成「44」！踏入44歲的雪雪隨即被嚇到花容失色，雙手掩面陷入崩潰狀態，畫面相當搞笑！