古天樂拉宣萱開Live陪追《尋秦記》劇集 二人互窒互寸笑爆直播

電影《尋秦記》上映後票房已衝破9,000萬，趁著票房氣勢，製作單位更於賀歲檔期推出加長版「Plus+多元宇宙版」。TVB亦因應「尋秦熱」，於年初一晚開始重播劇集，由年初一起午夜時段重播，每晚連播兩集。

於賀歲檔期推出加長版「Plus+多元宇宙版」

昨晚大年初二，劇集正播到宣萱飾演的烏廷芳正式出場，識玩的古天樂拉埋宣萱開Live，陪住網民一齊煲劇，兩人真情互動＋爆笑鬥嘴，即時掀起集體回憶殺。

劇集正播到宣萱飾演的烏廷芳正式出場

識玩的古天樂拉埋宣萱開Live，陪住網民一齊煲劇

宣萱笑言自己最近已養成早睡習慣，卻被古生突如其來嘅邀請打亂作息，「睇完都兩點，返到屋企仲要落妝、沖涼、浸腳，搞到三點半先瞓得。」古生聽到「浸腳」即刻一臉問號，兩人即場交流養生之道，一邊睇劇一邊覆留言，氣氛就似朋友喺屋企一齊食住嘢煲劇咁，超貼地。

二人互窒互寸

直播期間，古天樂繼續發揮「金句王」本色，句句窒住宣萱，但宣萱亦毫不示弱，隨即反擊，來回過招火花十足。當網民瘋狂要求古生唱歌時，宣萱即時助攻：「你唱歌我跳舞！」古生無奈反問：「即係我唱咩你都跳嗰隻拜神舞？」宣萱即回敬：「乜你有第二隻舞咩？」一句KO，全場爆笑。

網民瘋狂要求古生唱歌時，宣萱即時助攻：「你唱歌我跳舞！

最終古生「屈服」獻唱《今期流行》，不過改用超慢motion版本，逐粒字慢慢彈出，搞到宣萱要配合做「定格舞」，逐格跳，畫面極度搞笑。宣萱事後更慶幸古生冇揀《男朋友》，笑言：「你唱我會喺後面摸你，大家一定睇得好開心。」全場笑翻。

最終古生「屈服」獻唱《今期流行》

宣萱要配合做「定格舞」，逐格跳

兩人超自然互動，瞬間將觀眾拉回25年前「項少龍＋烏廷芳」嘅黃金年代，網民一致大讚呢對CP真係無敵！

TVB全新選秀節目《魔音女團》日前進行面試，51位小花齊齊挑戰觀眾耳膜。2020年港姐、新「東張女神」麥詩晴（Ceci）以農夫《好彩分手》RAP爆鬧賤男，可惜表情太猙獰，即被網民截圖瘋傳，有人笑指「個樣好恐怖」，亦有粉絲力撐「加油Ceci」！

新「東張女神」麥詩晴（Ceci）參加《魔音女團》海選。

Rap到面容扭曲。

個樣好猙獰！

麥詩晴面試片段。

嚇親評判陳奐仁！

Ceci事後搞笑回應：「放心，平時唔鬧人嘅😂😂😂😂😂 但係一鬧人可以搵我！」自薦做「專業鬧人」，相當玩得。其實Ceci近日才因採訪古天樂獲讚穩重，如今再晒反差萌，成功搶盡焦點。

麥詩晴於2020年參選港姐入行，近幾個月加入《東張西望》大家庭，頻頻出動採訪娛樂活動。

其實麥詩晴近日才因採訪影帝古天樂獲讚穩重，與這次的「魔音」反差萌形成強烈對比。

當日麥詩晴更成功集郵，與古天樂、宣萱「頭貼頭」合照，古生更微微側傾向Ceci方向。

麥詩晴自薦做「專業鬧人」。