俗語云,高手往往隱於市井。近日,本港有大廈被發現「詩意標語」貼滿升降機大堂,隨即在網上瘋傳,引發網民讚嘆,大家紛紛想起經典喜劇《唐伯虎點秋香》中的韻腳風格。
保安變詩人昇華告示
樓主先前於社交平台Threads以「詩人管理員」為題,上傳多張「實Q文學」照片,並留言「搭一次電梯,令我人生好多反省……你又鍾意邊一段?#高手在民間#捨得太好忍唔住影低攞返屋企反省#被耽誤了做詩人嘅看更叔叔」。
保安變詩人昇華告示。當事人帖文截圖圖片
搭一次𨋢悟人生
照片中標語句句精鍊耐人尋味,例如「新𨋢要珍惜,按掣勿撞擊,做個責任人,安全有學識」、「夜闌人靜搬枱櫈,輕輕放吓要謹慎,跌落地面聲響亮,拖拉音調滋擾人,睡眠時間人平等,甜夢入睡到清晨」、「爐火煮食要小心,離開熄火要記緊」。
搭一次𨋢悟人生,當事人帖文截圖圖片
懷舊告示文化再現
網民被這份蘊藏於大堂的文藝氛圍深深打動,有人感慨「好有以前香港告示嘅感覺,值得欣賞。如果香港啲廣告有返呢啲句子就好嘞,起碼易明又易記」,也有人惋惜「感覺呢一種標語快要失傳,亦都係上一代嘅香港廣東話文化之一嚟」。
懷舊告示文化再現。當事人帖文截圖圖片
網友推測作者文學背景
面對這股意外的文學氣息,網友盛讚「勁有心機,feel(感受)到叔叔真心關心住戶」、「現今社會好需要平心靜氣來處事....這一段,看更大叔有意思」。
更有網友細察「每首詩都有押韻,作者有啲料到」,推測「有平仄又押韻,看更叔叔係唔係讀文學出身㗎」、「看更叔叔應該讀過下書,不過人浮於事才做看更」、「佢係咪標語比賽冠軍」。
直指好似《唐伯虎點秋香》劇情
《唐伯虎點秋香》劇照。網絡圖片
腦洞大開的網民更直呼「睇到,腦中突然響起周星馳套《唐伯虎點秋香》嘅節奏……個頭會不期然咁郁。」、「敲住木魚數白欖咁,勁啱beat(節奏)看更叔叔唔通就係迷途小書僮唐伯虎?」。