黃嘉雯為閨蜜結婚做姊妹 IG晒靚相被催婚

前港姐冠軍黃嘉雯（Carmaney）與瑞士籍男友Matej Tomic分手後，2023年被爆撻着富二代Jordon，二人愛得甜蜜，經常拍拖外遊。昨日（3月3日）元宵佳節，她在社交平台晒出早前做姊妹的靚相，隨即被網民催婚！

黃嘉雯在社交平台晒出早前做姊妹的靚相。

前工展小姐張殷慈早前舉行婚禮，身為閨蜜的黃嘉雯受邀做姊妹，她在IG晒出靚相，並留言：「年十五，元宵節快樂。很久沒有做過姊妹了，陪著你，見證好朋友找到自己的幸福，雖然過了一段時間，但都想沾沾新娘子的甜蜜喜運，祝福她新婚快樂，甜甜蜜蜜，願各位都能夠有情人終成眷屬。」

黃嘉雯IG圖片

黃嘉雯IG圖片

黃嘉雯IG圖片

黃嘉雯IG圖片

黃嘉雯IG圖片

黃嘉雯IG圖片

黃嘉雯IG圖片

黃嘉雯IG圖片

黃嘉雯IG圖片

由一班靚仔靚女倪嘉雯（Carmen）、廖慧儀（Jessica）、黃嘉雯（Carmaney）、伍倩彤（Gillian）、蔡景行（行仔）等主持的飲食節目《美食新聞報道》，本周一、二、四、五晚8點TVB Plus（82台）播映。

行仔帶Carmaney到尖沙嘴幫襯一間米芝蓮生煎包店。

店內每個包都保證足18摺。

Carmaney原意示範生煎包的吃法，卻食得捩𠾍。

行仔、Carmaney吃齊三款招牌生煎包。

今晚（4月30日）蔡景行（行仔）帶黃嘉雯（Carmaney）來到尖沙嘴幫襯一間上海生煎包店，此店巴閉處是連續兩年榮獲米芝蓮推薦，最高紀錄一日賣出5,000個生煎包。該店出品部總監蔣師傅表示每個生煎包都足18摺，務求做到超脆外皮及爆汁肉餡。店內生煎包提供多款口味，除招牌的原味外，還有黑松露、麻辣、鮮蝦及黃金蟹粉等多種選擇。二人共點了一式三款，Carmaney即場講解食生煎包的秘訣，她說︰「先咬穿一個窿，等裏面啲湯汁變涼，成個咬好易焫親。」當Carmaney正式食包時，由於爆汁程度超乎想像，令她吃起來有點捩𠾍，卻不忘大讚說︰「呢個包皮薄餡多。個底煎到好脆，面又夠薄，係我食過最好味嘅生煎包。」

暉哥跟地膽Ryan到荃灣搵食。

暉哥試第一道咖喱軟殼蟹已非常興奮。

二人吃完主食再點椰子雪糕。

另一邊廂，林映暉（暉哥）跟荃灣地膽 Ryan搵食，他作為老字號粉麵店的第三代傳人，對食自然有一定要求。Ryan話今次推介的泰國餐廳出品，水準比起九龍城的泰菜館絕不輸蝕。Ryan為暉哥點了泰式咖喱軟殼蟹配烤餅，暉哥試食後猛讚食材新鮮，咖喱汁更加不得了，她說︰「個汁濃稠適中、椰香撲鼻，配薄餅食更係一流，軟殼蟹又好鬆脆。」接下來的泰式燒豬頸肉飯吃落爽口，肉質紮實有油香，Ryan稱兩者相加就是「荃灣地膽套餐」，他笑著解釋︰「通常食豬頸肉，會食唔晒跟嘅飯，食軟殼蟹會淨係食晒薄餅，食唔晒個咖喱汁。呢個自製套餐就可以用咖喱汁撈白飯食，一啲都唔會嘥。」二人吃完這個完美配搭，追加一份椰子雪糕，令整頓飯局更加完美。