醫啲阿媽都唔知｜鄒重璂醫生為「肥膩嘢」平反 脂肪引致心臟病「兩者無因果關係」

由陸永夥拍黃嘉雯(Carmaney)主持的健康資訊節目《醫啲阿媽都唔知》，每集請來醫護相關專業人仕，從健康出發以輕鬆手法，認真討論與各人息息相關的日常健康話題，改正一些醫學認知的謬誤。節目逢周一、五晚9點半及周二、四晚9點35分於TVB Plus(82台)播映。

陸永、Carmaney、鄒醫生討論「動物脂肪」好壞。

陸永、Carmaney、鄒醫生討論「動物脂肪」好壞。

明晚（3月17日）一集主題為「肥膩嘢」，鄒重璂醫生為蒙冤多年的「脂肪」平反。主持人Carmaney自言注重飲食健康，所以會對肥膩食物敬而遠之，她說︰「一定唔會食，雞皮、豬腩肉肥膏都會切走。」即時被拍檔陸永潑冷水，指為「精準地錯」。鄒醫生解釋指一般人都有一份迷思，認為動物脂肪（飽和脂肪）是「壞事」，他說︰「佢哋認為食得多會增加心臟病、癌症機會，係好普遍睇法。呢啲結論好多都係靠觀察研究得出，咁樣只係睇到兩者嘅關連，但係兩者無因果關係。」他舉例說一個家庭假如有很多藏書，而小朋友學業成績傾向較好，兩者關連相當強，接住補充說︰「如果有家長聽到呢個消息，即刻去書局買500本書放係屋企，咁係咪得呢？答案係不是。『藏書多』同『小朋友好成績』之間只係一種關連，並唔係因果，呢類結論係屬於觀察研究。」

Carmaney根深柢固認定「脂肪」有害無益。

Carmaney根深柢固認定「脂肪」有害無益。

鄒醫生指出動物脂肪同動物蛋白提供人類必需的脂肪酸及胺基酸，同時油份令胃部蠕動減慢，降低升糖速度。同時提到豬油撈飯是古人智慧產物，他笑說︰「以前肉好貴，好多地方食唔到肉，所以用豬油代替。我成日都講有長遠飲食文化嘅民族，唔知點解佢哋會無端端做啱某些事，豬油撈飯就係好好例子。」他補充假如缺油會令人感到難受，影響人體飢餓中樞發出渴望的要求，動物脂肪對人體及身心都很重要。

鄒醫生為動物脂肪平反。

鄒醫生為動物脂肪平反。

由一班靚仔靚女倪嘉雯（Carmen）、廖慧儀（Jessica）、黃嘉雯（Carmaney）、伍倩彤（Gillian）、蔡景行（行仔）等主持的飲食節目《美食新聞報道》，本周一、二、四、五晚8點TVB Plus（82台）播映。

行仔帶Carmaney到尖沙嘴幫襯一間米芝蓮生煎包店。

店內每個包都保證足18摺。

Carmaney原意示範生煎包的吃法，卻食得捩𠾍。

行仔、Carmaney吃齊三款招牌生煎包。

今晚（4月30日）蔡景行（行仔）帶黃嘉雯（Carmaney）來到尖沙嘴幫襯一間上海生煎包店，此店巴閉處是連續兩年榮獲米芝蓮推薦，最高紀錄一日賣出5,000個生煎包。該店出品部總監蔣師傅表示每個生煎包都足18摺，務求做到超脆外皮及爆汁肉餡。店內生煎包提供多款口味，除招牌的原味外，還有黑松露、麻辣、鮮蝦及黃金蟹粉等多種選擇。二人共點了一式三款，Carmaney即場講解食生煎包的秘訣，她說︰「先咬穿一個窿，等裏面啲湯汁變涼，成個咬好易焫親。」當Carmaney正式食包時，由於爆汁程度超乎想像，令她吃起來有點捩𠾍，卻不忘大讚說︰「呢個包皮薄餡多。個底煎到好脆，面又夠薄，係我食過最好味嘅生煎包。」

暉哥跟地膽Ryan到荃灣搵食。

暉哥試第一道咖喱軟殼蟹已非常興奮。

二人吃完主食再點椰子雪糕。

另一邊廂，林映暉（暉哥）跟荃灣地膽 Ryan搵食，他作為老字號粉麵店的第三代傳人，對食自然有一定要求。Ryan話今次推介的泰國餐廳出品，水準比起九龍城的泰菜館絕不輸蝕。Ryan為暉哥點了泰式咖喱軟殼蟹配烤餅，暉哥試食後猛讚食材新鮮，咖喱汁更加不得了，她說︰「個汁濃稠適中、椰香撲鼻，配薄餅食更係一流，軟殼蟹又好鬆脆。」接下來的泰式燒豬頸肉飯吃落爽口，肉質紮實有油香，Ryan稱兩者相加就是「荃灣地膽套餐」，他笑著解釋︰「通常食豬頸肉，會食唔晒跟嘅飯，食軟殼蟹會淨係食晒薄餅，食唔晒個咖喱汁。呢個自製套餐就可以用咖喱汁撈白飯食，一啲都唔會嘥。」二人吃完這個完美配搭，追加一份椰子雪糕，令整頓飯局更加完美。