吳忻熹獲好姊妹舉辦生前追思會 彭秀慧：希望你快樂

51歲前港姐吳忻熹（原名吳文忻）患有乳癌第4期，雖然積極治療，但抗癌路絕並不易行，日前接受訪問時透露病情反覆，胸前更流膿發出酸餿臭味，令她感到與死神極度接近。然而，她身邊一直有一班好姊妹陪伴和支持，並為她舉辦生前追思會，令她深受感動。

吳忻熹獲一班好姊妹舉辦生前追思會。

彭秀慧IG圖片

彭秀慧IG圖片

與吳忻熹從6歲就認識的彭秀慧（Kearen）就在IG晒出多張生前追思會的照片，可見眾人在酒店海景房相聚，房間擺滿心型氣球，還有一幅七位好姊妹為吳忻熹從繪畫滿鮮花、寫上「Friendship Forever」的畫作，聚人手挽手擁抱、眼中學舊照，畫面充滿愛！

原來彭秀慧與吳忻熹從自6歲就認識。

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧留言吳忻熹為舉辦生前追思會的動機很簡單，「希望你快樂，回報就是，大家都很快樂，Friendship Forever」，她又表示：「多久沒有隨隨便便圍在一起，看看照片、說說舊事，微笑、大笑、一起笑，這麼簡單，這麼快樂。我想可以引以為傲的，應該是發黃相簿內的臉孔，今天還在身邊，我在、妳在、大家在，連中學老師Mr Chien和Miss Lam千里送蛋糕，他們都在 ！」吳忻熹亦感動回覆：「謝謝你們的每一份愛，真的很感恩！很有力量！I love u all! 」

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

彭秀慧IG圖片

由風車草劇團主辦《回憶的味道》將於2026年8月6至16日假西灣河文娛中心劇院首度公演，這是風車草繼《回憶的香港》後，相隔7年由原班人馬製作，梁祖堯、湯駿業、邵美君及彭秀慧攜手演出的全新劇目。

梁祖堯

彭秀慧

邵美君

湯駿業

七年前，5位不同領域的專業設計師，與4位演員經過半年的資料搜集、人物訪談及公開工作坊，以參與式劇場形式，跟觀眾一同重溫及探討關於香港今天與明天的「回憶」，創造屬於我們的《回憶的香港》。七年後，原班人馬將會走訪香港各區，創造出《回憶的味道》。今次《回憶的味道》同樣通過大量深度遊及訪問，由香港庶民飲食文化作為切入點，上至名廚傳統精緻手工粵菜，遠至沙頭角客家村盆菜，近至我們每個人心目中最懷念的嫲嫲手工菜等等，然後將會以劇場方式，以獨立章節呈現出一種難以言喻又溫暖的「回憶的味道」。

《回憶的味道》將於8月6至16日假西灣河文娛中心劇院首度公演

《回憶的味道》將於8月6至16日假西灣河文娛中心劇院首度公演

在記者會上，幾位演員：梁祖堯、湯駿業（AhDee）、邵美君及彭秀慧（Kearen）均現身說法，談及7年後再次創作系列作品《回憶的味道》的因由時，阿祖道：「上次回憶的香港係一個自肥嘅計劃，嗰陣純粹係演員同幾位創作人想叉電，同埋想重新連結呢個地方，所以有《回憶的香港》。一直好想再做part 2， 最近時機成熟，大家有期，又搵到西灣河文娛中心劇院，所以就去馬。」AhDee亦補充道：「做《回憶的香港》時其實都搜集咗好多材料，特別係講到食，大家就癲咗，好多嘢想講，所以再做同系列嘅時候，就決定做《回憶的味道》，因為當提起一種食物嘅時候，會諗起同邊個食，發生乜嘢事，入面可以有好多故事。同埋做資料搜集嘅時候，發現好多家族食譜，再加上好多唔同小店嘅故事，都同我哋息息相關，所以我哋雖然由食物開始，但整個劇場都會同我哋呢個香港有關。」阿君亦道：「味道有好多種，但背後嘅故事，無論如何都係甜嘅，因為好嘅嘢先會留喺個心嗰度，同埋會想將美味傳遞開去。」今次Kearen再次跟風車草合作，她表示會送上「滋味」，她笑言：「這些滋味來自我們共同的回憶，因為我們成長年代太近了，雖然住在不同地區，有唔同背景，但大家都會有各自家庭裡成長嘅味道，我嘅加入會更豐富味道嘅層次。」

提及今次《回憶的味道》內的好玩元素，AhDee即坦白表示：「呢個show講明自肥，一定會做一啲自己開心嘅嘢。我哋前期討論嘅時候，已經諗到好多同食物有關又有趣嘅歌曲，到時要同大家分享。」阿祖亦道：「到時我會喺台上面下廚，大家喺劇場入面就會聽到爆鑊聲，亦會聞到啲香味，包保你會有生理反應，流晒口水。」AhDee更揚言，屆時或會呈現劇迷提供的家傳食譜，並邀請觀眾上台即時品嚐美食，絕對是一個沉浸式參與的舞台劇。阿祖揚言：「我有信心可以將劇迷提供嘅食譜重現眼前。」

其實回憶的味道可以是你我最有共鳴的好味道，但亦可以是自己才會體會的五感回憶，幾位演員今日亦在台上說起自己最難忘的香港味道。

彭秀慧：我會諗起媽媽煮嘅蛋角，媽媽會用湯勺，喺石油氣爐頭上面嘅火上面燒熱個湯勺，再將蛋漿及其他材料輪流倒入湯勺煮成蛋角，再放湯去食，我冇見過其他人做，係因為呢個show我先諗起媽媽做過呢個菜式，細個可能唔識珍惜，但而家好想整返。

邵美君：我有八兄弟姐妹，屋企好窮，但媽媽會成日突然煲當歸雞蛋糖水，嗰陣覺得好臭好憎，但大個先知原來好補身，嗰陣好唔鍾意，但大個先知道原來媽媽以前用最簡單嘅方法去令自己身體好，佢咁辛苦湊大我哋，但會用呢個方法養生，好偉大。

湯駿業：我媽每逢過年過節，特別年卅晚，一定會煮一個南乳炆齋，佢係花咗好多心機去煮，比起平時食飯，更加係未試過咁足料同埋咁多南乳咁惹味，平時食飯一碗飯就飽，但有南乳炆齋，我可以食兩碗，甚至再添都得。

梁祖堯：呢刻我會諗起煲仔飯，因為我小學時候嘅早餐，冬天寒流襲港，我公公會朝早煮好煲仔飯，我就睇住電視食。有時會有臘腸、排骨，愈凍啲食材就愈肥，所以有時會有臘肉，食完成身暖晒，我可以就咁著冷背心就返學。因為公公嘅門檻太高，所以而家坊間嘅煲仔食我都覺得唔夠好味。

聽到幾位演員的分享，不但令人垂涎三尺，更急不及待要在劇場一同品嚐《回憶的味道》這齣色香味俱全的劇作。