臥底嬌娃｜白彪Betty假髮＋腰果紋圍巾演回本尊年青版造型 大AL演「任性諸事失智老人」可愛到極

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的全新輕鬆動作喜劇《X Wallet 呈獻：臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

呢吓拋汽水好身手呀！

白彪寶刀未老。

昨晚（3月6日）一集《臥底嬌娃》，劇情講述現職劉寶儀（鍾柔美飾）貼身保鑣的
妙姿（陳瀅飾），陪寶儀到老人院探望叔公大韋（張武孝大AL飾）時，得知學年（白彪飾）與劉彪（關禮傑）當年為爭邦妮（邵美琪飾）結怨，並發現大韋疑有腦退化症，兼似受制於學年。另邊廂，奕風潛入老人院時，發現索帕（吳子冲飾）與學年暗中會面，推測學年是其上線，粉精靈的源頭之謎可謂越揭越複雜。

白彪呢個年青版look太好笑。

關禮傑年青版就由黃奕斌演出。

陳瀅邊出拳邊晒拋橙汁汽水功架盡顯打女潛能
昨晚，兩位金牌綠葉白彪及大AL都有相當好的發揮。先說憑《香港愛情故事》榮獲「最佳男配角」的白彪，在70年代紅極一時的他，既是《射鵰英雄傳》的第一代「郭靖」、亦是少數演員曾三次飾演「郭靖」一角；曾演出超過百部動作電影的白彪，曾任替身及動作／武術指導，本身亦懂得國術、西洋拳、泰拳及跆拳道，無論體能或是反應均是頂級。現年79歲的白彪，近年已甚少在螢光幕前大獻身手，但昨晚卻在《臥底嬌娃》中，與陳瀅上演了一場「拳來拳往」的橙汁汽水之爭，全程功架十足，出拳有風，寶刀未老。至於近日被熱捧為「新一代打女」的陳瀅，無論打拳功架或是反應均絕對一流，尤其邊對打邊拋橙汁動作相當流暢，前途無限！

揭白彪親身演回年青版背後真實原因
白彪昨晚另一經典位，是真身上陣演回學年的年青版，戴上經典卡通人物Betty假髮配賊仔帽、頸繫腰果花紋紅絲巾、再加上年代感十足的漸變格仔恤衫加牛仔背心，造型搶眼又有喜感，成為全晚焦點。更啜核的是，白彪之所以要親身演回年青版，其實全因劇情需要，話說力撐學年／白彪的大韋／大AL，為了提醒Bonnie/邵美琪當年揀劉彪／關禮傑走寶，說了一句：「真人同相爭咁遠架（寸劉彪老咗），我哋阿年就唔同喇，Keep得幾好呀，呢幾十年好似冇老過咁呀，Bonnie，你有冇後悔呀？」將搞笑劇情推向高峯。

到底白彪係咪真係呃緊大AL呢？佢係咁叫佢簽嘢。

大AL呢位失智老人矇懂得嚟又有啲瘋癲，癲得嚟又有啲任性同童真，好正。

仲要係八卦佬，而且啲唔惡嘅啤啤槓眼神好正。

大AL角色藏極大謎團
至於近年與方駿釗合作無間、以「豆沙喉」馳名的大AL，繼之前憑《巾幗梟雄之懸崖》中的瘋癲股神晒變臉演技成功彈出，今次再在《臥底嬌娃》中演活任性諸事「可愛失智老人」。昨晚最出色一幕，是當寶儀／Yumi前往探望大AL時，大AL突然扭計要飲汽水，大AL先像小朋友般𨂽晒地扭計：「寶儀呀，你又帶漏咗嘢畀叔公喇。」之後當Yumi表示買汽水給他時，大AL即展現恍如小朋友的單純燦爛笑容、仲要開心到拍晒手，之後即使對白不是落在大AL身上，大AL仍入戲十足地繼續細細聲開心謂：「好嘢，有嘢飲呀。」相當相當可愛
。
除了飲汽水，大AL無論與白彪咬耳仔講關禮傑壞話、認錯Yumi做Maggie等不同場口亦是喜感滿滿，為了配合人設，Keep住流露出懵懵懂懂的狀態，令觀眾百分百投入。不過由於大AL偶爾亦有流露銳利眼神，加上馬貫東等人亦懷疑他腦退化的真實性，令卡大韋這個角色更見神秘！

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，昨晚播出大結局。

李海銅

《臥底嬌娃》昨晚（3月27日）播出的大結局既緊張又感人，劇情講述奕風（馬貫東飾）幾經辛苦，找到蘇嘉盈（李海銅飾）死前留下的錄音頸鍊，終得悉殺死嘉盈真兇是權世豪（杜燕歌飾）；由於嘉盈死得太慘太冤枉，奕風理智盡失，辭去警察職務之餘，還出盡辦法揪出權世豪進行私刑…幸好危急關頭，奕風想起嫲嫲昔日教誨「你要做好事，唔好做壞事」，才未有殺死權世豪，權世豪最後亦得到應有制裁。

其實權世豪之所以對嘉盈對現殺機，除想逼出嘉盈講出製毒幕後Big Boss、還因誤會嘉盈是劉彪（關禮傑飾）派往阿風身邊收風的臥底；在一輪打鬥及追逐下，暴走的權世豪對嘉盈拳打腳踢後、將大量毒品灌入嘉盈口，最終嘉盈因overdose墮樓慘死！昨晚這一幕，飾演嘉盈的李海銅演技再獲激讚，首先在被灌藥一幕，李海銅放下「藝訓班班花」身段，完美演繹出口吐白沫的overdose狀態，為求真實任由口水絲掛在嘴邊之餘，又不斷反眼代入狀態，相當專業兼演繹自然。

李海銅

李海銅

談到場口，李海銅接受官方專訪時，坦認嘴邊白沫並非道具，而是她自己的「真口水」：「劇組係用咗啲糖溝埋啲粉紅色嘅鹽去畀我服食，為求逼真，我同燕哥夾好咗要實做唔借位」、「到咗真係action嗰吓，我真係濁親，我畀啲鹽濁咗上個鼻度，所以嗰個流口水反應其實係真架，嗰吓我真係好想嘔同咳。我仲記得之後我呻鼻涕，真係呻番啲鹽出嚟。」問到部分場口吊住口水拍攝會否擔心影響靚樣，李海銅專業謂：「外表其實係其次，最緊要觀眾感受到我角色嗰吓嘅辛苦同痛，所以流口水都由得佢喇。但都希望大家唔好介意我咁核突，因為口水加咗鹽之後會起泡，我只係想澄清番我唔係𦧲痰，現場有Cam Man笑我亂𦧲痰，我猛話真係唔係，好好笑。」

李海銅坦言與蘇嘉盈混為一體
李海銅還感激杜燕歌在現場的百般照顧及體貼，並感恩劇中對手馬貫東、陳瀅及杜燕歌都很照顧自己：「因為權世豪個角色本身好多accessories，但因為燕哥知道呢場同我好多動作戲，所以佢一早就拆晒啲戒指、手鍊，仲剪晒指甲，驚整傷我」、「佢仲有教點樣OD會像真啲，因為嗰吓我唔可以清醒，但又唔可以太口齒不清，都有啲難度」、「喺呢度再次好多謝陳瀅、馬貫東同杜燕歌全部都好照顧我，呢套劇真係每個人都教識咗我好多嘢。」談到有網民以「蘇嘉盈」稱呼李海銅，李海銅笑言很歡迎：「因為蘇嘉盈已經等於李海銅，李海銅都等於蘇嘉盈。我係用李海銅嘅視覺去理解蘇嘉盈呢個人，所以其實蘇嘉盈都係李海銅嘅世界觀。」

李海銅

李海銅

而該幕的劇情亦相當震撼，即使自己死到臨頭，嘉盈依然掂記著阿風，除竭力留下「死亡線索」希望協助阿風破案，為免權世豪起疑心，嘉盈於臨死前用盡最後的力氣力證阿風對所有事不知情：「我老細叫我埋潘奕風身攞你料呀，但個傻仔咩都唔肯同我講呀，我唔明點解佢要對你咁忠心呀，我蠢呀，我鍾意咗佢呀…」對白再加上李海銅到位的演繹，場口煞是動容。

由於仍算是新人的李海銅在《臥底》中由頭帶到落尾、並因而人氣急升，問監製方駿釗當初為何會睇中李海銅時，他笑言「完全憑感覺」：「最重要都係氣質，我成日覺得氣質同角色係匹配嘅話，就會事半功倍。」