姚正菁《大AL的音樂歷程》演唱會首度獻唱 林寶玉自製Fans牌成焦點

由新世界娛樂呈獻《大AL的音樂歷程》演唱會日前在數碼港商場中央表演場舉行，圈中不少好友出席支持，而林寶玉、姚正菁除撐場外，菁菁更首度公開獻唱，寶玉自製Fans牌成為今次演唱會焦點！

《大AL的音樂歷程》演唱會日前在數碼港商場中央表演場舉行。

姚正菁首度公開獻唱。

大AL上台時，好友台下不斷歡呼拍掌，一連唱出多首金曲《Golden Slumber》、《 One day》等，台下觀眾掌聲如雷，氣氛非常熱烈。騷後大AL都感謝各方好友支持舉行個唱：「全靠今次主辦 Sam 哥、資深音樂人粉哥精心製作及策劃，得到多方好有鼎力支持！特別係菁菁做嘉賓，真係估唔到佢初達台版表現非常出色、唱得咁好，除咗演戲之外唱歌都非常了得！其實去到依家呢啲年紀，開騷都似係朋友聚會，大家見吓面重要啲！」

姚正菁

早前透露正上堂學唱歌嘅姚正菁，當日狀態滿分，首度公開獻唱《親密愛人》成為全場焦點：「出場前我緊張到震晒，我都好擔心唔知大家咩反應，依家感受到上台嘅樂趣，我應該會更加鍾意唱歌，亦都明白老師之前教我嘅小技巧！我問寶玉畀幾多分我，佢懶神秘唔講，不過要經理人夠嚴格先有進步嘅空間！」

寶玉為菁菁自製Fans牌。

而同場的林寶玉就表示早前二人前往新加坡拍攝，為即將派台新歌拍封面照：「我都乘機影啲靚相，因為其實我稍後時間會經理人、藝人兩邊走，不過詳情就梗係賣個關子先，所以我都要準備做運動，準備以最佳狀態去見人！」佢就話呢日姚正菁表演超出佢預料之外，大讚對方係「被愛情耽誤」嘅歌手。

林寶玉、姚正菁

由新世界娛樂有限公司呈獻《大AL的音樂歷程》演唱會將於8月21日在數碼港商場中央表演場舉行，為隆重其事大AL張武孝日前舉行記者會，圈中不少好友出席支持，包括盧海鵬、夏韶聲、陳友、鄭子誠、謝雪心、姚正菁等等！

大AL為《大AL的音樂歷程》演唱會舉行記者會。

大AL上台時，好友台下不斷歡呼拍掌，陳友更不時高呼演唱會日期和地點，認真夠老友！大AL表示新場地開個唱，笑言屬「熱身騷」沒賣飛壓力：「加場要睇場地有冇期畀我，依家我只係想享受舞台，做自己想做嘅事。陳友呢個係好兄弟，我未諗要佢幫手啲咩，我哋係好朋友成日去佢屋企食飯。」

大AL、盧海鵬

大AL表示依家屋企練功，笑言係「氣功歌手」：「因為我而家唱歌會同屋企人講『你哋去行街，我練氣功啦！』，其實唱歌都係練氣功嘅！」

大AL、謝雪心

同場的姚正菁就自爆在大AL個唱「首唱」，依家充滿壓力日日練歌：「我依家日日都搵韋綺珊學唱歌，老師都話我有進步嘅，不過要上舞台都係有啲啲驚，幾十歲人唔好理咁多啦，享受吓做新人嘅感覺，希望大家到時係掌聲唔係『柴台』啦！」

姚正菁、林寶玉