林寶玉早前帶姚正菁到米蘭時裝周睇騷，日前菁菁網上貼圖爆出踏上當地天橋做Model，呢次復出第一擊認真威水！姚正菁為泰國品牌在米蘭時裝周做Model，為今次表演刻意減磅，用最佳狀態出場，呢日佢身穿紫色泰國民族服亮相，不少觀眾以為她是泰國華僑，為服裝增添色彩：「 真係發夢都冇諗過會做模特兒，仲要走上國際時裝周嘅天橋， 絕對係最難忘嘅經驗之一。」
姚正菁、林寶玉
姚正菁作為「模特兒」界新人，她笑稱拉高全騷「平均年齡」：「我要多謝經理人林寶玉同埋主辦方肯畀個機會我嘗試，我見到身邊好多模特兒都係年輕嘅小妹妹，得我一個係呢個年紀嘅新人，難免都會有啲緊張，後來主辦方同我講，我散發嘅女人味係後生Model搵唔到嘅，所以證明『發夢』同年紀無關，最緊要把握每一次機會。」
姚正菁
經過今次「做Model」後，姚正菁萌生進軍時裝界的念頭：「我今次真係好興奮，想喺時裝界繼續發展，因為我覺得冇嘢係冇可能。今次行show我都擺咗個大烏龍，因為綵排嘅場地比會場細，我一路掛住『表情管理』冇細心聽書，原來會場嘅Runway有成150米長，我行咗一半就已經掉頭走，真係超級尷尬！呢次算係我一個小遺憾，希望未來有其他機會可以再行show，完完整整咁樣行晒成個天橋！」
姚正菁
姚正菁
林寶玉、姚正菁日前遠赴意大利米蘭，參加Anteprima時裝周活動，二人到埗後更立即到米蘭主教座堂 (Duomo di Milano)打卡。林寶玉表示近年多參加時裝周活動，今年獲數個品牌邀請出席活動，更有計劃進軍時裝界：「其實我都係時裝周『新人』，嚟緊會製作介紹時裝、紅地毯禮儀，好多品牌嘅朋友都支持我，所以都發邀請信畀我，但作為經理人梗係要帶埋菁菁一齊觀摩。」
林寶玉與姚正菁日前遠赴意大利米蘭參加Anteprima時裝周，到埗即到米蘭主教座堂打卡。
呢次遠赴米蘭除參加時裝周活動外，二人亦身負「重任」，寶玉雖然身穿品牌型格服飾，但係佢一啲都唔錫身，更化身攝影師不停瘋狂影相：「因為菁菁嘅新歌派台在即，我要幫佢影好多嘅相做宣傳， 所以無時無刻佢都要做我嘅Model，完全冇得放鬆。今次呢個Trip畀人『抄牌』邀請我拍廣告，起初我都以為係搵藉口識女仔，加上要趕住睇騷交換完卡片就走，後來佢真係店舖員工，送咗好多小禮物畀我同工作人員，但唔知拍廣告係唔係真啦。」
林寶玉化身攝影師為姚正菁拍攝新歌宣傳照，更自爆被當地店舖員工「抄牌」邀請拍廣告，獲贈小禮物。
姚正菁坦言參加時裝周大開眼界：「80年代只有阿姐級數可以去外國Fashion Week，估唔到幾十年後經理人幫我圓夢。」
她為此戒口一星期才穿得下時裝界標準尺碼，又在機場巧遇內地影星檀健次，趁機追星一睹風采。
不過姚正菁反而非常享受「工作模式」，表示參加時裝周令自己大開眼界：「我哋舊時邊度有呢啲活動參加，80年代淨係阿姐嗰啲級數可以去外國Fashion week 㗎咋，我哋淨係可以喺雜誌流口水！真係估唔到，幾十年之後經理人幫我圓夢。為咗今次米蘭之旅，我戒咗口成個星期先著到時裝界『標準』size，終於明白我同『瘦』係有幾大嘅距離！」一向鍾愛「小鮮肉」的姚正菁機場巧遇內地影星檀健次，雖然行程趕急但仍想追星一睹風采，認真瘋狂！
林寶玉與姚正菁日前遠赴意大利米蘭參加Anteprima時裝周，到埗即到米蘭主教座堂打卡。
