鹹魚肉餅豬仔包｜Manson從小朋友身上獲啟發 Yinhei大讚台前幕後應變力強全員團結做好表演

原創慈善音樂劇《鹹魚肉餅豬仔包》近日於戲曲中心大劇院上演，演員們落力的演出獲得不少好評。「說書人」張進翹（Manson）、「言希」陳彥羲（Yinhei）今次均有亮眼表演，並分別於騷後分享感受。

張進翹（Manson）

《鹹魚肉餅豬仔包》

《鹹魚肉餅豬仔包》

張進翹、陳彥羲、鄧家杰

（左起）陳諾霆、張進翹、蘇芷晴、鄧家杰、陳彥羲

張進翹（Manson）表示：「透過呢個Show識咗大班唔同界別嘅人士，包括小朋友、中學生......我覺得其實共融第一樣嘢係先唔好Label好對方係咩人，好多時我哋有個概念係『佢係小朋友我哋就要教佢』，但其實反而有時小朋友咁純粹或者佢哋去Handle事情嘅嗰種直接反而令我更有啟發性，所以我覺得呢個Show係好嘅，就係每個人都無私咁分享自己識嘅愛、感受，一齊哭、一齊笑、一齊擁抱、一齊渡過啲難關，係今次成個Show最寶貴嘅。」他又分享：「第一次咁勤力去學一啲歌，要背到滾瓜爛熟，再加埋跳舞，又要一路唱又做戲，個難度真係好高。」

他透露推出新歌《Soul Beautiful》，「之前寫嘅，終於可以喺·今年春天推出，呢隻歌係關於靈魂，一首情歌嚟嘅。MV內排了一段舞，再放入去。主題都係關於我心愛嘅香港，比喻呢個城市係我心愛嘅人，今次同《鄰居的鄰居》嘅阿Blue合作。」

陳彥羲（Yinhei）覺得今次是一個很特別的經歷，「唔止係排練過程同平時做舞台劇嘅方式唔同，入台之後嘅經歷都係好新鮮。最犀利嘅就係所有演員、台前幕後嘅應變都好犀利，佢哋都好好咁配合到成件事發生，先至會做到𠵱家台面嘅表演。」

他繼續說：「呢種隨機應變嘅經歷同埋大家不斷Adapt 新嘅經歷，我哋有一個好團結一致想做好件事嘅心，所以我覺得我哋台前幕後表演者同輔助嘅人員都好有一個想做好呢個Show嘅心，而呢個力量係會化做一個好好嘅舞台表演出嚟。」

原創慈善音樂劇《鹹魚肉餅豬仔包》近日於戲曲中心大劇院上演，吸引不少網民熱議，以「蘇小叻」之名參演的蘇芷晴（So Ching）首度演岀舞台劇並擔正飾演Anna一角，而男主角阿魚則由鄧家杰（Kakit）首次擔正演出，獲得不少好評。

（左起）陳諾霆、張進翹、蘇芷晴、鄧家杰、陳彥羲

So Ching與Kakit為《鹹魚肉餅豬仔包》的男女主角

演員們演出落力

演員們演出落力

演員們演出落力

首次擔正男主角的鄧家杰（Kakit）坦言今次責任很重大，「好想每一日都做到最好嘅一面，好想呈現畀觀眾睇到自己最好嘅一面，好想好想帶領住全部表演者，用最大嘅Energy去Share 個愛、Share個 Energy，令大家齊上齊落。」他續說：「每一個表演者都唔係孤單，令觀眾接收到我哋嘅Energy、我哋嘅表演慾、我哋嘅愛、我哋嘅Message，呢個係我最想達到嘅目標。」

對於義演，他表示有車馬費，並謂：「如果你為錢去做一個作品出嚟，咁就唔係作品，係一個工作、一個Job，但如果你想做一件藝術品，要去Work一樣嘢出嚟。無論幾多錢或冇錢你都好想做，今次就係好想做一件作品，而唔係做一個Job，我嘅心態係咁。」

So Ching首次參演舞台劇，於《鹹魚肉餅豬仔包》飾演女主角Anna，而其場刊上的名字則為「蘇小叻」。