臥底嬌娃｜何廣沛驚喜客串演「色色保安」表情勁Cutie 張曦雯「最完美Body戰衣」全面睇

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

《臥底嬌娃》昨晚（3月12日）一集重點劇情，分別是劉彪（關禮傑飾）驚爆是索柏（吳子冲飾）生父，二人聯手打擊白學年（白彪飾）外，還有就是潘奕風（馬貫東飾）為調查粉精靈上線，竟暗中從警方手上救走學年，再次引來郭Sir（黃子恆飾）質疑其可信性…

原來呢個咁搞笑嘅𥄫女方式，係廣沛自度架。

Kelly竟然可以將一套咁難著嘅衫，Carry得咁完美，掂！

Kelly竟然可以將一套咁難著嘅衫，Carry得咁完美，掂！

昨晚焦點明顯落在驚喜客串的何廣沛身上。以彩蛋形式現身《臥底嬌娃》第14集的廣沛，飾演保安林子謙，雖然只僅僅現身三場，但三場均甚有記憶點。場口講述廣沛眼見身材火辣的Kelly、身穿貼身「最強戰衣」趴在走廊正中央，即忍不住雙眼發光，並全神貫注至身體不自覺向左扭兼前傾90度、兼露出如沐愛河的笑容，相當有喜感。

之後廣沛春風滿面步向Kelly，卻遭Kelly投訴行路冇聲嚇親人，廣沛聞言即搞笑回應：「Sorry Sorry，我下次會行得大聲啲。」眼見廣沛中晒「美人計」，Kelly即落多兩錢肉緊瘋狂撒嬌，務求氹掂廣沛諗計幫她打開目標單位大門；而對「美人計」零招架之力的廣沛，露出氹女嘟嘴樣大呼「慘慘豬咯」之餘，又英雄上身為Kelly諗計仔，當Kelly大讚他好人時，廣沛則搞笑露出「害羞三連環」＋滿意甜笑。

今次廣沛嘅客串表情好豐富。

呢個怕醜三連環係正嘅。

呢個怕醜三連環係正嘅。

呢個怕醜三連環係正嘅。

雖然面對Kelly時講到天下無敵，但當臨場面對「殺氣騰騰」的吳子冲時，廣沛卻「英雄變鵪鶉」，但即使處於劣勢，廣沛仍「兵仔上身」竭盡全力為Kelly爭取「打開大門」，可惜最終無功而還。最後一場，廣沛需配合警方向白彪做戲兼撒謊，廣沛全程除擺明心虛兼口窒，還Keep住流露「牽強笑容」，遭劇組戲言「啲戲好屎」，十分搞笑。對於廣沛客串，網民大感驚喜，笑言：「何廣沛客串好正」、「咁靚仔嘅保安好驚喜」、「完全將男人見到美女嘅零抗拒力，演繹得淋漓盡致」，又驚嘆Kelly的「最強戰衣」相當難Carry：「呢套衫真係好難Carry。」

呢位保安扮完Man再忍唔住露出嗒糖樣。

大家唔好誤會，呢個「戲屎」係指廣沛個角色做起戲上嚟好唔掂咋。  

談到是次客串，廣沛接受官方訪問時大呼好玩，並笑指自度「左扭前傾90度小動作」很過癮：「今次客串當然好玩啦，因為本身呢套都係輕喜劇，加上個場口都有趣嘅，好小可搵我做保安，我都從未試過做保安，因為保安畀人固有感覺都係年紀穩重少少嘅，所以搵我演都幾得意」、「今次因為想配合番Kelly場口嘅打扮，又唔想太正經去演，所以就選擇咗佻皮同盞鬼啲演繹方法，例如設計咗特登烏低身向左扭90度嘅方法去望Kelly，呢個我自己都覺得幾有趣嘅。」

何廣沛《陀槍師姐2021》造型。

據知，廣沛之所以客串演出，全因與監製方駿釗老友鬼鬼！二人除先後合作過叫好叫座的《跳躍生命線》及《你好，我的大夫》外，廣沛還曾客串過方駿釗監製的《陀槍師姐2021》，並與江嘉敏齊齊飾演「街友」，當時造型同樣搶戲。

TVB一眾藝人近日積極備戰，為今日（5月1日）的《明星籃球精英隊表演賽．廣州站》密密加操，對戰由前中國男籃國手的孟鐸，以及有「路人王42冠王」陳澤文組成的球星隊。籃球女神劉穎鏇作為明星隊隊長，率領譚俊彥、張振朗、何廣沛、許家傑、戴祖儀、孔德賢、周志康、潘靜文、劉頌鵬、劉詠彤等人密密練波。

籃球女神劉穎鏇率領明星隊為《明星籃球精英隊表演賽．廣州站》密密加操。

藝人們平時工作繁忙，可以就到時間齊人練波已經非常難得，大家為了積極備戰，每星期最少都練一次，可以的話甚至一個星期練三課，非常努力。當中隊長劉穎鏇與許家傑被眾人寄予厚望，視為「神隊友」。

身為隊長兼籃球女神，劉穎鏇表示以往未試過在內地比賽，知道今次會在天河體育中心體育館作賽，心情有點緊張。雖然她近期比較少練波，但為了今次有更好表現，每星期最少都練習一次，大家都很團結去練習，非常期待。她又笑言：「反而我覺得同男仔打波會好啲，因為佢哋會錫住我哋。」她又大讚隊友會互相補位，而且已經培養好默契，希望到時每人都可以得分。

劉穎鏇

劉穎鏇、戴祖儀

劉穎鏇

在旁的張振朗則表示今次比賽是要「搵初戀」，他笑言：「今次參加比賽我想搵返初戀，自從13歲夏天同籃球結緣之後，我好耐都冇打過喇。而且我13開始就有個籃球夢，所以我今次唔係嚟比賽，我係嚟尋夢！」有張振朗在場搞氣氛，令大家在一片笑聲中練習。

張振朗

氣氛擔當又點止張振朗，戴祖儀笑言：「我已經買咗兩個啦啦球，準備做啦啦隊同大家打氣，我唔會落場㗎！」然後她即場射籃豈料射失，她自嘲：「我角度係有㗎，係冇力之嘛，我有埋力鋪鋪做神射手都唔知你哋點算。」

戴祖儀

雖然練習時有講有笑，但何廣沛表示對於今次比賽心情緊張，因為未知對手實力如何，以前在橫店拍劇時也曾與當地的學生打籃球，他說：「當地啲學生好勁，個個都好高大，手長腳長。」雖然會因為比賽感到緊張，但有許家傑（Jack）做隊友令他很放心，他說：「Jack有自己球隊，係HERO嘅老大哥，好有經驗，有佢帶住個心都定啲。」他又說：「相信只要傳到空位俾Jack，都有8、9成機會入波。另一位猛將Tiffany都好勁，期待佢到時可以做到得分王！」他又笑言：「籃板王我應該攞硬，我好有信心，呢幾次練波都有一個2米高嘅對手訓練我彈跳力，依家我跳到兩個膝頭傷晒，就快變『雙失』㗎喇。」

何廣沛

許家傑表示雖然未試過在內地打籃球賽，但有留意開國家隊表現，特別是女籃每一位運動員都很高，高自己成個頭；又試過跟內地朋友打籃球，覺得對方不論是技術與體魄都很強。Jack又表示自己從小就打籃球，雖然近年轉跑馬拉松、pickleball，不過自己有球隊所以沒有生疏。戴祖儀亦讚他很專業，會教大家跑姿、射姿。而Jack覺得Joey很捱得：「上次佢練到塊面都青晒斷氣咁滯都仲好堅持，可能公司藝人都比較捱得。」

許家傑

同場的孔德賢以前有在內地踢過足球賽，但籃球賽就第一次，他表示期待與大灣區、廣東省嘅朋友交流。而劉頌鵬就表示現時可以做的就是積極備戰，這幾個星期是他人生最接近做運動員的一次，基本上一個星期練三課。他們覺得，如果之後有機會原班陣容組隊定期練波，再將它拍成節目，或者參加業餘比賽也不錯，相信各位男神、女神一起拍節目會很好玩。

孔德賢

大合照