美食新聞報道｜食評家Agnes挑戰施焯日福建菜專業戶 波波25蚊沙薑雞飯「有驚喜」

由一班靚仔靚女倪嘉雯（Carmen）、黃嘉雯（Carmaney）、廖慧儀（Jessica）、伍倩彤（Gillian）、蔡景行（行仔）等主持的飲食節目《美食新聞報道》，本周一、二、四、五晚8點TVB Plus（82台）播映。

今晚（3月13日）食評家謝嫣薇（Agnes）準備帶施焯日（Arthur）品嚐精緻福建菜，Arthur即場表露福建人身份，他笑說︰「由細到大食阿媽煮嘅（福建菜）二十幾年喇，福建麵線成日食。」Agnes推介餐廳的特點是既有傳統福建味，同時加入新的手法、概念去演繹，她笑說︰「用精緻化去表達，所以與別不同。」

Agnes帶Arthur食家鄉福建菜，頭盤是永春老醋海蜇凍。

Arthur自言家中食的潤餅為平民版，有別於眼前的豪華版。

飄香紅蟳糯米飯是福建菜名物。

花生湯配手工黑麻糍

打頭陣出場的冷盤永春老醋海蜇凍已非常出色，Agnes講解說︰「將福建傳統小食各種『凍』，做成精緻版，變成啫喱凍。以現代方式重新演繹傳統菜，用嘅永春老醋係中國四大名醋之一，名貴在陳釀3年先推出，醋味香濃。」接住出場的潤餅Arthur自言由細食到大，不過就沒有眼前的豪華，有大大隻蝦作餡料，他笑說︰「福建得嚟又唔太福建，因為太高級。」而必食的是福建名菜飄香紅蟳糯米飯，糯米飯吸收了蟹香及蟹糕精華，而且做到鬆軟入味。主廚林陽師傅透露糯米會浸泡一晚，蒸完後再炒才有這個效果。結尾配上花生湯配手工黑麻糍，令一頓富貴福建菜畫上完美句號。

此外，「荷包守衛隊」兩位成員黃婧靈（波波）、蔡景行（行仔）再次出動，今趟目標是一蚊件煎釀三寶，波波試食後直言「無期望下絕對物超所值」。店主茜姐解釋平嘅原因︰「做街坊生意薄利多銷，街坊唔捨得我，我又唔捨得班街坊。」行仔跟住推介的沙薑雞飯連飲品都是25蚊，堪稱平通全港，賣點是店主秘制的薑蓉，用新鮮沙薑製造，每日朝9晚7有售，售完即止。波波再度化身試食大使，她說︰「平唔代表不唔好食，可以用有驚喜嚟形容，薑蓉做得好好食，仲要有菜、包飲品，絕對超值。」

葵涌一蚊件煎釀三寶吸引不少街坊幫襯。

老闆娘茜姐經營經年，跟街坊有深厚感情。

沙薑雞飯連飲品只是賣25蚊。

波波直言沙薑雞飯吃落「有驚喜」。

TVB小花黃婧靈（波波）外貌甜美，而且擁有36E導彈級上圍，加上爽朗活潑的性格，深得不少網民的喜愛，她亦不時在社交平台分享日常及派福利，近日她就貼出一張手指受傷的圖片，更自揭手指慘遭二次受傷。

波波黃婧靈

不時在社交平台分享日常。

又會派福利。

波波在IG貼出受傷手指的照片，並透露她下廚時不慎切傷手指，更慘切去大塊肉，照片雖然已經過處理，但依然能看出大片血跡浸濕紙巾，令她忍不住大呻：「數數手指，就已經四月，數數手指，好彩仲有九隻係完整嘅，整整下嘢食唔小心切傷咗隻手，有咩慘得過冇咗忽肉，就係第二日再整爛同一忽肉，整爛多次個傷口，明明我已經用左一日時間去黐返忽肉落個手指度，又甩返，飛到一地都係血都唔夠膽影。」

黃婧靈IG圖片

不少網民看過帖文後都紛紛留言關心：「睇到都痛，祝早啲埋口，快啲好番」、咁唔小心，快啲好返」、「心痛，希望你快D好返，唔好食鹹野，你好勇敢」、「切個下唔太痛，但睇到個傷口，真心痛」、「肉痛死我，正所謂十指痛歸心」、「慘慘心痛」。

黃婧靈IG圖片