鄧小巧新歌變「情緒急救包」 自爆人前氣氛擔當人後攰到散晒

鄧小巧今年首支派台作品《外向型憂鬱人格》今日（3月16日）上架，歌曲由小巧親自操刀填詞，將自己對情緒及性格的觀察寫入歌中，認真有心思。

鄧小巧推出今年首支派台作品《外向型憂鬱人格》。

歌曲創作概念，的確令不少人心有戚戚然。小巧指歌曲靈感來自身邊朋友及自身經歷，「有時同朋友聚會，睇住大家嘻嘻哈哈，但我知道有啲人其實心事重重。而我呢？算係『氣氛擔當』，但有時返到屋企會發現，原來自己攰到好似打完仗咁，哈哈。人前樂觀，人後攰到散晒，呢種感覺真係好識搵上門。」

鄧小巧

小巧透露今次填詞過程特別投入，因為題材貼地，寫的時候想起很多生活片段，「寫到『外向與失落並存疲倦便休養』呢句嘅時候，我直頭覺得係同自己講緊嘢。我想同大家講，就算你成日笑面迎人，都唔代表你冇唔開心嘅權利。外向同哀傷其實可以並存，唔需要覺得自己有問題。」

鄧小巧

作曲找來年輕音樂人Kudos Lam，編曲及監製黃兆銘。小巧大讚各人功力，「Kudos寫嘅旋律好有溫度，聽完已經覺得心靈被撫摸咗一下。而黃兆銘嘅編曲就幫我哋營造咗一種由熱鬧到寂靜嘅氛圍，完全捕捉到嗰種『散場後嘅孤獨感』。」MV則由陳國邦及顧定軒演出、洪助昇（Aiden）擔任導演。

MV由陳國邦及顧定軒演出，洪助昇則擔任導演。

鄧小巧與顧定軒

顧定軒

洪助昇、顧定軒

小巧坦言希望新歌可以成為一份禮物，送給每一位「人前扮冇事嘅朋友」，「我想話你知，你唔係孤單嘅，就算係外向型憂鬱人格，都可以好好同自己共處，最緊要係識得留返啲力，關心返自己內心嗰個小朋友。」

觀看相關影片按連結：https://youtu.be/IAUjhYA6jfQ

「療癒系女聲」鄧小巧將於今年十二月十八至十九日，假新蒲崗PORTAL舉行一連兩場《Before Bedtime音樂會》，今次特別採用全企位形式，務求拉近與樂迷之間的距離。小巧希望透過音樂會提供一個親密空間及不同情緒場景，讓大家在忙碌一天後，找回屬於自己的時間，同時拾回一部分散落了的自己。

鄧小巧

小巧透露，《Before Bedtime》這個名字是突然在腦海中出現的直覺構思，亦是她最初為音樂會定下的名稱。雖然其後曾經考慮過其他名字，但最後仍然覺得《Before Bedtime》最為貼切，「我覺得before bedtime係一個可以係好私密、好私人嘅時間，亦都可以係一個可以照鏡嘅時間。因為我哋放咗工之後、瞓覺之前嗰段屬於自己嘅時間會做乜、會感受到啲乜，其實係好體現到我哋當時嘅生活狀態。」

對小巧而言，before bedtime並不只是臨睡前的一刻，而是由下班後至入睡前，均可屬於自己的一段時間。她分享平日的「睡前儀式」，包括按不同階段逐漸調暗家中的燈光、點蠟燭及香薰、與家中的貓咪玩耍及擁抱，甚至觀看別人露營、只有野外聲音的片段，這些都是她在before bedtime時會做的事情。

鄧小巧

鄧小巧

提到今次音樂會的概念，小巧指並非要替樂迷整理好所有情緒，而是希望提供一個空間，讓大家自行拼湊屬於自己的答案，「我冇諗去幫樂迷拼番啲乜嘢，我覺得係我提供一個空間或者提供一啲情緒、提供一啲場景，去俾佢哋自己去拼番佢哋自己想要拼嘅嘢。」她認為每個人破碎的地方均不一樣，需要的安撫、情緒甚至發洩方式亦各有不同；有人可能會在音樂會中跳舞、有人會呼喊、亦有人會哭泣。小巧希望今次可以提供不同場景，讓樂迷找回自己所需要的力量，「我想樂迷嚟完呢個show之後，佢會好好準備去自己嘅before bedtime，或者佢可以搵到一個佢自己適合嘅before bedtime嘅情緒或者空間啦。」

至於海報拍攝，小巧大爆今次是自己歷來最快完成的一次，由開始拍攝到大家認為可以收工，最多只用了四十分鐘，效率極高。除此之外，這次海報的場景亦埋藏不少小心思，劇場內擺放了多件與她過往專輯歌曲相關的小物件，至於樂迷能否全部發現，則有待大家入場後慢慢發掘。提到上次音樂會打側手翻，小巧笑言今次場地的舞台未必有足夠空間，未必可以進行太多需要較大活動範圍的表演。至於會否準備驚喜，她則大賣關子，「一定會有，到時記得入場睇。」

鄧小巧《Before Bedtime音樂會》