鄧小巧自己MV自己拍 赴峇里圓夢與海豚同游

「療癒系女聲」鄧小巧推出全新作品《無時無刻》，向來鍾意參與創作的她，今次亦不例外，再次親自操刀參與填詞，難怪歌曲充滿她的個人風格。

鄧小巧推出全新作品《無時無刻》。

觀看相關影片按連結：https://youtu.be/o91Ejm_mAUo

今次MV拍攝取景地，小巧指其實是一個美麗的巧合，「本身真係純粹去峇里島旅行㗎咋，哈哈！咁啱得咁橋寫《無時無刻》Demo嗰陣，第一稿嘅Demo詞入面嗰句『吸氣呼氣』，其實本來係寫『飛去峇里』。」正正因為這個「整定」，她覺得既然都去到，就不要浪費當地靚景，更索性由原本計劃只是拍Vlog，變成認真找當地攝影師拍攝，「當地攝影師最了解峇里嘅靚景，於是就去搵佢哋拍一啲航拍嘅shot，應該會好靚。同埋我好鍾意峇里嘅稻田，被椰子樹同叢林包圍嘅感覺。仲專登搵咗個冇咁熱門但係靚好多嘅稻田拍攝。」

MV圖片

MV圖片

MV圖片

這次寓工作於娛樂的拍攝之旅，除了有當攝影團隊，小巧老公「白先生」及經理人都有落手落腳幫手，成個過程又累又開心。她還趁機完成人生其中一個Check List，「就係同野生海豚游水！終於做到，真係好開心！」她透露拍攝靈感來自於「活喺當下」，「無論風雨、無論係崎嶇道路定一帆風順，都可以好活在當下，所以今次MV有種上山下海嘅感覺。」

MV圖片

MV圖片

MV圖片

至於歌曲內容，小巧就話《無時無刻》表面上輕快，但其實是講述一種狀態，「開心又係過，唔開心又係過，不如平和啲去感受你嘅情緒。呢首歌就係講『慢慢來比較快』，去感受、去戀愛、去冒險，把握人生中嘅際遇。」

MV圖片

MV圖片

將於12月18及19日假新蒲崗PORTAL舉行一連兩場《Before Bedtime音樂會》的鄧小巧，今日（10月15日）推出全新廣東作品《成為了我不喜歡的大人》，唱出成年人在成長路上的取捨、轉變與自我和解。新歌由小巧與黃兆銘聯手作曲、黃兆銘負責編曲及監製，小巧操刀填詞。

鄧小巧推出全新廣東作品《成為了我不喜歡的大人》。

觀看相關影片按連結：https://youtu.be/csNjbir3bkc

歌曲由「當初天真信愛、敢於衝撞的少年，不知不覺間也學會了圓滑」出發，寫下人在經歷社會磨練後，逐漸學會承擔責任、作出犧牲，甚至變成曾經不喜歡的大人。小巧認為，所謂「圓滑」未必一定是負面的改變，成長亦不代表要完全否定昔日的自己﹐小巧坦言：「細個成日都覺得大個就可以做自己，但出到社會之後發覺原來做自己係有好多代價。」在她眼中，成長不是要責怪當初天真的自己，而是逐漸明白人在不同階段，總會因應現實環境作出改變，亦需要學習保護自己。

MV圖片

至於「經歷背叛後學懂防備，相戀比孤單更費神」，小巧透露，這部分並非完全源於個人經歷，「越來越多朋友選擇單身，唔係冇追求嘅對象，但係我覺得佢哋好似prefer自己一個人嘅生活多過係兩個人，好似戀愛或者進入一段關係會帶嚟一啲煩惱，我覺得呢個反而係我對我身邊嘅朋友嘅一啲嘅觀察。」

MV圖片

對小巧而言，人生中最需要和解的部分，是那個曾經以敵對心態面對世界的自己。她回望年輕時，遇到不認同的人和事，容易覺得「點解可以咁樣做人」或「點解可以咁樣做嘢」，但隨着年紀增長及接觸更多人，開始明白每個人的人生追求及願意付出的程度都不一樣，「人生有很多種狀態，世界亦有好多個面向，唔係非黑即白。」

MV圖片

至於錄音地點，今次小巧與團隊特別選址到BU一所類似音樂學校，過程亦令她十分「難忘」，「我哋平時錄音就冇話錄幾個鐘就一定要走，有時錄到興起，就算錄咗五個鐘，都會覺得不如錄多五、六take啦。」不過，這次場地並沒有讓她「再錄多幾次」的選擇，「我經歷過一次之後，之後約嘅錄音時間就約早咗啦，哈哈。」

拍攝花絮

提到音樂會籌備情況，小巧透露正如火如荼，「陸陸續續開緊會，嚟緊會做一啲編曲嘅準備，練歌， rundown幾乎都已經係確定啦，六、七成。不過我成日都覺得演唱會嘅rundown未到最後一日上台，甚至上咗台之後都係可以改、會改，我覺得live Performance就係咁有趣，因為係live，所以你可以隨時作出改變。」

MV圖片

MV圖片