《足球女將2》連家穎自責表現不符期望落淚 主教練盧均宜期待終極一戰技術總監郭嘉諾目標螢花能成功入球

ViuTV節目《足球女將2》逢星期一至五晚上9時30分播放。節目秉承第一季女子足球隊「螢花」精神，挑戰成為長遠可發展球會，繼續發揮熱血、搏盡、團結及迎難而上的精神。新一季球員除了經歷不同訓練之外，亦要面對新加入成員的壓力。每個球員都盡力維持自己在球隊中的位置以及要爭取代表球隊出戰最後的比賽。

螢花將會進行終極之戰前的最後一場友誼賽

主教練盧均宜期待終極一戰

技術總監郭嘉諾目標螢花能成功入球

連家穎因自己的表現未如理想而自責痛哭，隊友都紛紛安慰

連家穎調整狀態成功爭取正選前鋒位置

連家穎坦言螢花是自己最後的機會

螢花早前再次對決佳聯元朗女足。雖然最後仍輸給對手，主教練盧均宜指已經看到大家的進步和拼搏精神。完場後，連家穎（Vian）因自己的表現未如理想而自責痛哭，隊友都紛紛安慰。Vian坦言想在螢花中彌補遺憾：「當初田徑就係差唔多可以代表香港比賽嘅時候，就傷得好勁。可能好多人覺得我一帆風順，但好多細節位都係陰啲陰啲咁無咗個機會。宜家俾唔到自己一個交代，每日係到諗不如離開呢個圈，不如唔好做喇。好想嚟呢到踢波嘅原因係一來我仲可以留係到，二來係可以做到鍾意做嘅嘢，大家睇到唔同嘅我。雖然大家笑我衝動，但呢個係我最後機會。唔想係到求其馬虎踢兩下波，無意思。」調整好狀態的Vian繼續樂觀積極去爭取正選位置，笑言想做正選的決心大到前所未有。最終，因她的努力和進步，成功在今場以正選前鋒落場比賽。

螢花日前進行終極之戰前的最後一場友誼賽，對手是冠忠南區女子足球隊。賽後檢討時，主教練盧均宜直言對這場友誼賽的表現很滿意，球隊能完成到賽前部署和要求。他坦言期待終極一戰，對球隊十分有信心：「一場一場進步緊，學咗半年左右去挑戰乙組球隊都可以打成均勢，呢個就係我地嘅恐佈之處」。技術總監郭嘉諾指終極一戰的目標就是有第二季的原因，希望螢花可以在觀眾面前成功入球。《足球女將2：終極一戰》將於4月5號在南華會進行，並將剪輯成節目於4月18號晚上8時30分播放。

寰亞「長腿師妹」連家穎（Vian）上周末（4月11日）參與國際培幼會舉辦「『愛．女孩』起跑！2026」慈善跑活動，見證爸爸完成10公里比賽，感到好幸福。

連家穎上周末參與國際培幼會舉辦「『愛．女孩』起跑！2026」慈善跑活動。

「我今日嘅目標係1小時05分內完成，好開心，結果只係用咗58分鐘，同今年初『渣馬』成績差唔多。之前參加足球比賽有上戰場嘅感覺，但今日嚟到跑道，心情輕鬆好多。」田徑女將Vian透露化身「白老鼠」，實驗以足球訓練融入跑步，結果令她驚喜，不但保持成績，連舊患痛楚都拜拜！

Vian連家穎

Vian連家穎

Vian連家穎

Vian說：「因為我好好奇，足球練習對長跑有冇幫助？今日終於驗證咗，『肌耐力』同『氣』都有好大幫助，以前跑到3、4K舊患開始痛，今日跑完10K都冇事！」Vian笑言「策略」是「瘋狂睡眠」，她說：「足球比賽後呢一個星期盡情瞓覺，畀身體同肌肉有足夠放鬆，無加操有『加瞓』！」

Vian連家穎

告別舊患痛楚當然開心，但令Vian最興奮和難忘，是首次與爸爸一齊參加10K跑，她說：「我同自己講，今日我就算攰都唔可以展露出嚟，要不斷同佢打氣，佢攰就陪佢行吓，成為佢嘅『領導者』！」Vian開心見證爸爸第一次完成10K比賽，「以前見佢落街跑1、2K都有啲吃力，今日竟然完成到10倍距離，仲要笑住完成，我覺得好幸福、好特別！」她期待明年與爸爸一齊參加馬拉松賽跑。

Vian連家穎

Vian連家穎