黃建東身形消瘦惹網民擔心 親揭激減30磅原因：托賴身體尚算健康

《正義女神》正在熱播，不少觀眾都發現在劇中飾演阮官（阮博君）的黃建東（Derek）身形明顯消瘦，並紛紛留言關心他健康狀況。對此，黃建東在社交平台晒出多張花絮照，解釋消瘦全因兩年前參與《福祿壽訓練學院》時，突然「扚起心肝」減肥，結果成功減掉30多磅，笑言：「大家唔使擔心，托賴身體尚算健康。」

黃建東身形明顯消瘦。

不過，黃建東坦言瘦了雖然可以著回大碼甚至近中碼的衣服，但樣子看上去卻好不太精神，「我肥啲感覺開心啲舒服啲親和啲，不過瘦咗咁多就可以飾演重病嘅人、命苦爸爸、失業漢等，個戲路可以完全改變咗，作為演員都未嘗唔係一件好事。」他又問大家：「其實我係適合瘦啲定肥啲？」

黃建東IG圖片

黃建東IG圖片

黃建東IG圖片

黃建東IG圖片

黃建東IG圖片

黃建東IG圖片

黃建東IG圖片

此外，黃建東還分享自己首次挑選演法官落足苦力，「第一次做法官，拍攝之前去咗幾次唔同嘅法庭度旁聽，庭過庭咁去聽唔同case，跟住發現現實中嘅法官原來審訊時候講嘢好似平時啲人講嘢咁，原來嗰個法官腔係做戲先有，即刻note to self。」又對劇本質量亦讚不絕口，「淨係睇第一集已經令你睇到唞唔過氣，超正！」

黃建東IG圖片

黃建東IG圖片

黃建東IG圖片

葵青安健協會（前稱：葵青安全社區及健康城市協會）進一步拓展服務，繼2024年設置流動牙科診所後，最近於青衣長安邨安清樓全新開設「安健牙科診所」。日前，該會特別舉行《「葵青安健協會–安健牙科診所」開幕禮暨「健康笑容由『齒』起」嘉年華》，由藝人黃建東（東東）擔任大會司儀，並榮幸邀得葵青安健協會顧問委員會主席梁智鴻、葵青民政事務專員梁乘龍、九龍西聯網總監羅振邦、長安邨業主立案法團主席陳潔華擔任主禮嘉賓，聯同葵青安健協會主席周奕希和首席副主席何少平，以及一眾嘉賓共同主持開幕儀式。

藝人黃建東（東東）日前出席「葵青安健協會–安健牙科診所」開幕禮。

東東獲大會委任為「葵青健康大使」，宣揚「早預防，早發現，早治理」的健康訊息。

席間，東東獻唱一曲《平安郁》牙齒健康版帶動現場氣氛，更獲大會宣布委任為葵青安健協會本年度「葵青健康大使」，代表向葵青區居民宣揚健康訊息，鼓勵大眾「早預防，早發現，早治理」，他說︰「成日話健康係人生最重要嘅財富，擁有強健體魄先有本錢追夢，活出快樂人生，所以千祈唔好諱疾忌醫，最好定期檢查，守護好自己嘅牙齒同身心。」當日，現場特設多個健康攤位活動，東東亦趁機參與護齒小遊戲，並進行肌少症風險評估、免費醫生諮詢等，了解自己的身體狀況。

他自揭兩年前體重高達217磅，膽固醇接近超標，懷疑是糖尿病前期，於是決心減肥。

最後靠改善飲食及恆常運動成功甩掉30多磅。

談及重拾健康體態，東東坦言兩年前體重不斷攀升，最高峰達217磅，導致身體機能失調：「嗰時膽固醇接近超標，食親飯都包尾清盤食極唔飽，懷疑係糖尿病前期徵狀，我唔想咁後生就要長期打針食藥。」面對健康危機，加上希望以最佳狀態拍攝人氣劇《正義女神》及真人騷《福祿壽訓練學院》，東東決定扚起心肝減肥，最終透過改善飲食習慣、保持恆常運動，成功揈甩30多磅贅肉，各項身體指數亦恢復正常。

他透露最近愛上跑半馬拉松，更首次挑戰室內健身賽。

與朋友以1小時29分完成接力賽，開心到癲！

最近，東東不僅愛上跑半馬拉松，本月中更首次挑戰大型室內健身賽，「同朋友參加接力賽，我負責推雪橇和藥球投擲項目，雖然比以前Fit咗好多，但體能和耐力依然係隊中最弱嗰個。練習時表現唔太理想，好擔心連累佢哋，大家仲笑話一個半鐘內完成已經算執到，點知我哋1小時29分完成，開心到癲，真係不枉我之前努力鍛鍊。」並盼能持續勤力操練，下次挑戰室內健身雙人賽。

東東呼籲市民勿諱疾忌醫，要定期檢查，守護牙齒及身心健康。