上次講到一位好有條件的朋友，因為太過追求完美，結果娶唔到老婆。今期講吓我另一位老友，佢係上期提到的追求完朋友的變異版。
為了行文方便，我就叫他阿John，我與他認識好多年，友儕之間都叫他「玩嘢John」, 特此聲明，唔係「玩家John」，大家之所以話佢「玩嘢」，因為佢說話非常玩嘢，對任何事情都彈三彈四、挑挑剔剔，總之無樣嘢睇得順眼。可能係出身一個家境唔錯的中產家庭之故吧！
阿John嘅姻緣運，比我上文提過的朋友好得多，二、三十歲已經搵到個大美女，拉埋天窗。仲記得當年一對新人在婚宴上企出嚟，男才女貌，好似楊過同小龍女咁嘅絕配，羨煞旁人。
但開場完美的故事，卻出現殘忍的結局。玩嘢John結婚十年，有一次和朋友到酒吧飲酒，就喊住話要離婚。老友聽聞都十分訝異，橫睇豎睇，都覺得兩人好匹配，為何要搞到離婚咁大件事？
有人問係唔係因為「十年之癢」，見佢地無仔無女，難道有第三者界入？阿John矢口否認，話無搞這套。再追問之下，原來阿John覺得同老婆性格唔夾，而且老婆太過挑剔(吓，佢話人挑剔?)。佢周末喜歡在家睇煲碟、打機，但老婆就鍾意逛街Shopping；放長假，想去遊行，老婆卻偏偏要留港陪年老體弱的外母；佢怕熱，佢老婆就怕冷，總之就係唔「啱牙」。
講到佢太太好挑剔，大家都覺得奇怪，因為雖然同佢太太唔係太熟落，但覺得她為人都幾隨和。阿John就唔同意，佢仲話自問係超級好老公，雖然是銷售經理，但不愛夜蒲，盡量放工就回家，不過老婆諸多挑剔，埋怨他返到屋企唔理佢，又話佢十問九唔應，阿John話想落老婆其實無乜嘢問佢。總之係樣樣都唔啱老婆心意，阿John話既然係咁，離婚啦。佢仲坐言起行。
如今阿John離婚已經近十年，佢亦差唔多接近五十，期間拍過幾次拖，但都結唔成婚。每次老友聚會，佢不時提起以前老婆，比依家嘅女友點好點好。見佢其實好掛住以前嘅老婆，好後悔無想清楚就離婚。大家惋惜之餘，愛莫能助。
剛讀到一本書，提到預期心理點樣影響人對未來幸福。原來我們睇事情，往往有一個叫「假象聚焦」（focus illusion）的傾向，就係把注意力集中在容易睇到的事件上，而且過份強調，亦將其重要性放大。癥結卻係，我們往往特別注意的，都不如想像中的那麼重要。就是這些假象，讓我們在人生大事，特別係自身的幸福上，做出錯誤的決定。結果係，我們的生活，總係不如想象中的快樂。
放諸我們的人生，即使伴侶有90%完美，但睇多咗覺得不外如是，只假象聚焦在10%的殘缺上，點會唔散呢? 我建議大家現實啲，老婆哦你就當耳邊風，唔好屈在心內，明天起床就唔起得，人生就會好快樂啦。
黃毅力
黃毅力
** 博客文章文責自負,不代表本公司立場 **
我有一位男性朋友，二十八歲， 單身， 樣貌俊俏， 有樓有車， 是一位專業人士。
在過去這十年， 在他身邊出現的女伴， 全部都是擁有魔鬼身材、高學歷及樣子甜美的女生，但是每每不出一年半載就會鬧分手。最近，我忍不住問他一個簡單的問題, 為何又分手呀 ?
他說：「我想娶老婆，想找到一位完美的太太，同時也兼任我的情人。我要一個愛我 、照顧我 、 愛護我家人 、體諒我工作 、接受我脾氣及接受我陋習的人。」聽完了後，我說：「唔難吖, 以你既條件, 由尖沙咀排到旺角都大把啦。」 不過，他也同時要求這位太太要有超完美體態及超高質樣貌。我續說：「又要入得廚房，又要出得廳堂；樣樣事情都要接受你、忍你、照顧你、仲要愛屋及烏、兼且要美若天仙，我估要搵到都真係難過登天。」
人生就是這樣，當你追求完美，就會往往失去最好，去到最後你可能會變成一無所有。人生就是這樣公平的，特別當一些好有條件的男女，樣貌學識財富也是超卓的時候，他們自然會自我中心，特別揀擇，最重要的是對伴侶條件的要求，是要與自身的條件相若。
但遇到這種完美條件的人，肯定也都是自我中心的。 那怎樣兼容到大家的弱項，那以後的相處就會有點困難。所以，往往最好已經是足夠，有這個心態，我相信不會有任何問題，一定找到自己的意中人，可以成家立室。
希望各位讀者看完這篇文章後，能夠懂得如何平衡，其實最適合就是最好，而並不是追求完美。
黃毅力
