新聞之花變賢妻！張文采煮足成個下午孝敬兩老

前無綫「新聞之花」張文采，曾任TVB新聞首席主播，氣質專業形象深入民心。自2018年與圈外人盧樂輝結婚後，翌年離開無綫，轉型發展口才訓練、主持及配音工作。

張文采曾任TVB新聞首席主播

離開無綫後，轉型發展口才訓練、主持及配音工作

近日佢喺社交平台宣布新居入伙，更罕有公開屋企廚房，大晒居家生活。片中見到廚房空間闊落、設計簡約舒適，而張文采更親自下廚，由備料到煮食一手包辦，動作熟練，展現主播以外嘅賢淑一面。

更罕有公開屋企廚房

全部由零開始製作

佢仲特意邀請媽媽同奶奶上門食飯，準備多款家常菜，包括葱油手撕雞海蜇、白灼蝦、蒜蓉蝦米蒸勝瓜粉絲同酸菜豆卜牛肉，全部由零開始製作，誠意十足。佢笑言：「整餸真係搞咗我成個下午，但煮嘢食真係好好玩。」

誠意十足

唔少網民睇完都大讚佢廚藝了得，餸菜賣相吸引又有心思。

回顧感情路，張文采曾與羅鈞滿拍拖4年，但最終因對方負面新聞分手。其後遇上現任丈夫盧樂輝，兩人結婚多年感情穩定，生活幸福美滿。

李佳芯一直以仙氣外表加自然演技圈粉無數，近年更踩入電影圈，首次拍戲就接拍《金童》，雖然戲份不多，但憑住情緒爆發位展現強勁喊功，成功令觀眾睇到揪心，印象極深。結果佢亦憑呢套作品，入圍今屆香港電影金像獎「最佳新演員」，唔少粉絲都睇好佢有機會「爆冷」。

Ali 一直以仙氣見稱

李佳芯憑《金童》入圍今屆香港電影金像獎「最佳新演員」

隨住頒獎禮就快到，佳芯嘅母校都出手應援！日前學校喺社交平台晒出佢嘅童年校服照幫手拉票。相中嘅佢樣子清純，帶住幾分稚氣，但五官已經好標緻，完全係由細靚到大，難怪網民都話「一眼認得」。

日前Ali母校晒出女神童年校服照幫手拉票

五官標緻

樣子清純

校方仲特別留言支持，話對於有校友入圍金像獎感到非常興奮，仲話雖然之前「前哨戰」未有斬獲，但今次依然有機會，勝負五五波。連當年同學都話會守住電視為佢打氣，可見人緣同人氣都keep得好好。

Ali 極好人緣

期待金像獎結果