曾比特CHANGE唔再唱慘情歌 飛鵝山拍MV變喪屍片

曾比特（Mike）推出今年第二首派台作品《CHANGE》，由Lee Ching及Kudos Lam作曲、Oscar填詞、蘇道哲與Kudos Lam編曲及蘇道哲監製，繼續用音樂跟自己對話同時，亦帶出一個有力的訊息給樂迷。

曾比特（Mike）推出今年第二首派台作品《CHANGE》，由Oscar填詞、蘇道哲監製，以「只要你願意，新開始永遠不晚」為主題。

Mike認真分享，這首歌最想帶給大家的是，任何事情都好，只要你想做就去做，哪怕是甚麼時候開始，只要願意開始，就不會太慢。他以自身經歷作例子，「回想返自己以前嘅決定，例如參加《造星》、減肥，其實都係自己當刻好想去做嘅一樣嘢，然後真係去做咗嘅時候，佢就會俾到一個相應嘅因與果俾你。」所以《CHANGE》就是想叫大家勇敢地去瘋、去狂。

Mike直言最想改變自己「I」性格，唔再唱慘情歌，會轉唱感動甜蜜溫馨歌路。

問到Mike最想「change」甚麼，他坦言是自己性格，「我最想change嘅一樣嘢就係比較I嘅性格，因為除咗係天生，我覺得喺工作或者喺好多場合上面有少少會令到身邊嘅人好難去了解更多、更深入嘅自己，我亦都係一個唔容易打開心房嘅人。」所以他希望可以改善，以更好地表達自己的感受。

提到拍MV難忘事，Mike自爆上飛鵝山拍攝時遇上大霧，能見度極低。

至於拍MV難忘事，Mike即忍不住大爆兩件趣事，第一件關於選角，「導演同我講，MV選男主角最緊要就係個髮型似我，佢casting咗好多人，最終係根據個髮型，直咗頭髮之後嘅曾比特去挑選。」另一件是上飛鵝山拍外景，「我哋上飛鵝山拍攝，目標可以追到日落，但沿路上去嘅時候，大家都發覺，『咦！唔係好對路！』因為啲霧越嚟越勁，我哋上到去大概目標位置時，發覺啲霧大到好似仙境咁樣，總之就係睇唔到前面嘅路。」Mike更搞笑地說：「有少少似《李屍朝鮮》，然後啲喪屍喺霧入面衝出嚟，哈哈。」

他笑言：「有少少似《李屍朝鮮》，然後啲喪屍喺霧入面衝出嚟。」

提到今年目標，Mike相當進取，「最大目標係可以出到十首歌或以上，衝到一隻專輯。因為我覺得作為一個歌手，做一隻專輯係一樣好有代表性嘅嘢。我出道咁多年，其實真係冇試過做一隻大碟，所以今年嘅目標、亦都多謝公司願意同我去拼搏呢樣嘢。」亦透露情歌陸續有來，「公司俾咗好多自由度我，第一首歌《雪出個未來》同埋而家呢首《CHANGE》，其實呢兩首都偏向同我自身比較有關係。對於大家嚟講慘情歌喺曾比特嘅歌曲類型上面有好多，所以嚟緊有一啲歌反而係偏向感動、偏向甜蜜溫馨。」又大爆會有新挑戰，「嚟緊會挑戰第一次填詞，希望大家到時可以俾返啲feedback我。」

昨日（7月17日）是英皇娛樂集團行政總裁霍汶希（Mani）正日生日，一向愛錫旗下藝人的她，今次被公司上下聯手反過來驚喜！曾比特（Mike）、湯怡（Kathy）、楊天宇（Angus）、李靖筠（Gladys）、曾傲棐（Arvin）、海兒（Hedy）、黃明德（Dark）、劉若寶（Polly）及一班同事秘密籌備party，等Mani開完會返公司即場送上驚喜。

英皇高層霍汶希（Mani）昨日（17日）生日，獲曾比特、湯怡等藝人同事驚喜慶祝。

Mani一踏入公司門口，Mike便即刻拿着結他跟Dark合體自彈自唱生日歌，最後帶領全公司大合唱，連英文、廣東話及國語三個版本都唱勻，辦公室頓時變成小型演唱會般熱鬧。

Mani生日驚喜派對變「派錢大會」。

講到送禮物，Angus向Mani笑着自爆，「我買咗生日禮物俾你，但係唔記得帶擺咗喺屋企。」Mani一聽即刻追住Angus大叫：「拎個銀包出嚟，唔該。」場面搞笑；至於開餅店的Kathy就親手製作蛋糕送給Mani，Mani一見即大讚：「呢個係全香港最好味嘅蛋糕，我話俾你哋知，仲要係靚女嘅出品。」認真俾面。許願時，Mani就將願望送給大家，「祝各位所有藝人都大紅大紫、工作順利。」

Mani主動向同事派利是，現金不夠即場「籌錢」，場面搞笑。

影完大合照後，向來跟藝人同事打成一片的Mani即時自動波話：「拎個電話出嚟搶利是。」全場即刻瘋狂歡呼。不過因為並非所有同事都在同一個群組，最後決定改為派實體利是，同事們都乖乖排隊等拎利是，氣氛熾熱，派利是期間，Mani忍不住笑着說：「點解無端端變咗新年嘅？點解生日會係我派錢嘅？CFO快啲攞啲錢出嚟啊，有冇錢呀請問。」由於事前完全未有準備，手上的利是派完後，Mani霸氣話：「派現金。」點知連現金都不夠，她邊摷袋邊抱頭問：「有冇人有現金呀？」引嚟全場爆笑，不過她即刻補充話：「大家記住，唔係講錢嘅問題，係Lucky Money。攞到Lucky Money就大紅大紫身體健康事事如意要乜有乜。」認真識做。

曾比特與黃明德自彈自唱生日歌，更唱勻英文、廣東話及國語三個版本，辦公室瞬間變小型演唱會，全場熱鬧。

正當大家玩得開心之際，英皇集團主席楊受成博士剛好「路過」，楊博士即裝兕問Mani：「你好大膽喎！生日都唔請我！」Mani無奈回應：「唔係呀，我唔知道佢哋surprise我呀，我招架唔住啦，攞晒啲錢出嚟派啦。」楊博士見狀即刻問：「使唔使要錢呀？」更即時摷袋準備出手，非常豪氣。之後二人先合照，Mani邊拿着利是邊跟楊博士說：「老闆，今日嚟講，我三十三年一直都搶你啲錢啦，我今日個個都派咗一封大家都大吉大利嘅生日利是，祝你身體健康事事如意生意興隆。」然後便親手遞上利是給楊博士。楊博士接過利是就搞笑話：「可唔可以補償返我三十幾年嚟你呃我啲錢呢？多謝。影相先。生日快樂！」

隨後，老闆跟人傾偈期間，Mani突然問楊博士，「咦，你諗住俾利是我嗎？」全場即刻大笑兼拍手，向來有求必應嘅楊博士二話不說即時從褲袋拿出利是，場面溫馨又搞笑。

老闆楊受成博士路過笑問：「生日都唔請我？」Mani即遞上利是作「回禮」，楊博士亦豪氣掏利是派發。

Mani生日快樂！