實力派歌手張德蘭，為慶祝入行60周年，於2026年5月30日假紅磡香港體育館舉行《御品音響呈獻-相識是緣份張德蘭演唱會》，目前已進入如火如荼排揀階段，原打算今日（4月15日）到深圳試衫後繼續綵排，不過今早卻發生意外，在深圳試服裝時，未察覺尚有一級樓梯而差錯腳跌倒，左膊先撞落地下，即時感到非常痛楚，懷疑膊頭甩骹，幸丈夫楊偉誠（Frankie）在場照顧，並立即坐車回港就醫，德蘭強忍痛楚返港治療，經醫生診斷有骨裂及甩骹，所以需要入院進行復骹手術，總算不幸中之大幸。
張德蘭將於5月30日假紅磡香港體育館舉行《御品音響呈獻-相識是緣份張德蘭演唱會》。
張德蘭受傷，幸夫婿楊偉誠陪伴在側照顧。
據德蘭夫婿楊偉誠表示：「醫生話復骹手術係小手術，目前預計都要3、4星期，左手可以小郁動，希望唔會對演唱會太大影響，不過見到太太痛到入心，我都好心痛，大前提就係佢康復為先。」
點擊看圖輯
張德蘭將於5月30日假紅磡香港體育館舉行《御品音響呈獻-相識是緣份張德蘭演唱會》。
明星足球隊今日練波時得知張德蘭意外受傷，一齊祝福德蘭早日康復。
張德蘭跌倒傷左膊甩骹，到醫院接受治療。
德蘭最擔心影響個唱進度，她忍住痛楚表示：「原本要試衫和排舞，今日未能完成工作任務，要向各主辦方講聲抱歉。」主辦方稱一切以德蘭健康為首要，會配合康復進度，安慰德蘭今次吉人天相，其他就不用擔心。
張德蘭受傷後最擔心影響個唱進度。
張德蘭跌倒傷左膊甩骹非常痛楚。
譚校長安慰：小小苦楚等於激勵
剛好昨今日明星足球隊練波，校長譚詠麟得悉德蘭意外受傷，即時致電慰問，在電話中對德蘭安慰：「小小苦楚等於激勵，唔洗擔心好快好番，我地一齊撐妳！」黃日華等隊友都在電話中為德蘭打氣，令到德蘭終於笑得出，感謝大家雪中送炭送上鼓勵祝福。
明星足球隊今日練波時得知張德蘭意外受傷，一齊祝福德蘭早日康復。
歌手張德蘭將於5月30日在紅館舉行入行60周年演唱會《相識是緣份》，惟她日前為演唱會試衫時不幸發生意外，導致左臂甩骹及骨裂。張德蘭昨日（4月23日）到新城廣播接受薛家燕、思敏及范振鋒主持的新城電台節目《開心大派對》錄音訪問，親述受傷經過及最新康復情況，並強調會積極面對，務求以最佳狀態演出。
張德蘭接受薛家燕《開心大派對》錄音訪問。
張德蘭表示習慣工作前先去洗手間，以免阻礙後續行程，但當日對場地環境不熟悉，加上心急，未有留意地上有一級黑色梯級而踏空：「我一起步已經知道大事不妙，因為級數都幾高。」她回憶當時第一時間想到不能用手撐地，以免傷勢更嚴重，於是用手臂側面着地：「點知都卸唔到咁多力量，就『砰』一聲路落地，自己都聽到自己『clock』一聲。」
她續指，跌倒後整邊身扯着劇痛，手部更一度失去知覺，無法自行站起。幸得丈夫在附近男廁聽到她大叫，即時趕來協助：「好彩有佢喺度，因為佢以前有打功夫，好有直覺，佢一摸就話『唔得，老婆你一定係甩咗骹』。」同時要求太太要即時前往就醫。
左起：范振鋒、薛家燕、張德蘭、思敏
雖然劇痛難耐，但張德蘭坦言當時一度猶豫應否即時離開：「我話唔得，約齊晒所有人上嚟，咁樣走好似唔係幾好。」但在丈夫堅持下，她最終妥協。她先由相熟的骨醫診治，惟醫生指甩骹位置太痛，無法即時復位，必須到醫院在全身麻醉下進行。經詳細檢查後，醫生發現她除了甩骹亦有骨裂，幸情況不算嚴重，毋須接受手術。
她說：「醫生話如果做手術仲麻煩，要落螺絲就真係大手術。因為呢個裂嘅程度唔係太厲害，就希望好似我今日咁，孭住呢把『槍』（護托），穩定啲，唔好郁動上臂嘅位置咁多。」
張德蘭為演唱會試衫不慎跌傷。
張德蘭透露，現時傷勢已明顯好轉，痛楚減輕，但仍需佩戴護托固定位置。她解釋，因部分肌肉仍在腫脹發炎，會有繃緊感覺，影響到手指活動：「手指尾就差少少，但醫生話正常，因為入面嘅肌肉仲腫，就會影響到壓到一啲神經線。呢個問題應該唔大，如果我聽日去照X光，睇吓個片，骨裂冇問題，就要開始做物理治療。」
她呼籲大家不用太過擔心，並展現一貫樂觀態度：「我而家都有郁，我哋都好勤力、好進取，我覺得真係要郁，就算我整親隻手，今日我都一定要出嚟，因為我唔想困喺自己屋企，我覺得真係要見吓人、郁動吓，就更加快好。」
張德蘭左臂腫脹發炎戴護托亮相。
雖然受傷來得突然，但張德蘭未有因此氣餒。她透露是次演唱會獲資深填詞人鄭國江老師送上一首新歌，名為《快意人生》。她指歌詞猶如在為自己打氣：「歌詞係話要開心，做人最緊要係開心，即使遇到挫折都只係考驗，你應該樂觀去面對。」她認為這首歌十分適合現時的情況，充滿正能量。
張德蘭強調，演唱會將如期於5月30日在紅館舉行，她會繼續投入排練，只是會因應傷勢調整部分動作。她說：「就算我整傷咗手，今日我都一定要出嚟。我覺得真係要見吓人，郁動吓。」她又感謝各界關心，並表示會以最佳狀態回饋等了14年的樂迷。
詳細節目內容，請重溫4月25日，下午2- 3時，新城知訊台《開心大派對》節目，網址：https://www.metroradio.com.hk/MetroInfo/
