由陳心遙監製、新晉導演胡翠兒執導，周家怡、金燕玲、陳湛文、楊雅文、張迪文參演新片《媽樣年華》日前舉行慈善優先場，邀請多個家庭主婦與家人成為第一批觀眾欣賞電影，而主演周家怡、張迪文（Jayden）、監製陳心遙、導演胡翠兒親臨現場答謝全港第一批觀眾，久未碰面的二人甫見面即擁抱問好，而Jayden更準備花束，驚喜送給片中飾演母親的周家怡，全場歡呼聲與掌聲不斷，有現場觀眾更深受導演胡翠兒媽媽曾放棄個人興趣的故事感動，氣氛感人又溫馨。
《媽樣年華》海報
電影慈善優先場得到善心人士國際獅子會中國港澳303區第六分區主席梁晏菁女士支持，邀得近百位來自香港小童群益會賽馬會長沙灣青少年綜合服務中心、民社服務中心以及香港婦女中心協會賽馬會麗閣中心的家庭共渡母親節周末。
點擊看圖輯
監製陳心遙、國際獅子會中國港澳303區第六分區主席梁晏菁女士、導演胡翠兒、周家怡、張迪文
《媽樣年華》講述家庭主婦在家庭與自我之間勇敢追夢的故事，家怡飾演片中追夢母親，Jayden則演出「媽寶」角色，兩人母子對手戲備受期待。映後分享環節中，家怡鼓勵每一位媽媽勇敢追夢，而Jayden寄語觀眾在任何年齡、任何情況下，都可以追求自己想做的事。
周家怡、張廸文
對於席間陳心遙監製宣布電影正計劃下半年上映，家怡大表興奮：「好期待！因為呢套戲大家都放咗好多心血。最重要的是，我覺得呢部電影適合所有人睇，俾大家見到導演胡翠兒拍呢部戲的初衷，就係想表達媽媽當初選擇家庭時所放棄嘅野，所以期待上映後有更多媽媽可以睇到。」
監製陳心遙、國際獅子會中國港澳303區第六分區主席梁晏菁女士、導演胡翠兒、周家怡、張迪文
被問到今次戲中需要展現鋼管舞，家怡回想仍然深刻：「開拍前準備咗三個月，但正式訓練可能只有一個月，因為中途經歷骨裂，真係好辛苦，需要很大力氣。其實以前我完全唔了解鋼管舞，覺得拍嘅時候上去扭兩下就行，結果完全唔得。真正去了解後，先發現鋼管舞根本就係武術，需要好強嘅核心肌群同肌肉，要訓練過先可以做到。」
周家怡
身旁的Jayden聽畢即大歎：「我超級佩服家怡同泰妹（楊雅文）真係好厲害！我好尊敬所有舞蹈員，佢哋俾咗很多意見，都分享咗很多跳舞的心得。每個人都跳得超級好睇。」而Jayden亦大表幸福：「家怡好友善，好疼愛團隊同所有演員。因為始終好少經驗拍電影，所以有前輩好似家怡同燕玲姐照顧都係非常開心嘅一件事。」
周家怡、張廸文
被問到母親節有何準備，家怡笑言：「我訂咗禮物給媽咪，但係仲未送到！不過我會同媽咪吃飯，仲有我嘅姑姐、姑長、全部嘅表弟妹一齊出嚟食，好開心。其實唔係正日先係母親節，每日都應該係母親節，真係每日都錫爹地媽咪。」而Jayden則表示：「母親節會一齊食飯我諗我媽咪都會好享受我哋一齊食飯，係一件好溫馨嘅事。」
張廸文、周家怡
由凌文龍、楊偲泳、陳湛文、林子傑、黃德斌主演，人氣劇集《大叔的愛》導演郭家禧（CK）及導演李振傑（Jack）聯合執導之大癲黑色喜劇《UFO離奇命案》，累積票房超越250萬，在芸芸暑期猛片中，口碑突圍而出，由公映開始更佔據Threads討論熱度，明日（7月18日）更昂然踏入第三週上映。
《UFO離奇命案》海報
今個暑假全球票房黑馬均為刀仔鋸大樹的《嚇房》及《愛你致死不渝》，兩片不約而同以新導演、低成本配搭創意概念被受吹捧，更引起國際買家開始著重本地創意電影。而本地薑《UFO離奇命案》亦不遑多讓，除了收獲香港網友海量正評，更將於本周末在加拿大奇幻國際電影節的競賽環節放映，而電影未放映已收到美國獨立發行商高度關注，並爭相出價爭奪發行權，為小本創意電影打下重大強心針！
兩位導演郭家禧及李振傑，以及一眾演員連日留港忙於謝票，不過亦不忘抽空Mon Post回應觀眾評論。好趁電影即將進入第三周上映，眾人先行「賽後檢討」，共同拜讀網友的評論，其中，凌文龍開心Share其中一個Threads上的評論：「只有300萬製作費精密佈局完全唔輸過所謂過億嘅製作，劇情會不斷牽引你嘅思索，直到最後一秒，依然緊扣心弦！」；導演李振傑苦笑回應：「其實我哋呢個故事都死咗過億個腦細胞啊！」
《UFO離奇命案》劇照
《UFO離奇命案》劇照
至少楊偲泳（Renci）則留意到另一篇帖文，Renci分享：「以300萬製作、四個場景完成拍攝，有限嘅條件之下搵出令人驚喜嘅敍事結構，荒誕而不失懸疑驚慄的一面，是近期最瘋狂最搞笑嘅Cult片！」Renci笑著反問：「我哋係咪Cult？我覺得我哋係Cult片嘅Cult Cult哋，我聽過個版本係你哋想認真做，但係啲演員演到似Cult片！」；凌文龍（小龍）和應：「其實係我哋造成㗎嘛！」戲中CP延續爆笑默契本色！
《UFO離奇命案》劇照
《UFO離奇命案》劇照
至少戲中吹水唔抹嘴的「星麈大師》黃德斌大受網友好評，德斌分享帖文「黃德斌以前覺得佢好嚴肅，點知喜劇都有一手，係咪《大叔的愛》之後覺醒咗？」；德斌讀出後聞言：「我癡㗎其實！我都係聽導演講，同埋夾下佢哋（凌文龍、楊偲泳、陳湛文、林子傑）咁樣啫。」好拍檔小龍則笑指：「其實德斌不嬲都好搞笑！」
《UFO離奇命案》劇照
《UFO離奇命案》劇照
導演李振傑則分享另一則帖文：「一套真係好癲嘅戲，不過真係好睇囉，就算成本低，都完全唔失禮，劇本有趣，左右兩位觀眾笑到抽筋，好似神打咁樣！」女主角楊偲泳見狀則示範神打表情，由戲裡的KOL雯豬，到戲外的本尊都充滿表演慾！而導演郭家禧則對另一篇帖文最有共鳴，他分享：「電影出奇地好睇啊，原來成本只係300萬啊，拍出完整而又有笑位的電影，已算是上乘之作！」導演讀出留言後也補充「其實真係好辛苦！」
《UFO離奇命案》劇照
作為戰友的小龍道出：「其實好多好多朋友都認為我哋呢個300萬嘅製作係好有誠意囉！」；導演郭家禧反建議： 「咁樣我而家驚下次要挑戰200萬喎！」，在旁導演李振傑笑言：「咁樣搞要喺演員嘅片酬上面開刀㗎喎！」，本身已經不計條件參演Renci則笑指：「我哋冇得再開（開刀）㗎喇，哈哈哈！」
《UFO離奇命案》劇照
為公開答謝網友支持，被網友神封片中MVP的「阿金」陳湛文（Peter）連同小灰人，今晩將殺入旺角，大派「金」蔗水，以答謝觀眾厚愛！網友只需於指定時間重演片中「我哋地球人唔會同外星人屈服」口號，即可由Peter及小灰人送上金蔗水！
《UFO離奇命案》劇照
《UFO離奇命案》成功結合懸疑、驚慄與荒誕黑色幽默，故事講述25年前，小學生豪仔於東頭山離奇失蹤，被指遭外星人綁架，成為神秘都市傳說。25年後，一對網紅情侶為吸引流量，重返事發現場拍攝整蠱短片，豈料假戲真做釀成真命案，隨後神秘勒索短訊、外星人現身、眾人離奇失去記憶等荒誕事件接連發生，一切竟與25年前的失蹤案互相呼應，事件愈演愈失控，笑料與反轉不斷。
